كۇتۇپخانىدا ياشايدىغان چاشقان بىلەن ئاشلىق ئامىبىرىدا ياشايدىغان چاشقان ئۇچرىشىپ قاپتۇ.كۇتۇپخانىدا ياشايدىغان چاشقان ئالىم قىياپەتتە ھاكاۋۇرلۇق بىلەن ئاشلىق ئامىبىرىدا ياشايدىغان چاشقانغا :
ھەي بىچارە، سەن قورساق تويغۇزۇش ئۈچۈنلا مۇشۇ قۇرغاق،دىمىق ئاشلىق ئامبىرىنى خالاپ تۇرۇۋاتىسەن-ھە ،ئۇيەردە ئاشلىقتىن باشقا ھىچنىمە يوق،تەسەۋۋۇر قىلىشقا بولىدۇكى پەقەتلا ماددى جەھەتتە تويۇنۇش بار،لىكىن مەنىۋى جەھەتتە تويۇنۇش يوق تۇرمۇش نىمىدىگەن ئەھمىيەتسىز! كۇتۇپخانا نەقەدەر تىنچ،مەن كۈندە بۇرۇنقى ۋە بۈگۈنكى ئۆزىمىزنىڭ ۋە چەتئەلنىڭ كىتاپلىرىنى كۆرۈپ تۇرىمەن-دەپتۇ.
ئاشلىق ئامىبىرىدا ياشايدىغان چاشقان چەكسىز ھۆرمەت ۋە ئىھتىرام بىلەن :
ئۇنداقتا ئۆزلىرى ئىلىمگە توشقان ئالىم كىشى ئىكەنلا-دە –دەپتۇ.
-ئەلۋەتتە ،ھەر بىر كىتاپنى سۆزمۇ-سۆز،جۈملىمۇ –جۈملە چايناپ ،بىر بەت،بىر بەتتىن قورسىقىمغا قاچىلاپ ماڭىمەن.
-بۇ بەك ياخشى ئۇچرىشىش بوپتۇ،مەن بىر ئىش توغرىلىق ئۆزلىرىدەك دانانىڭ ياردىمىگە مۇھتاج بولۇپ تۇراتتىم –دەپلا كۇتۇپخانىدىكى چاشقاننى باشلاپ بىر ئاشلىق ئامبىرىغا ئېلىپ كىرىپ بۇلۇڭدىكى بىر بوتۇلكىنى كۆرسىتىپ:
ئۆزلىرى خەت تونۇيلا،قاراپ باقسىلا،بۇ- زىغىر مېيىمىكەن ياكى چاشقان دورىسىمىكەن؟ دەپ سوراپتۇ.
كۇتۇپخانىدىكى چاشقان ئەسلىدە خەت تونۇمايدىكەن،بوتۇلكىغا يېزىلغان چوڭ قارا خەتكە قاراپ نىمە دىيىشنى بىلەلمەي قاپتۇ.دەل شۇ پەيتتە بوتۇلكىدىن زىغىر مېيىنىڭ مەززىلىك پۇرىقى پۇراپتۇ.شۇنىڭ بىلەن ئۇ ئىشەنچلىك ھالدا بېشىنى كۆتۈرۈپ :
ئەسلى مۇنداق خەتكەن-دە، بىچارە قېرىندىشىم،مەن ساڭا ئېنىق دەپبىرەي ،بۇ بولسا -زىغىر مېيى-دەپتۇ..
-راستمۇ،ئېنىق كۆردىلىمۇ؟
شۇنداق ،ئىشەنمىسەڭ مەن ئىچىپمۇ بىرەلەيمەن.
ئۆزىنىڭ بىلىملىك ئىكەنلىكىنى ئىسپاتلاش ئۈچۈن كۇتۇپخانىدىكى چاشقان شۇيەردىلا بوتۇلكىنىڭ ئاغزىنى ئېچىپ ئىچىشكە باشلاپتۇ.
كىم بىلسۇن بىر يۇتۇم ئىچىپلا پۈتۈن بەدىنى كىرىشىپ ئۇزۇن ئۆتمەي ئۆلۈپ كىتىپتۇ.ئەسلىدە بوتۇلكىغا ئېنىق قىلىپ چاشقان دورىسى دەپ يېزىلغان ئىكەن.
[ بۇ يازمىنىsamanyoli 2012-02-21 20:33قايتا تەھرىرلى ]
