ئاپتورى : دىلاۋۇر شۆھرەت ئەلرازى

       دۇنيادا ئانىدىنمۇ بۈيۈك، ئانىدىنمۇ قەدىرلىك ،ئانىدىنمۇ مىھىرىبان ئىنسان بولمىسا كىرەك . ئانا بىز ئۈچۈن مەڭگۈ پاسىبان . ئانىنى قەدىرلەيلى !!! ھايات ۋاقتىدا كۈلدۈرەيلى .. دۇنيادىن ۋاقىتسىز خوشلاشقاندا پۇشايماندا قەۋرە بېشىدا ياش تۆكمەيلى . ھەممىمىزگە ئىنساپ ئاتا قىلسۇن . ئانىنىڭ كۆزىدىن بىھۇدە ياش تۈككۈزمەيلى ... دوستلار !!!

1
مېنى كۆرگۈڭ كەلمىدىمۇ بىلىمىدىم ،
ئويغانمامسەن جېنىم ئانا ئۇيقۇدىن .
ئىنتىزارمەن بىرجۈپ نۇرلۇق كۆزۈڭگە ،
ئويغانمامسەن جېنىم ئانا ئۇيقۇدىن .
2
ئانا ، دىدىم ھېچبىر جاۋاپ كەلمىدى ،
ھېچكىم سەندەك پاك مېھىرىنى بەرمىدى .
كەل بالام ، دەپ ھېچكىم قۇچاق كەرمىدى ،
ئويغانمامسەن جېنىم ئانا ئۇيقۇدىن .
3
يېتىم بولدى سەنسىز مېنىڭ يۈرىكىم ،
مەي بولمىدى سەنسىز تىككەن ئۆرىكىم .
سەن ئىدىڭغۇ مىنىڭ مەڭگۇ تۈۋرۈكۈم ،
ئويغانمامسەن جېنىم ئانا ئۇيقۇدىن .
4
سەن بىلەن تەڭ كەتتى بەخىت ئامىتىم ،
ئۇچالمىدىم سەنسىز سۇنغاچ قانىتىم .
جېنىم ئانا مۈكچەيدى تىك قامىتىم ،
ئويغانمامسەن جېنىم ئانا ئۇيقۇدىن .
5
سايرىمىدى باغلىرىمدا بۇلبۇلۇم ،
چاپالمىدى سەنسىز ئانا دۇلدۇلۇم .
نەگە بارسام قىسقا بولدى بۇ قولۇم ،
ئويغانمامسەن جېنىم ئانا ئۇيقۇدىن .
6
يايراتقىنە بۇ قەلبىمنى بالام دەپ ،
چىڭ قۇچاقلاي كەلگىن جېنىم ئانام دەپ .
كۆز ياشلىسام دېدى خەقلەر ساراڭ دەپ ،
ئويغانمامسەن جېنىم ئانا ئۇيقۇدىن .
7
قۇياش چىقتى كائىناتمۇ ئويغاندى ،
سېنى ئەسلەپ يۈرىكىممۇ تولغاندى .
سەنسىز ئىچكەن زەم _ زەملىرىم بۇلغاندى ،
ئويغانمامسەن جېنىم ئانا ئۇيقۇدىن .
8
كۆزلۈرىڭنى بىر ئاچقىنا بىر كۆرەي ،
چاچلىرىڭنى يۈز كۆرۈمگە بىر سۈرەي .
كەلگىن ئانا ساڭا بىردەم يۆلىنەي ،
ئويغانمامسەن جېنىم ئانا ئۇيقۇدىن .
9
زۇلمەت بولدى ماڭا سەنسىز بۇ دۇنيا ،
ئويغانمامسەن جېنىم ئانا ئۇيقۇدىن .
بۇ دۇنيادا خارلانمىغىن دىسەڭ گەر ،
ئويغانمامسەن جېنىم ئانا ئۇيقۇدىن .


ئاپتورى : دىلاۋۇر شۆھرەت  ئەلرازى

 2012 . يىلى 3 . ئاينىڭ 11 . كۈنى ... يەكشەنبە

چ چ :
1441136189
       تەكلىپ _ پىكىرىڭلارنى ئايىمىغايسىزلەر !!!!