تىرىك جانغا كۆيۈپ قالساڭ ناۋادا..................
 
ئاپتۇرى : دىلاۋۇر شۆھرەت ئەلرازى


سوراپ باققۇم كەلدى سەندىن ئامرىقىم ،
ئويلاپ قالغاچ ئاشۇ ھىجران ئۆلۈمنى .
ئۇ دۇنياغا كەتكىنىمنى ئاڭلىساڭ ،
نەملەرسەنمۇ كىرپىكىڭنى، كۆزۈڭنى .

ئاھ ئۇرغانچە كىلەرسەنمۇ ئۆيۈمگە ،
جەسىتىمگە ئاتارسەنمۇ ئۆزۈڭنى .
قويۇپ بەرمەي مېنى مەھكەم قۇچاقلاپ ،
سۈرەرسەنمۇ يۈزلۈرىمگە يۈزۈڭنى .

تاۋۇتۇمنى ئېلىپ ماڭغاندا جامائەت ،
يىغا _ زارغا چۆمدۈرەمسەن ئۆيۈمنى .
پەريات چېكىپ ئەل جامائەت ئالدىدا ،
يۇلارسەنمۇ ئاھ ئۇرغانچە چېچىڭنى .


قىرائەتنى ئوقۇپ بولۇپ جامائەت ،
قارا يەرگە كۆمەر ئىكەن تېنىمنى .
( ئامىن ) دىگەن دۇئا بىلەن ھەممىسى ،
بىر ئاللاھغا تاپشۇراركەن جېنىمنى .

يۈرەرسەنمۇ قىرىقىمغىچە ئاق باغلاپ ،
تاشلارسەنمۇ يا زىرىكىپ ئېقىمنى .
كۆزۈڭگە ياش ئالارسانمۇ بەزىدە ،
ئوقوپ قالساڭ ساڭا يازغان خېتىمنى .

كۈلەرسەنمۇ يىللار ئۆتۈپ كەتكەندە ،
ياكى يىرتىپ تاشلارسەنمۇ خېتىمنى .
كۆيۈپ قالساڭ تىرىك جانغا ناۋادا ،
ئۇنتارسەنمۇ يۈرۈكىڭدىن ئېتىمنى .

ئاپتۇرى : دىلاۋۇر شۆھرەت ئەلرازى

  

    2012 . يىلى 3 . ئاينىڭ 13 . كۈنى ... سەيشەنبە


       تەكلىپ _ پىكىرىڭلارنى ئايىمىغايسىزلەر !!!!





ئاپتۇرى : دىلاۋۇر شۆھرەت ئەلرازى 

  ياخشى شېئىر يوللاپسز رەھمەت .

بىزنىڭ سۆيگىنىمىز ئاللاھتۇر،رەسۇلىمىزدۇر ۋە شۇلارنى سۆيىدىغانلاردۇر.

رەسۇلىللا نىڭ  ھەدىسلىرىنى تەپسىلىي ئۇقۇپ  نىمە يازسا بولدىغان نىمە يازسا بولمايدىغانلىقىنى بىلىپ ئاندىن قەلەمنى قولىڭىزغا ئېلىڭ .

بۇنى تىما يازغانغا تويغۇزماڭلار لىكىن 40 كۈنگىچە ئاق باغلاش دىگەن سۆز ماڭا سەل ياقمىدى رەسۇلۇللاھ بىر ئايالنىڭ ئۆز ئىرىدىن باشقىسىغا 3 كۈندىن ئارتۇق قارلىق تۇتۇشقا يول قويمىغان .

ئىشلىتىش

بۇ مەزمۇن 5قەۋەتتىكى مەھلىيا نىڭ 2012-03-14 12:55 يوللىغان يازمىسىغا نەقىل :
بۇنى تىما يازغانغا تويغۇزماڭلار لىكىن 40 كۈنگىچە ئاق باغلاش دىگەن سۆز ماڭا سەل ياقمىدى رەسۇلۇللاھ بىر ئايالنىڭ ئۆز ئىرىدىن باشقىسىغا 3 كۈندىن ئارتۇق قارلىق تۇتۇشقا يول قويمىغان .

بۇنى تويغۇزۇش دىسىڭىز قانداق بولدۇ ، ھەقنى تەۋسىيە قىلىش بىزنىڭ بۇرچىمىز ئەمەسمۇ .

سىلەرنىڭ بەرگەن رەدىيەڭلارنى قۇبۇل قىلدىم

ھەق ئاچچىق بولسىمۇ ھەق سۆزلىگىن .