1- سەييىدۇل ئىستىغپار
شەدداد ئىبنى ئەۋس رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دىگەن: «ئى ئاللاھ سەن مىنىڭ رەببىم! سەندىن باشقا ھەقىقى مەئبۇد يوق، سەن مىنى ياراتتىڭ مەن سىنىڭ بەندەڭ، ئىقتىدارىمنىڭ يىتىشىچە ساڭا بەرگەن ۋەدەمدە تۇرىمەن، قىلغان ئەسكىلىكىمدىن پاناھ تىلەيمەن،سىنىڭ بەرگەن نىئمەتلىرىڭنى ۋە ئۆتكۈزگەن گۇناھلىرىمنى ئېتىراپ قىلىمەن، ئى ئاللاھ مىنى كەچۈرگىن، گۇناھلارنى پەقەت سەنلا كەچۈرىسەن» دېگەن سەييىدۇل ئىستىغپاردۇر، كىمكى بۇنى چىن ئىشەنچ بىلەن كۈندۈزى دىسەن، شۇ كۈنى كەچ كىرىشتىن بۇرۇن ئۆلۈپ كەتسە،ئۇ جەننەت ئىھلىدىن بولىدۇ، كىمكى كېچىسى چىن ئىشەنچ بىلەن دەپ تاڭ ئېتىشتىن ئىلگىرى ئۆلۈپ كەتسە جەننەت ئەھلىدىن بولىدۇ».
بۇخارى رىۋايەت قىلغان
2- ئەبۇ ھۇرەيرە رەزىيەللاھۇ ئەنھۇدىن رىۋايەت قىلىنىدۇكى، ئۇ مۇنداق دېدى، پەيغەمبەر ئەلەيھىسسالامنىڭ قېشىغا بىر ئادەم كېلىپ: ئى ئاللاھ نىڭ ئەلچىسى، مىنى تۈنۈگۈن كەچ چايان چېقىۋالدى، دېدى، پەيغەمبەر ئەلەيھىسسام: «ئەگەر سەن كەچتە ئاللاھنىڭ تامامى سۆزلىرى بىلەن مەخلۇقاتلارنىڭ شەررىدىن پاناھ تىلەيمەن دېگەن بولساڭ (چايان) زىيان يەتكۈزەلمەيتتى» دېدى
مالىك مۇسلىم ۋە تىرمىزىلار رىۋايەت قىلغان.
ئۇنىڭ يەنە بىر رىۋايىتىدە: «كىمكى كەچتە ئاللاھنىڭ تامامى سۆزلىرى بىلەن مەخلۇقلارنىڭ شەررىدىن پاناھ تىلەيمەن، دىسە، شۇ كېچىسى ھەر قانداق زەھەرلىك ھاشارەت زىيان يەتكۈزەلمەيدۇ» دىيىلگەن،سۇھەيل مۇنداق دېگەن؛ بىزنىڭ ئائىلىدىكىلەر ئۇ (دۇئانى)ئۆگەنگەن ۋە ھەر كىچىسى ئوقۇغان ئىدى، ئۇلاردىن بىر دېدەكنى پايان چېقىۋالغان بولسىمۇ بىئاراملىق ھىس قىلمىدى،
3- تەسبىھنىڭ پەزىلىتى ئەبۇ ھۇرەيرە رەزىيەللاھۇ ئەنھۇدىن رىۋايەت قىلىنىدۇكى، ئۇ مۇنداق دېدى، پەيغەمبەر ئەلەيھىسسالام ماڭا: مەن ساڭا ئاللاھ تەئالاغا ئەڭ ياخشى كۆرىلىدىغان سۆزنى ئېيتىپ بىرەيمۇ؟»دېدى، مەن: ئېيتىپ بەرگىن ئى ئاللاھنىڭ ئەلچىسى! دىسەم، پەيغەمبەر ئەلەيھىسسالام: ئاللاھ تەئالاغا ئەڭ ياخشى كۈرىلىدىغان سۆز، «سۇبھانەللاھى ۋەبىھەمدىھى» دېگەن سۆزدۇر دېدى.
مۇسلىم ۋە نەسەئى رىۋايەت قىلغان
