مەنچىلىك
ئاپتۇرى : دىلاۋۇر شۆھرەت ئەلرازى
 
1
ئاققان ئىدىم سۈيۈڭدە تاش قىرلارغا ئۇرۇلۇپ ،
يېڭى يارىڭ غۇلاچلاپ ئاقالارمۇ مەنچىلىك .
قاتقان ئىدىم ناخشا قىپ سېنى ھەر بىر كۆيۈمگە ،
يېڭى يارىڭ شىئىرغا قاتالارمۇ مەنچىلىك .
2
قالغىنىڭدا قاراڭغۇ كوچىلاردا تەمتىرەپ ،
يانغانىدىم سەن ئۆچۈن چىراق بولۇپ ھەر قىتىم .
مانا ئەمدى مىنىڭسىز قالغىنىڭدا كىچىدە ،
يېڭى يارىڭ بىر تال شام ياقالارمۇ مەنچىلىك .
3
ۋاي دىمىگەن ئىدىممەن قىينىساڭمۇ ھىجراندا ،
سۆيگەنىدىم سۆي دىسەڭ تىكەنلەرنى يۈرەكتىن ،
تارتقان ئىدىم مەن سېنى ئازاپلاردىن ھەر دائىم ،
يېڭى يارىڭ ئىتقىنا تاتالارمۇ مەنچىلىك .
4
كىرپىكلىرىم ئوقياتى دۇشمىنىڭگە ھەر قاچان ،
تەييار ئىدىم ئىتىشقا سېنى يامان دىگەنگە .
دۇشمەنلىرىڭ مىنېڭسىز گەپ تاپقاندا كەينىڭدىن ،
يېڭى يارىڭ چىچىنى ئاتالارمۇ مەنچىلىك .
5
دىگىنىڭدە بەزىدە شۇ ئايرىلىش سۆزىنى ،
ياتمىغانتىم تولغۇنۇپ كىچىلەردىن تاڭغىچە .
يېڭى يارغا شۇ سۆزنى ئىتقىنىڭدا چاقچاق قىپ ،
نە ئۆچۈن ؟ دەپ ئازاپتا ياتالارمۇ مەنچىلىك .
6
ئايرىلساقمۇ مەڭگۇگە كۆتۈپ كەلدىم بىر سېنى ،
يارالغاچقا بۇ جىسمىم بىر سېنىلا كۆتۇشكە .
ئەگەردە سەن ئايرىلساڭ شۇ يارىڭدىن ۋاقىتلىق ،
ئۆمۈد بىلەن تەلمۈرۇپ كۈتەلەرمۇ مەنچىلىك .
7
سېنى ئەسلەپ ھەر قىتىم نەچچە باردىم بىغىمغا ،
ھەر بارغاندا دەستە گۈل تىرىپ كەلدىم سەن ئۆچۈن .
سەن ناۋادا ئايرىلساڭ شۇ يارىڭدىن بىر كۈنى ،
ساڭا ئاتاپ دەستە گۈل تىكەلەرمۇ مەنچىلىك .
8
سىنىقىڭدىن ھەر قىتىم ئۆتۈپ كەلدىم نوقسانسىز ،
چۆنكى قەلبىم بىر ساڭا باغلانغاچقا ئەبەتكە .
شۇ يارىڭنى بىر كۈنى سىناپ باققىن مىنىڭدەك ،
سىنىقىڭدىن بىمالال ئۆتەلەرمۇ مەنچىلىك .
9
ئاسان ئەمەس يىگىتنىڭ چىن سۆيمىكى بىر قىزنى ،
سېنى شۇنداق سۆيەتتىم يۈرۇكۇمنىڭ قىتىدىن .
خەيرى ئەمدى خوشلاشتۇق سوراپ باقاي جاۋاپ بەر ،
يېڭى يارىڭ بىر سېنى سۆيەلەرمۇ مەنچىلىك .
جان پىدا قىپ سەن ئۆچۈن ئۆلەلەرمۇ مەنچىلىك .

ئاپتۇرى : دىلاۋۇر شۆھرەت ئەلرازى 

      ھەر قانداق تەكلىپ پىكىرىڭلار بولسا  چ چ  1441136189 بىلەن ئالاقىلىشىڭلارنى ئۆمۈت قىلىمەن . ......2012 _ يىلى 3 _ ئاينىڭ 12 _ كۈنى ... دۇشەنبە ..    غۇلجا

      .....ياخشى يېزىپتۇ،ئەگەر شۇ مۇھەببىتىنى رېببىمىزگە بەرگەن بولسا:تەلمۈرۈپ كۈتۈش،تولغىنىپ ئازاپلىنىش،باغ ئارىلاپ دەستە گۇل تىكىش بىلەن ئۆزىنى ئاۋارە قىلمىغان بولاتتى....اللە قاچانلىكى قەلىبتىن كۆتۈرۈلگەندە اللە ئۆز مۇھەببىتىنى باشقىلارغا بېرىش ئارقىلىق ئۆز بەندىسىنى سىنايدۇ.

سىز  مۇھەممەتجان راشىدىننىڭ شاگىتىمۇ نىمە .لىكىن قىزلار ئۈچۈن ئۈلۈمەن دەپلا تۇردىغان ئەسەرلەرنى يازدىكەنسىز.

ياراتقۇچىغا بېغىشلاڭ شۇ كۈچلۈك مۇھەببەتنى .

ئەبۇ ھۈرەيرە رەزىيەللەھۇ ئەنھۇ مۇنداق دەيدۇ ؛پەيغەمبەر ئەلەيھىسالام مۇنداق دىگەن ؛«بىرىڭلارنىڭ ئىچى شىئېر بىلەن توشقاندىن كۆرە يىرىڭ بىلەن توشقىنى ئەلۋەتتە تۈزۈكتۇر »
                            
                                                                               ئىمام بۇخارى ،ئىمام مۇسلىم توپلىغان

بۇ سۆز ئاللاھنىڭ زىكرىگە،ئىلىم بىلىم ۋە قۇرئانغا  توسقۇنلۇق قىلدىغان ،ناتوغرا شىئېرلارغا قارتا ئېيتىلغان ، ئاللاھنى ۋە رەسۇللەھنى مەدھيىلەيدىغان ، ئاللاھنىڭ زىكرىسى ،دۇنياغا ھىرىس بولماسلىقنى ئۆز ئىچىگە ئالغان ۋە نورمال بولغان ۋەز - نەسىھەتلەرنى ئۆز ئىچىگە ئالغان توغرا شىئېرلار بۇنىڭ دائىرسىگە كىرمەيدۇ .

قېرىندىشىم ، سىزنىڭ شىئېريەتتىكى قابىلىيىتىڭىزگە قايىلمەن ،مەن سىزنى دىنىي قېرىندىشىم دەپ بىلگەچكە ھەقنى تەۋسىيە قىلىش مەجبۇرىيىتىم يۈزسىدىن بۇ ھەدىسنى يەتكۈزۈپ قۇيۇشنى قارار تېپىپ بۇ ئىنكاسنى يازماقتىمەن ،بۇندىن كىيىنكى ئىجادىيەتلىرىڭىزدە پايدىلىنارسىز ،  ھەممىمىز ھەر قەدەملىرىمىزدە ئاللاھ رازىلىقى ئۈچۈن تىرىشايلى .