بەزىدە تېمىغا چۈشكەن ئىنكاسلار ،شۇ تېمىدا سۆزلەنمەكچى بولغان مەزمۇندىنمۇ ئېسىل بولۇپ چىقىدىكەن. تۆۋەندە مەلۇم مۇنبەرداشنىڭ ئىنكاسىغا قارىتىلىپ يېزىلغان يەنە بىر ئىنكاسنى قايتا كۆرۈپ چىقىشىڭلارغا سۇندۇم.

ماڭا بەرىبىر  مىللىتىم دىنىمغا توسالغۇ بولمىسا ئەگىشىمەن، بولمىسا نىرى بارسۇن مىللەت .....دىگەن ئىنكاسقا قارىتىلىپ تۆۋەندىكى مەزمۇن يىزىلىپتۇ:

ئالدى بىلەن ئەسسالامۇ ئەلەيكۇم ، قايسى بىرەر  قۇلىقىنىڭ تۈۋىدە پوجاڭزا پارتىلىغان كىشى يازدىكىن دەپ تازا گەپ قىلاي دېۋىدىم .... قارىسام سىزكەنسىز، مەن يازدىم دەڭا ؟؟!! گېپىڭىزدىن كۆزدە تۇتقان مەنايىڭىز ماڭا ئايان ، ئەمما بۇ گېپىڭىزدە كەچۈرگىلى بولمىغىدەك ئېغىر لوگىكىلىق خاتالىق بار . مەنچە 90پىرسەنت ئادەم بۇ گېپىڭىزنى باشقا مەنىدە چۈشىنىدۇ ،مىللەت اللە نىڭ ياراتقان قانۇنىيتى(قۇرئان كەرىمدىكى اللە نىڭ نىمىشقا ئىنسانلارنى ھەر خىل  مىللەت قىلىپ ياراتقانلىقى توغرىسىدىكى ئايەتكە قاراڭ) ،مېنىڭچە  سىز بۇنى ئىنكار قىلمايسىز ،چۈنكى بۇ ھەقىقەت . ئەمماشۇنىڭ بىلەن سىز دىن بىلەن مىللەتنىڭ ،بولۇپمۇ ئىسلام بىلەن ئۇيغۇرنىڭ ئارىسىنى ئايرىشتىن ئىبارەت(نەئۇزۇبىللاھ) ئېغىر تارىخى پىتنىگە يول ئېچىشقا بىلىپ بىلمەي ھەسسە قوشقان بولىسىز .... ئاقىۋېتىنى ئويلاپ بېقىڭ ...مېنىڭ تېنىم شۈركنىپ كەتتى ...
          مۇبادا (اللە ساقلىسۇن) ھەممە ئۇيغۇر ئىسلامدىن چېكىنىپ ،كاپىر بولۇپ كېتىپ مەن يالغۇز قالغان تەقدىردىمۇ مەن يەنىلا ئۇيغۇر ، پەقەت ئۇلار بىلەن بىر يولدا ماڭمايمەن ،خالاس . نوھ ئەلەيھىسسالام خەلقىنى مىڭ يىل ئىسلامغا ،ئىمانغا دەۋت قىلدى ، ئەمما ئۇلار ئۇنى تاش توقماق بىلەن ئۇرۇپ خارلىدى ، ئۇ نىمە دېدى ؟! ئۇ پېشانىسىدىكى قاننى سۈرتىۋېتىپ : "ئى اللە  'قەۋمىمنى'  كەچۈرگىن، ئۇلار ئۇقمايدۇ " دېدى "قەۋمىمنى" دېدى. ھەرگىز اللە قا ئىمان ئېيتمىغان،دەۋەت قىلسام مېنى بۇنداق قىلغان بۇ قەۋم نېرى بارسۇن ،دېمىدى . بۇنى اللە دۇنيا مۇسۇلمانلىرىنىڭ قىيامەتكىچە بولغان دەستۇرىدا بىزگە بىكاردىن بىكار چۆچەك قىلىپ  ئېيتىپ بەرگىنى يوق . سىز  نوھ ئەلەيھىسسالام مىللىتىگە   قىلغاننىڭ 1000000000000000000دىن بىرىنى ئۇيغۇرغا قىلىپ ،شۇنداق تاش توقماق يېگەندە ئاندىن ئۇيغۇردىن تانامسىز ،چانامسىز ،ئاتامسىز  يا قىرىپ تۈگىتىۋېتەمسىز ... ئۇچاغدا مەن سىزگە ھېچنىمە دېمەيمەن . 
            ئىككى گەپنىڭ بىرى بولسىلا قانداق سەۋەبتىن بولسۇن دىن نامىدىن  دىن بىلەن مىللەتنىڭ ئارىسىنى ئايرىشقا ئۇرىنىدىغان كىشىلەرگە  شۇنى دەپ قويايكى ، مەن سىزنى نوھ ئەلەيھىسسالامدەك قەۋمىڭىزنى مىڭ يىل دەۋەت قىلىڭ دېمەيمەن ، ئاۋال اللە نىڭ مىللەت توغرىسىدىكى بارلىق ئايەتلىرىنى ۋە رەسۇلىنىڭ(اللەنىڭ سالامى بولسۇن ) مىللەر قەۋم توغرىسىدىكى ھەدىسلىرىنى شەرھ -يەشمىسى بىلەن ئوقۇپ بېقىپ ئاندىن كېلىڭ ،ھەممىسى تەييار كىتابتا بولغاندىكىن . مېنىڭچە بۇ نوھ ئەلەيھىسسالامنىڭ قەۋمىنى دەۋەت قىلغىنىدىن تەس ئەمەسقۇ دەيمەن . 

   ھەممىڭلارغا اللەتىن ئامانلىق تىلەيمەن

ھېلى تەپسىلى ئىنكاس يازاي بۇ تىما قىلىپ يوللانغان ئىنكاسقا

ھەقىقەتەنمۇ بەزى تېمىلاردىن ئىنكاسلار ئىسىل بولۇپ كىتىدىكەن .

قايسى تىمىدىكى ئىنكاسكەن بۇ خىلى ياخشى يېزلىپتۇ  تىما ئادرىسنى ئۇلنىش قىپ قويسىڭىز

قايسى تېمىكەن...؟
تېمىنى دەپ بېرىڭلا بىر كۆرىلى....

تىما ئادرىسىنى دەپ بەرسىڭىز بوپتىكەن بۇ ياخشى يېزىلغان ئىنكاسنىڭ تىمىسىنىمۇ بىر ئوقۇپ باقساق.

نادىر ئىنكاسكەن.           مانا بۇنى مىللىيمەدىنىيەت دەيمىز.

ئەسسالامۇ ئەلەيكۇم . بۇ ئىنكاسلارنى بۇرۇن ئوقۇغان ئىدىم . ھەقىقەتەن مۇسۇلمان كىشىنى ئويلاندۇرۇشقا تېگىشلىك ياخشى ئىنكاسلار. ئىنكاس ئوبىيكتلىرىنى ئەسكەرتمىگىنىڭىز ياخشى بولۇپتۇ ، مېنىڭچە ئۇلىنىش ئادرىسى قىلىشنىڭمۇ ھاجىتى يوق ، چۈنكى قېرىنداشلىرىمىزنىڭ بىردەملىك قېنى قىززىقلىق قىلىپ سۆزلەپ سالغان گۇناھىنى چىتقا يېيىش ، ئۇنىڭ يۈزىنىڭ تۆكىلىشىگە سەۋەب بولىدۇ ،پەيغەمبىرىمىز مۇھەممەدسەللەللاھۇ ئەلەيھى ۋەسەللەمنىڭ سۈننىتىگە كۆرە  قېرىندىشىمىزنىڭ يۈزىنى تۆكۈش ئۇنىڭ  قېنىنى تۆككەنگە ئوخشاشلا ھارامدۇر .
شۇغىنىسى نوھ ئەلەيھىسالامنىڭ دۇئاسى ئالدىراشچىلىقتا خاتا يېزىلىپ قالغان ئوخشايدۇ . «قەۋمىمنى كەچۈرگىن ، ئۇلار ئۇقمايدۇ .» دېگەن دۇئا بولسا سۆيۈملۈك پەيغەمبىرىمىز مۇھەممەد سەللەللاھۇ ئەلەيھى ۋەسەللەمنىڭ خېلى مەشھۇر دۇئالىرىدىن بىرى . نوھ ئەلەيھىسالامنىڭ دۇئاسى بولسا:«ئى رەببىم ! يەر يۈزىدە كاپىرلارنىڭ بىرىنىمۇ قويمىغىن» .
لېكىن بۇ يەنىلا يۇقىرىدىكى ئېنكاسنىڭ سۈپىتىگە تەسىر كۆرسەتمەيدۇ ، ئاساسىي مەقسەت يەنىلا ئېنىق ئىپادىلەنگەن .

قايسى تېمىكەن...     

راست ماۋۇ ئىنكاس بەك ياخشىكەن، ھەقىقەتەن بەزى ئىنكاسلار تېمىلاردىنمۇ بەك ئېىشىپ كېتىدۇ، مەنمۇ كۆپىنچە تېمىنى دەپ ئەمەس، ئىنكاسنى دەپ كىرىمەن مۇنبەرگە...