ھايۋاندىن بەتتەر بىر ئەر ئۆز قىزى ۋە قىز نەۋرىسىگە ئىبلىس قولىنى ئۇزارتىپ ،ھاۋايى-ھەۋىسىنى قاندۇرۇش  بىلەن بىر ۋاقىتتا يەنە،كېلىنى بىلەن ئۇزاق مەزگىل بىنورمال مۇناسىۋەتتە بولۇپ،ھە دېسىلا ئايالىنى ئۇرۇپ،تىللاپ ،ئۇنى ئۆلتۈرىۋېتىغانلىقى توغرىسىدا داۋراڭ سېلىپ يۈردى،ئايالى بۇ زۇلۇم ۋە ئاچچىققا چىدىماي يۈرگەندە،ئۇ ئەر ئايالدىن 20مىڭ يۈەن تەلەپ قىلدى،سەۋىر-تاقىتى تۈگىگەن ئايال بۇنىڭ بىلەن بىر قاتىل ياللاپ ئېرىنى ئۆلتۈرۈپ ،ئۇنىڭ جەسىدىنى قىزى ھەيدىگەن ماشىنغا سېلىپ مائەن شەھىرى خېشىيەن ناھىيسى ۋۇجىياڭ بازىرىدىكى سېرىق توسما كۆۋرۈكىنىڭ ئاستىغا تاشلىۋەتتى.خېشىيەن ناھىيىلىك سوت مەھكىمىسى بۇ دېلوغا قارىتا 15-مارت سوت ئاچتى.

«ھايۋان ئەر» ئۆز قىزىنى خورلىدى 

مۇخبىرنىڭ 20-مارت مائەن شەھىرى خېشىيەن ناھىيىلىك سوت مەھكىمىسىدىن ئىگىلىشىچە،نەنجىڭ شەھىرى چىشىيا رايونى باگۇاجۇ  شىياۋشىشىيا كەنتىدىكى 7-نومۇرلۇق قورودا ئولتۇرۇشلۇق جاۋ جىيايىن ،ئۇزاق مەزگىلدىن بۇيان ئۆزىنىڭ قىزى،قىزىنىڭ قىزى(قىز نەۋرىسى)گە يامان نىيەتتە بولۇش بىلەن بىر ۋاقىتتا،يەنە كېلىنى بىلەن ئۇزاق مەزگىل بىنورمال مۇناسىۋەتتە بولغان،ئۇ ئىلگىرى يەنە پاھىشۋازلىق جىنايىتى بىلەن ج.خ ئورگانلىرى تەرىپىدىن جازالانغان.ئۇنىڭ ئايالى ما گۇيلەن بۇ يىل 65 ياشتا بولۇپ ،قانۇن بىلمەيدىكەن،ئۇنىڭ دەپ بېرىشىچە،ئېرى جاۋ جىيايىن ئۇزاق يىللاردىن بۇيان ئۆزىنى ئۇرۇپ تىللاپ يۈرگەن  بولۇپ،دائىم «سېنى ئۆلتۈرۋىتىمەن!» دەپ داۋراڭ سالغان.ئۇ ئېرىگە بەك ئۆچ بولۇپ كەتكەنلىكتىن ،قانۇننىمۇ بىلمىگەچكە،بۇ ئىشنى قانۇنى ۋاسىتە ئارقىلىق ھەل قىلىشنى  تاللىماي،ئاخىرىدا  ئۇنى «جايلىۋېتىش» نىيىتىگە كېلىپ،بۇ ئىشنى ئۆزىنىڭ ئۆيىدە ئىشلەيدىغان شۈ گوباۋ بىلەن مەسلىھەتلىشىپ، ئېرىنى يوقتىشقا ياردەم بېرىشنى تەلەپ قىلغان،ئەمما شۈ گوباۋ ئۇنىڭ بۇ تەلىپىنى رەت قىلغان.

زۇلۇمغا چىدىمىغان ئايال قاتىل ياللاپ ئېرىنى ئۆلتۈرۋەتتى

2011-يىلى 22-سىنتەبېر ئاخشىمى،جاۋ جىيايىن ھاراق ئىچىپ ئۆيىگە قايتىپ،ما گۇيلەندىن 20مىڭ يۈەن  بېرىشنى،ئۇنداق بولمايدىكەن ئۇنى ئۆلتۈرىدىغانلىقىنى  ئېيتقان،بۇ چاغدا ما گۇيلەن سىرتقا پۇل ئۆتنە ئېلىشنى باھانە قىلىپ ئۆيدىن چىقىپ،شۈ گوباۋغا دەرھال تېلېفون قىلىپ، جاۋ جىيايىننى ئۆلتۈرۈشكە ياردەم قىلىشنى ،ئىش پۈتكەندىن كېيىن قىزى جاۋ چېڭچۈنى ئۇنىڭغا ياتلىق قىلىپ بېرىدىغانلىقىنى ،دەرھال ئۆيگە كېلىشنى ئېيتقان.شۇ ئاخشىمى گو بوشۈ يېتىپ بېرىپ،ما گۇيلەننىڭ قىزى جاۋ چېڭچۈدىن ،دادسىنى ئۆلتۈرۈلگەندىن كېيىن ئۆزىگە ياتلىق بولۇش ھەققىدە ۋەدە بېرىشنى تەلەپ قىلغاندا،جاچ چېڭچۈ شۇ جاينىڭ ئۆزىدە ئۇنىڭ بۇ تەلىپىنى رەت قىلمىغان.ئۇنىڭدىن كېيىن شۈ گوباۋ جاۋ جىيايىننىڭ ئۆيىگە كىرىپ،ئۇنىڭ ئۇخلاپ قالغان پۇرسىتىدىن پايدىلنىپ كالتەك بىلەن ئۇرۇپ ئۆلتۈرۋەتكەن،ئىش تۈگىگەندىن كېيىن ،جاۋ چېڭچۈ ماشىنا ھەيدەپ شۈ گوباۋنى نەق مەيداندىن ئەكەتكەن.شۈ گوباۋ نەق مەيداندىن ئايرىلغاندىن كېيىن،ماگۇيلەن ئۆيىدە ئېرىنىڭ جەسىتىنى پارچىلاپ ،جەسەتنى قىزى ھەيدىگەن ماشىنغا سېلىپ،بىرلىكتە  خېشىيەن ناھىيسى ۋۇجىياڭ بازىرىدىكى سېرىق توسما كۆۋرۈكىنىڭ ئاستىغا تاشلىۋەتكەن.

قەستەن ئادەم ئۆلتۈرگەن بۇ ئۈچ كىشى قانۇن جازاسىغا ئۇچرىدى

خېشىيەن ناھىيلىك سوت مەھكىمىسى دېلوغا قاراپ چىقىش ئارقىلىق ،جاۋاپكار شۈ  گوباۋ،ما گۇيلەن،جاۋ  چېڭچۈ قاتارلىقلار  ئاچچىقىنى چىقىرىۋېلىش ئۈچۈن،باشقلارنى قەسىتلەپ  ئۆلۈشىنى كەلتۈرۈپ چىقارغان،بۇ ئۈچەيلەننىڭ قىلمىشى  قەستەن ئادەم ئۆلتۈرۈش جىنايىتى شەكىللەندۈرگەن دەپ قارىغان.ئورتاق جىنايەت ئۆتكۈزۈش داۋامىدا ،شۈ گوباۋ ،ما گۇيلەن قاتارلىقلار باش جىنايەتچى  بولۇپ،جاۋاپكار جاۋ چېڭچۈ شۈ گوباۋنىڭ دادىسنى ئۆلتۈرۈپ بەرگەندىن كېيىن ،ئۇنىڭغا ياتلىق بولۇدىغان يالغاندىن ۋەدە بەرگەن ھەم دېلو يۈز بەرگەندىن كېيىن شۈ گوباۋنى ماشىنا بىلەن نەق مەيداندىن ئەكەتكەن،ھەم جەسەتنى تاشلىۋەتكەن ،دېلونىڭ يۈز بېرىشىدە قوشۇمچە رول ئوينىغان ئەگەشكۈچى جىنايەتچى ھېسالىندۇ دەپ قارىغان،جاۋ چېڭچۈ ج.خ ئورگانلىرىنىڭ شۈ گاۋبونى تۇتۇشىغا ھەمكارلىشىپ ،تۆھپە كۆرسەتكەن.

سوتتا ،جاۋابكار شۈ گوباۋ،ما گۇيلەن،جاۋ چېڭچۈ قاتارلىقلارنىڭ قەستەن ئادەم ئۆلتۈرۈش جىنايىتى ئۈچۈن ئايرىم-ئايرىم ھالدا 15يىللىق،12يىللىق،4يىللىق قاماق جازاسى بېرىلگەن. 

مەنبە:www.doslik.com