يېتىم بالىلارنى بېقىۋېلىپ ئوقۇتىمەن
ئائىلە سىزنىڭ! لېكىن بالا مىللەتنىڭ.
ئۇ ۋەتەننىڭ كەلگۈسى ئۈمىدى، بالىنى تېپىپ قويسىلا بولمايدۇ، ئۇنى ئەتراپلىق تەربىيەلەپ، ئوقۇتۇپ مەلۇماتلىق بىلىم ئىگىسى قىلىپ يېتىشتۈرۈپ چىقىش بىز ئاتا - ئانىلارنىڭ باش تارتىپ بولماس مەجبۇرىيىتىمىز.
ئەتراپىمىزدا بالىنى تېپىپ قۇيۇپ ئۇيۇن - تاماشا، كەيىپ - ساپاغا ئۆزىنى ئاتىۋەتكەن، ئاشۇ بىگۇناھ نارىسىدە بالىنى تىرىك يېتىملىك كوچىسىغا تاشلىۋەتكەن، مەسئۇلىيەتسىز ھايۋان دادىلارنى دائىم ئۇچرىتىپ تۇرىمىز.
مەقسىتىم ئاشۇنداق ئىگە چاقىسىز، يېتىم بالىلارنى بېقىۋېلىپ ئۆزۈم بىر قوللۇق ئوقۇتۇپ قاتارغا قوشسام دەيمەن.
مېنىڭ تېخى يېتىملار مەكتىپى ئاچقۇدەك پۇلۇممۇ يوق، لېكىن ئوقۇش پۇلىنى تۆلىيەلەيمەن، ياتاق، تاماق جەھەتتە كۆلىمى 5 مودىن ئارتۇق كېلىدىغان مېۋىلىك باغ ۋە 2 جايدا ئۆزىمىز ئولتۇرۇۋاتقان ئۆيلەردىن باشقا 10نەچچە ئېغىز بىكار ئۆي تەييار، ئارامگاھىمىزدا ئۈچ ۋاخ تاماقنى تەييار قىلىپ بېرىدىغان ئاشپەز ئۇستاملارنى قوشقاندا 10 دىن ئارتۇق خىزمەتچى بولۇپ، بالىلار ھېچنىمىدىن غەمسىز ياشايدۇ.
بالىلارنى خەلق ئىشلار ئىدارىسى ۋە ساقچىخانىلارغا تىزىملىتىپ، قانۇنلۇق ھامىيسى بولۇپ، ئالىي مەكتەپلەرگىچە ئوقۇتماقچىمەن. ئۆيدە پەقەت ئوقۇتقۇچىلىقتىن پېنسىيەگە چىققان ئاپام بىلەن ئىككىمىزلا بار، مەن تېخى تۇرمۇش قۇرمىغاچقا بالاممۇ يوق.
ئارزۇيۇم: بالىلارغا بارلىق يۈرەك قېنىمنى سەرپ قىلىپ، ئۇلارنىڭ ئۆز دادىسى بولۇپ، جەمئىيەتكە ياراملىق ئىختىساس ئىگىسى قىلىپ چىقالىسام، ئۆلسەممۇ ئارمىنىم يوقتى!!!!!!
ئاخىرىدا، كەڭ دوستلارنىڭ شۇنداق بالىلارنىڭ ئۇچۇرى بولسا ماڭا خەۋەر قىلىپ قويۇشىنى ئۆتۈنىمەن. ئۇلۇغ ئاللا ھەربىرىمىزنىڭ ساۋاپلىق ئىش ئۈچۈن قىلغان ھەربىر قەدىمىمىزگە بەرىكەت ئاتا قىلغاي!!
ئامىن!
بالىلارنىڭ ياش چەكلىمىسى 1 ياشتىن 12 ياشقىچە، گاس-گاچا، مېيىپ بالىلارنىڭ ياش چەكلىمىسى يوق.
ئالاقە نومۇرى: 8551803 - 0995
QQ: 504882229
جاپاكەش باشقۇرغۇچى دوستلارنىڭ ئۇچۇرۇمنى كۆرۈنەرلىك جايغا چىقىرىپ قويۇشىنى سورايمەن.
ئالاقىلاشقۇچى: پەرھات مەخسۇت (پاسىبان ئاتا)
باشقا تور بەتلەرگە چىقىرىپ تەشۋىق قىلىشقا بولىدۇ.
دۇنيا مىھرى مۇھەببەت بىلەن گۈزەلدۇر.
ئەسلى مەنبەسى: ئەتىرگۈل مۇنبىرى.
تەڭرىتاغ تورىدىن ئېلىندى .
مەن قاشتېشى مۇنبىرىدىن يۆتكەپ كەلدىم .
