دوسلۇق دۇردانىلىرى دىگەن تېمىنى كۆرۈپ مۇنداق بىر بىر ھىكايە ئېسىمگە كەپقالدى .
بۇرۇن ئىككى دوست بولۇپ ھەر ئىككىسى بىر - بىرىگە شۇنداق سادىق ھەم شۇنداق مېھرىبان ئىكەن .كۈنلەرنىڭ بىرىدە بۇ ئىككى دوست كېمە بىلەن دېڭىزغا سەپەرگە چىقىشقا ئاتلىنىپتۇ ،سەپەر ئۈستىدە ئۇلار نىشاندىن ئادىشىپ قاپتۇ ،نەتىجىدە دېڭىزدا نىشانسىز لەيلەپ يۈرۈشكە توغرا كەپتۇ .كۈنلەر ئۆتۈپتۇ ئۇلار پايانسىز دېڭىزدىن پەقەتلا چىقىش يولى تاپالماپتۇ ،ۋاقىت ئۆتكەنسىرى ئۇلارنىڭ ئوزۇق -تۈلۈكلىرى تۈگەپ قاپتۇ .دەل مۇشۇ ۋاقىتتا بۇلارنىڭ بىرى ئېغىر كىسەلگە گىرىپتار بولۇپ ئورۇن تۇتۇپ يېتىپ قاپتۇ .
دوستىنىڭ ئورۇن تۇتۇپ يېتىپ قالغىننى كۆرگەن ھېلىقى دوستى بارچە ئاماللارنى قىلىپ دېڭىز چايكىلىرىنى تۇتۇپ دوستىغا كۈندە دىگۈدەك چايكا شورپىسى قاينىتىپ بېرىپ بېقىپتۇ .
ئارىدىن بىر نەچچە كۈن ئۆتكەندىن كىيىن ئۇلار نىڭ يېنىغا قېرىشقاندەك چايكىلارمۇ كەلمەس بوپتۇ ......قانداق قىلىش كېرەك ؟
دوستى ئۇيان ئويلاپ -بۇيان ئويلاپ ئاخىرى كاللىسىغا بىر ئوي كەپتۇ دە ئۇ بۇرۇنقىدەكلا دوستىغا شورپا قاينىتىپ ئەكىرىپ بېرىپ بېقىۋىرىپتۇ ،ئارىدىن بىر نەچچە كۈن ئۆتكەندىن كىيىن ھېلىقى كىسەلچان دوستىنىڭ سالامەتلىگى بارا - بارا ياخشىلىنىشقا باشلاپتۇ ،
لىكىن ئۆزى بولسا كۈندىن-كۈنگە ئاجىزلىشىپ يېتىپ قاپتۇ .دوستى ئۇنىڭدىن نىمە بولغانلىقىنى سورىسا ئۇ ھېچنىمە بولمۇدۇم ئازراق مىجەزىم يوق دەپتۇ باشقا ھېچقانداق ئىنكاس قايتۇرماپتۇ ،لىكىن كېمە ئىچىگە كىرىپ كارىۋاتقا چىقىپ يېتىشقا ئارانلا ئۈلگۈرۈپتۇ.
ئەمدى بېقىش نۆۋىتى ھېلىقى دوستىغا كەپتۇ ئۇ چايكا ئوۋلاپ ئاغرىقچان دوستىغا چايكا شورپىسى قاينىتىپ بېرىش ئۈچۈن شۇنداق كېمە پالوبىسىغا چىقىپ قارىسا چايكا ئەمەس ھەتتاكى بىرەر جانلىقنىڭمۇ قارىسى كۆرۈنمەپتۇ ،بۇ زادى نىمە ئىش؟
ئۇ دوستىدىن چايكىلانى نەدىن ئوۋلىغانلىغىنى سوراش ئۈچۈن كېمە ئىچىگە قايتىپ كىرىپ قارىغۇدەك بولسا ھېلىقى دوستى ئاللا بۇرۇن جان ئۈزۈپ بولغان ئىكەن .ئۇ تولىمۇ قايغۇ- ھەسرەت ئىچىدە بۇنىڭ زادى نىمە ئش ئكەنلىگىنى بىلىش ئۈچۈن دوستىنىڭ پۈتۈن ئۈستى بېشىنى تەپسىلى زەڭ سېلىپ قاراشقا باشلاپتۇ ۋە ھاڭ - تاڭ قاپتۇ ،ھەمدە دات-پەريات ئۇرغان پېتى ئۆزىنى چەكسىز دېڭىزغا ئېتىپتۇ ......
ئەسلىدە ھېلىقى دوستى يىگۈدەك نەرسە پەقەتلا قالمىغاندا ئۆزىنىڭ يوتىسىنىڭ گۆشىنى شۇلۇپ دوستىغا قاينىتىپ بېرىپ ئۇنىڭ ھاياتىنى ساقلاپ قالغان ئىكەن .
ئەمەلىيەتتە بۇ ھىكايىدىكى ۋەقەلىك رىياللىققا ئانچە ئۇيغۇن بولمىسىمۇ ، لىكىن بۇ ئىككى دوستنىڭ بىر -بىرىگە بولغان مېھرى مۇھەببىتى،ۋە ساداقىتىنىڭ نەقەدەر چۇڭقۇر ئىكەنلىگىنى بىلىۋىلىش ئانچە تەس ئەمەس .
