ئاياللار قانداق ئەرلەرگە ئامراق؟ ئەرلەر دائىم شۇنداق سورىشىدۇ، شۇ سەۋەبتىن ئاياللارنىڭ نېمە ئويلايدىغانلىقىنى بىلىپ بېقىشقا تىرىشىدۇ، بەئەينى لازىر نۇر توچكىسىنى قوغلاۋاتقان مۈشۈكتەك: ئىككىلەنگەن، قايمۇققان، غەلىتە يېرى ئۈمىدۋار ھالدا...
مەسىلە ئاياللارنىڭ ئەرلەردىن زىددىيەتلىك نەرسىلەرنى كۈتىدىغانلىقىدا: ئۇلار ئەرلەرنىڭ كەسىپ ۋە ئىقتىسادتا غايىلىك، ئۇتۇقلۇق، مۇۋەپپىقىيەتلىك، لېكىن مال- دۇنياغا بېرىلمەيدىغان بولۇشىنى ئۈمىد قىلىدۇ؛ ئۇلار ئەرلەرنى تۇراقلىق، مۇقىم، ئىزچىل ۋە ئىشەنچلىك شۇنداقلا قىزىقچى، تۇيۇقسىز خۇشاللىق ئاتا قىلالايدىغان، ھازىر جاۋاب بولسىكەن، دەيدۇ؛ ئەرلەرنىڭ خاراكتېرى كۈچلۈك، تەدبىرلىك، قارارىدىن يانماس، شۇنداقلا ئەھۋالغا قاراپ ئىش تۇتىدىغاان، كاللىسى ئوچۇق (قاتمال ئەمەس)، خاتالىقىنى ئېتىراپ قىلالايدىغان بولۇشىنى ئارزۇ قىلىدۇ.
ئاياللارنىڭ تەلىپى كۆپ. ئۇلار ئەرلەرنى رېئالىزىمچى لېكىن رومانتىك، ئەستايىدىل لېكىن شوخ، ئۆزىگە ئىشىنىدىغان لېكىن كەمتەر، ئويۇنچى لېكىن سادىق بولسىكەن دەيدۇ؛ ئۇلار ئەرلەرنىڭ كەسىپچان لېكىن ئائىلىۋى تۇرمۇشنى ئەلا بىلىدىغان، ئەقىللىق لېكىن كىتاب خالتىسى بولۇۋالمايدىغان، كۆيۈمچان لېكىن زىيادە يۆلىنىۋالمايدىغان، قىزغىن لېكىن چاپلىشىۋالمايدىغان، قوغداشنى بىلىدىغان لېكىن ئىگىلىۋالمايدىغان، ھېسىياتچان لېكىن مىشچانلىق قىلمايدىغان، ھەجىۋى لېكىن ھەييارلىق قىلمايدىغان، يېتەكلەيدىغان لېكىن ئىش ئۆگەتمەيدىغان، كونترول قىلغىلى بولىدىغان لېكىن كونترول قىلىۋالمايدىغان بولۇشىنى ئارزۇ قىلىدۇ.
چاتاق يوق، بىلىۋالغىنىمىز ياخشى، يىگىتلەر، خاتىرىلىۋېلىڭلار ۋە ئېسىڭلاردا تۇتۇڭلار: بىز كۈچلۈك لېكىن نازۇك، قوپال لېكىن سىلىق، ئەركەك مىجەز لېكىن سىپايە، باتۇر لېكىن ئاجىز بولۇشىمىز كېرەككەن
