ئەسسالامۇ ئەلەيكۈم ۋە رەھمەتۇللاھى ۋەبەرەكاتۇھۇ!
                                                  
                                         بىسمىللاھىر رەھمانىر رەھىم
                  ( ناھايتى شەپقەتلىك ۋە مىھىربان ئاللاھنىڭ ئىسمى بىلەن باشلايمەن)
                    

               ئالەملەرنىڭ رەببى ئاللاھقا چەكسىز شۇكۈرلەر ۋە ھەمدىلەر بولسۇن؛ئۇلۇق پەيغەمبىرىمىز    مۇھەممەت    ئەلەيھىسسالامغا ئاللاھنىڭ رەھمىتى ۋە سالامى بولسۇن،ۋە قىيامەتكىچە كەلگەن ئەر-ئايال مۇئمىنلەرگىمۇ ئاللاھنىڭ رەھمىتى بولسۇن!
              ئاللاھ سۇبىھانەھۇۋەتەئەلا ئىسرا سۆرىسىنىڭ 32-ئايىتىدە مۇنداق دېگەن:[زىناغا يېقىنلاشماڭلار،چۇنكى ئۇ قەبىھ ئىشدۇر،يامان يولدۇر.]
            ئاللاھ يەنى قۇرئاندا مۇنداق دەيدۇ: {ئۇلار ئاللاھقا ئىككىنچى بىر مەبۇدنى شېرىك قىلمايدۇ ،ئاللاھ ھارام قىلغان ناھەق ئادەم ئۆلتۈرۈش ئىشىنى قىلمايدۇ،زىنا قىلمايدۇ، كىمكى بۇ( گۇناھلارنى ) قىلىدىكەن ،ئاخىرەتتە  ئۇ جازاغا ئۇچىرايدۇ ،قىيامەت كۈنى ئۇنىڭغا ھەسسىلەپ ئازاپ قىلىنىدۇ ،ئۇ مەڭگۇ ئازاپ ئىچىدە خارلانغان ھالدا قالىدۇ}(پۇرقان سۆرىسى 68-ۋە69-ئايەت)
             ئاللاھ يەنى قۇرئاندا مۇنداق دەيدۇ:[زىناقىلغۇچى ئەر زىنا قىلغۇچى ئايالنى ھەربىرىنى يۈز دەررىدىن ئۇرۇڭلار،ئەگەر سىلەر ئاللاغا ۋە ئاخىرەتكە ئىمان ئېيتىدىغان بولساڭلار،ئاللاھنىڭ دىنىنىڭ(ئەھكامىنى ئىجىرا قىلىشتا)ئۇلارغا رەھىم قىلماڭلار،ئۇلارنى جازالىغاندا مۇئمنلەردىن بىر تۈركۈم كىشى ھازىر بولسۇن.](نۇر سۈرىسى 2-ئايەرت)    
            ئالىملىرىمىز ئېيتىدۇ،بۇدۇنيادا دەررۇ ئۇرۇلمىغان بولسا،ئۇدۇنيادا (ئاخىرەتتە) ئوتتىن بولغان دەررۇ ئۇرۇلىدۇ.
             زىنادىن ساقلىنىڭلار،زىناچوڭ گۇناھدۇر،ئاللاھنىڭ ئازابى ئىنتائىن قاتتىقتۇر.
             بۇخارىدا خاتىرلەنگەن سومرە تەبنى جوندەب رەزىيەللاھۇ ئەنىھۇدىن رىۋايەت قىلغان ھەدىستە پەيغەمبەر ئەلەيھىسسالام چۈش كۆرگەن،چۈشىدە جىبرىئل ئەلەيھىسسالام بىلەن ميكائىل ئەلەيھىسسالام كەلگەن، پەيغەمبەر ئەلەيھىسسالام مۇنداق دېگەن:<<بىز مېڭىپ خۇددى دوزاققا ئوخشايدىغان بىر يەرگە كەلدۇق،ئۇنىڭ ئۈستى تار،ئاستى كەڭ ئىدى،ئۇنىڭ ئىچىدىن ۋارقىرغان،چوقۇرشىۋاتقان ئاۋازلار چىقىۋاتاتتى،شۇنۇڭ بىلەن بىز ئۇنىڭ ئىچىگە قارىدۇق، قىپ-يالىڭاچ ئەر-ئاياللار چۇقۇرشىۋاتاتتى،ئاستى تەرەپتىن بىر ئوتنىڭ يالقۇنى ئۇلارنى كۆيدۈرەتتى،ئوتنىڭ يالقۇنى توختىغاندىن كىن ئۇلار ۋارقىرايتى،مەن بۇرادىرىم جىبرىئېلدىن:بۇلار كىملەر بولىدۇ؟؛دەپ سورىۋېدىم،جىبرېئىل ئەلەيھىسسالام:بۇلار زىنا خور ئەر-ئاياللار بولىدۇ،بۇلار مۇشۇنداق قىيامەتكىچى ئازاپلىنىدۇ.>>دېدى. بىز ئاللاھدىن گۇناھلىرىمىزنى ئەپۇ قىلىشنى ھەم خاتىر جەملىك ئاتا قىلىشىنى تىلەيمىز.

              ئالاقە قىلغاننىڭ ئۆزىلا زىنا بولماستىن  ھەربىر ئەزالارنىڭ زىناسى ئايرىمدۇر.

             ئەبۇ ھۆرەيرە رەزىياللاھۇ ئەنىھۇدىن رىۋايەت قىلغان ھەدىستە پەيغەمبەر ئەلەيھىسسالام مۇنداق دېگەن:<<ئادەم ئەۋلادىغا زىنادىن بىر كىشلىك پۈتۈلدى،ئاشۇ(پۈتۈلگەن زىنا) ئنساننى قىلىشقا مەجبۇرلايدۇ. كۆزنىڭ زىناسى قارىماقتۇر(يەنى چىرايلىق ئاياللارغا شەھۋەت نەزەردە قاراش، بىر قېتىم قارالسا بولىدۇ) ، قۇلاقنىڭ زىناسى ئاڭلىماقتۇر،(يەنى ئالاقە مۇناسىۋەتكە دائىر سۆزلەرنى ئاڭلاشنى كۆرسىتىدۇ.) تىلنىڭ زىناسى سۆزلىمەكتۇر،(يەنى ئالاقە مۇناسىۋەتكە دائىر ئەپسانە سۆزلەرنى قىلىشنى كۆرسىتىدۇ.) قولنىڭ زىناسى تۇتماقلىقتۇر(يەنى نامەھرەم ئاياللارنى تۇتۇش،سىلاشنى كۆرسىتىدۇ). پۇتنىڭ زىناسى (ئاشۇنداق ئورۇنلارغا)مېڭىشتۇر،قەلىبنىڭ زىناسى(ئاشۇنداق ئىشلارنى)ئارزۇ قىلىش ، ئويلاشتۇر،ئەۋرەتنىڭ زىناسى ئاشۇنداق ئشلارنى قىلىشتۇر.(مۇسلىم بىلەن بۇخارىدا خاتىرلەنگەن ھەدىس)

                زىنا قىلغان ئادەمدىن ئىمان سۇغۇرلۇپ چىقىپ كىتىدۇ.

               رەسۇلۇللاھ مۇنداق دىگەن:<<   زىنا قىلغۇچى مۇئمىن ھالىتىدە تۇرۇپ زىنا قىلمايدۇ،ئوغۇرلۇق قىلغۇچى  مۇئمىن ھالىتىدە تۇرۇپ ئوغۇرلۇق قىلمايدۇ ،ھاراق ئىچكۈچى مۆئمىنلىك ھالىتىدە ھاراق ئچمەيدۇ،ئادەملەرنىڭ نەرسىلىرىنى تۇيدۇرماي ئېلىۋالغۇچى مۆئمىن ھالىتىدە تۇرۇپ ئېلىۋالمايدۇ،(ئۇلار زىنا ياكى ئوغۇرلۇق قىلغان ھامان ئىيمان سۇغۇرلۇپ چىقىدۇ)تەۋبە قىلغاندا قايتىپ كىلىدۇ>>(بۇخارى،مۇسلىم،ۋە ئەبۇداۋۇد،نەسائىدە خاتىرىلەنگەن ھەدىس.)
               رەسۇلۇللاھ مۇنداق دېگەن:<<ئەگەر بىر ئادەم زىنا قىلىدىكەن ئىمان ئۇ ئادەمدىن چىقىپ كىتىپ،خۇددى باش تەرىپىدە سايىغا ئوخشاش تۇرىدۇ، زىنادىن يۇلۇنۇپ چىققاندا (يەنى تۆۋبە قىلغاندا)ئىمان قايتىپ كىلىدۇ.>>(ئەبۇداۋۇد،تىرمىزى،بەيھەقى رىۋەيىتى)
              رەسۇلۇللاھ يەنە مۇنداق دېگەن:<<كىمكى زىناقىلىدىكەن ياكى ھاراق ئىچىدىكەن، ئاللاھ ئۇ ئادەمدىن ئىماننى خۇددى ئىنسان كۆينىكىنى سالغاندەك ئىمانىنى سالدۇرۋالىدۇ.>>(ھاكىم توپلىغان ھەدىس)

                   زىنا قىلغان ھەربىر ئەزا گۈۋالىقدىن ئۆتىدۇ.

              ئەگەر زىنا قىلغان بولسا ئۇ ئادەمنىڭ يوتىسى سۆزلەپ شاھىد بولىدۇ(يەنى مەن قىلغان دەيدۇ) شۇنىڭ بىلەن ئاللاھ ئۇئادەمگە غەزەپ نەپرىتى بىلەن قارايدۇ،شۇنىڭ بىلەن ئۇ ئادەمنىڭ يۈزىنىڭ گۆشلىرى ساڭگىلاپ يوغۇناپ كېتىدۇ،يۈزى ئېيتىدۇ:مەن قىلمىغان ئىدىم؛ دەيدۇ،شۇنىڭ بىلەن تىل:مەن ھالال بولمايدىغان سۆزلەرنى قىلغان ئىدم دەيدۇ. شۇنىڭ بىلەن ھەممە ئەزالار گۈۋاھلىق بېرىدۇ، قول:مەن ھالال بولمايدىغان نەرسىلەرنى تۇتقان ئىدىم؛ دەيدۇ، كۆز : مەن ھالال بولمايدىغان نەرسىلەرنى كۆرگەنتىم؛دەيدۇ، پۇت:مەن ئاشۇنداق ئورۇنلارغا بارغان ئىدىم؛ دەيدۇ،ئەۋرەت مەن قىلغان ئىدىم؛ دەيدۇ،شۇنىڭ بىلەن ئىنسانغا مۇئەككەل بولغان پەرىشتىلەر بىرسى مەن ئاڭلىغان ئىدىم ، دىسە يەنە بىرى مەن يىزىپ قويغان ئىدىم دەيدۇ، شۇنىڭ بىلەن ئاللاھ :[مەن ھەممىنى بلىمەن (قانچىلىك قىلاركىن دەپ)يۇشۇرغان ئىدىم،ئەي پەرىشتىلىرىم بۇلارنى تۇتۇپ ئازاپلاڭلار، بۇلار سەندىن ھاياقىلمىغان ئىكەن ،مەن بۇلارغا قاتتىق غەزەپ قىلىمەن.] دەيدۇ، شۇڭا ئاللاھ سۇبىھانە ھۇ ۋەتەئەلا مۇنداق دېگەن:[ قىيامەت كۈنىدە ئۇلارنىڭ قىلمىشلىرىنى ئۇلارنىڭ تىللىرى،قوللىرى،پۇتلىرى سۆزلەيدۇ.]
             ئەي ئەزىز دىنى قېرىنداشلار! بىز زىنادىن ساقلىنايلى،ھەم ئۇنىڭغا قارىشى تۇرايلى!(ھارام)زىنا قىلغانلارنى چەكلىمىسەك ئۆزىمىزنى ھالەك قىلغان بىلەن ئوخشاشتۇر. بىر ئۆيگە ئوت كەتكەن بولسا ئۇ ئوتنى  ئۆچۈرمىسەك ھەممە ئۆيگە تۇتىشىدۇ، ئۆچۈرسەك باشقا ئۆيلەرنى قوغداپ قالغان بولىمىز، زىناخورلۇق بىزگە بالا-قازا ئېلىپ كەلگەندىن سىرىت ۋابا،ئەيدىز كېسىلىگە ئوخشاش ساقايماس كېسەللەرنى يۇقتۇرىدۇ،%90ئەيدىز كېسىلى قالايمىقان جىنسى مۇناسىۋەتتىن بولىدۇ(يۇقىدۇ.)

                ئاللاھنىڭ ۋە پەيغەمبەرنىڭ چەكلىمىسىدىن ئۆتكەن ئادەم ھالەك بولىدۇ

             بىز ئاللاھ ، پەيغەمبەر چەكلىگەن ئىشلاردىن يىراق تۇرىدىكەنمىز ھەرتۈرلۈك يۇرتىمىزغا كېلىۋاتقان بالا-قازالاردىن ھەم ئەيدىز،ۋابا كېسەللىرىدەك ساقايماس كېسەللەردىن ساقلىنىپ قالىمز، خۇددى قىزىل چىراق يانغاندا توختىغانغا ئوخشاش، ئەگەر قىزىل چىراق يانغاندا توختىماي ئۆتىدىكەنمىز نەچچە يۈزلىگەن ماشىنىلارنىڭ ئاستدا قېلىپ ھالەك بولىمىز.
            ھەدىس شەرىپتە پەيغەمبەر ئەلەيھىسسالام مۇنداق دېگەن:<<(ئەي ئۈممەتلىرىم) بىرشەھەردە ۋابا تارقىلىپتۇ دەپ ئاڭلىغان بولساڭلار ئاشۇ شەھەرگە كىرمەڭلار،سىلەر بار شەھەردىن ۋابا تارقالغان بولسا ئۇ شەھەردىن چىقماڭلار.>>
           14-ئەسىردە ياۋرۇپالىقلار مۇشۇ ھەدىسنىڭ ھۆكىمى بويىچە ئەمەل قىلغان بولسا ئىدى ئۇلار قىرىلمىغان بولارئىدى، ۋابا تارقالغاندا ئۇلار باشقا شەھەرلەرگە چقتى، باشقا شەھەرلەردىكىلەر ئۇ شەھەرگە كىردى، شۇنىڭ بىلەن 25 مىليون ئادەم ئۆلۈشنى كەلتۈرۈپ چىقاردى.
           ئىكرەمە رەزىياللاھۇ ئەنھۇ مۇنداق دېگەن:<<(ئەي قېرىنداشلىرىم!) قېلىچلار يالىڭاچلىنىپ(قوراللارنى ئېلىپ) قانلارنىڭ تۆكۈلىشىنى كۆرسەڭلار،شۇ يۇرۇتلاردا ئاللاھنىڭ ھۆكىمى ئجرا بولماپتۇ، شۇڭا ئاللاھ ئۇلارنىڭ بىر-بىرىنى ئۇرۇشقاسېلىپ ئىنتقام ئېلىۋېتىپتۇ دەپ بىلىڭلار،يامغۇر ياغماي (ياكى كۆپ يېغىپ) ئاپەتلەر بولاۋاتقان بولسا، ئادەملەر زاكات بەرمەپتۇ، شۇڭا ئاللاھ ئۇلارغا كېرەكلىك يامغۇرنى ياغدۇرماپتۇ(يەنى ئاللاھ رەھمەت قىلماپتۇ)دەپ بىلىڭلار، ئەگەر (بىر يۇرتتا ياكى بىر شەھەردە)ۋاباغا ئوخشىغان(ساقايمايدىغان كېسەللەر)تارالغانلىقىنى كۆرسەڭلار، زىنا ئاشكارە بولۇپتۇ(شۇڭا ئاللاھ ۋابادەك ، ئەيدىزدەك  كېسەللەرنى ئەۋەتىپتۇ) دەپ بىلىڭلار.>>
             پەيغەمبەر ئەلەيھىسسالام مۇنداق دېگەن:<<مىنىڭ ئۈممىتىمدىن بولغان ھەرقانداق بىر ئادەم ئاللاھدىن قورقۇپ دۇنيادىكى شەھۋەتلەردىن بىر شەھۋەتنى تەرىك ئىتىدىكەن،قىيامەتنىڭ قورقۇنچىسىدىن ئەمىن قىلىدۇ، ھەم جەننەتكە كىرگۈزىلىدۇ.>> ئاندىن پەيغەمبەر ئەلەيھىسسالام نازىئات سۈرىسىنىڭ40-41-ئايىتىنى ئوقىدى.:[كىمىكى پەرۋەردىگارىنىڭ ئالدىدا(سوراققا تاررىلىشتىن) قورقىدىغان،ئۆزىنى نەپسى خاھىشىغا بېرىشتىن(يەنى ھارام قىلغان نەرسىدىن)چەكلەيدىكەن ھەقىقەتەن ئۇنىڭ ئۆزى جەننەتتە بولىدۇ.]
           ئەي ئۇلۇغ ئاللاھ بىز سەندىن ، ئۇلۇغ پەيغەمبىرىمىز مۇھەممەد ئەلەيھىسسالام سورىغان ياخشىلىقنى سورايمىز، ئۇلۇغ پەيغەمبىرىمز مۇھەممەد ئەلەيھىسسالام پاناھ سورىغان بارىلىق يامانلىقلاردىن پاناھ سورايمىز، ھەممە ئىش سىنىڭ دەرگاھىڭغا قايىتقۇچىدۇر،سەن ناھايتى قۇدرەتلىكتۇرسەن.
ۋە ئاخىرۇ دەئۋانا ئەنىل ھەمدۇ لىللاھى رەببىل ئالەمىن.
بۇ تېمىنى تەيارلىغۇچى پارىس.

ئاللاھ رەھمەت قىلسۇن قېرىندىشىم !
ھەقىقەتەن ئەڭ ئىھتىياجلىق تېما يوللاپسىز ،
مۇشۇ تېما ئارقىلىك مەلۇم ئادەملەر ئىبرەت ئىلىپ قالسا
ئەجەپ ئەمەس.

ئاللا رەخمەت قىلسۇن  قېرىندىشىم  

ۋەئەلەيكۇم - ئەسسالام ، مۇشۇنداق مەنپەئەتلىك تېمىلىرىڭىز ئۈچۈن ئۇلۇغ اللە كۆپ ئەجىر ئاتا قىلغاي ،اميىن !

بەك ياخشى تىمىكەن ، مۇشۇنداق ياخشى تىمىلارنى دائىم يوللاپ تۇرارسىز ، ئاللاھنىڭ  رەھمىتى  بولسۇن .

بەك ياخشى تىمىكەن ئاللاھ ئەجىر بەرسۇن ھازىر جەمىيەت ئەڭ ئىھتىياجلىق بولىۋاتقان تىما يوللاپسىز
بۇ تىمىنى شۇ كىشىلەر بىر كۆرسە ئىدى لىكىن ئۇلار تەسىرلىنىپ ئۇ ئىشلاردىن يانارمۇ ؟
ئاللاھ كافىر مۇناپىقلارنى ئۇلارنىڭ دىللىرى قېتىپ كەتكەن ئىماننىڭ نۇرى كىرمەيدۇ دەپ سۈپەتلىگەن
مۇشۇنداق ياخشى تىمىڭىز بولسا يەنە يوللاپ تۇرارسىز  

سىزگىمۇ ئاللاھنىڭ رەھمىتى بولغاي!

ۋەئەلەيكۇم ئەسسالام ،ياخشى تېما يوللاپسىز،داۋاملىق....

ئىشلىتىش

بۇ مەزمۇن 7قەۋەتتىكى مەھلىيا نىڭ 2012-03-14 13:04 يوللىغان يازمىسىغا نەقىل   :
بەك ياخشى تىمىكەن ئاللاھ ئەجىر بەرسۇن ھازىر جەمىيەت ئەڭ ئىھتىياجلىق بولىۋاتقان تىما يوللاپسىز
بۇ تىمىنى شۇ كىشىلەر بىر كۆرسە ئىدى لىكىن ئۇلار تەسىرلىنىپ ئۇ ئىشلاردىن يانارمۇ ؟
ئاللاھ كافىر مۇناپىقلارنى ئۇلارنىڭ دىللىرى قېتىپ كەتكەن ئىماننىڭ نۇرى كىرمەيدۇ دەپ سۈپەتلىگەن
مۇشۇنداق ياخشى تىمىڭىز بولسا يەنە يوللاپ تۇرارسىز  

ئىنشا ئەللاھ يوللاپ تۇرىمەن قېرىندىشىم!