پەيغەمبەر ئەلەيھىسسالام ساھابىلىرىگە خىتاپ قىلىپ مۇنداق دېگەن:
«دۇرۇس ۋە ئوچۇق كۆڭۈلۈك ئىنسانلار بىلەن قېرىنداش بولۇڭلاركى ئۇنداق كىشىلەر خوشال كۈنلىرىڭلاردا سىلەرگە زىننەت، چۈشكۈنلىككە چۈشكەن كۈنلىرىڭلاردا سېنى ۋە سېنىڭ ئار- نومۇسىڭنى قوغدىغۇچى بولسۇن.»
يەنە بىر ھەدىستە يەنە مۇنداق دېدى: «كىشى سادىق دوستى ئارقىلىق نۇرغۇنلىغان ياخشىلىقلارغا نائىل بولىدۇ. سەن ئۇنىڭ ئۈچۈن ياخشىلىقنى ئويلىغىنىڭدا سېنىڭ ئۈچۈن ياخشىلىق ئويلىمىغان دوستتا خەيرىلىك يوقتۇر.»
ئۆمەر رەزىيەللاھۇ ئەنھۇ: دوستلار بىلەن كۆرۈشۈپ مۇڭدىشىش غەم ۋە دەرتلەرنى قەلبتىن چىقارغۇچى شىپادۇر، دېگەنىدى.
خالىد ئىبنى سوفيان مۇنداق دېگەن: ئىنسانلارنىڭ دىتسىزلىرى ياخشى دوستقا ئېرىشەلمىگەنلەر دېيىلسە، دوستقا ئېرىشىپ ئۆزىنىڭ مۇئامىلە ئالاقىدىكى يېتەرسىزلىكلىرى سەۋەبىدىن دوستلىرى بىلەن ماسلىشالمىغانلار تېخىمۇ بەكرەك دىتسىز ئىنسانلار بولۇپ ھېسابلىنىدۇ.
ئەلى رەزىياللاھۇ ئەنھۇ شەرەپلىك ئوغلى ھەسەن رەزىياللاھۇ ئەنھۇغا مۇنداق خىتاپ قىلغان: ئى ئوغلۇم، ۋەتىنىدىن ئايرىلغانلار غېرىپ ئەمەس، ھەقىقىي غېرىپ دېگەن سادىق دوستلىرىدىن ئايرىلىپ قالغانلاردۇر.
ئىبنى مۇئاز رەزىياللاھۇ ئەنھۇ مۇنداق دېگەن: بىر قېرىنداشقا ئېرىشكەن ئادەم مۇسىبەتلىك ۋاقىتلىرى ئۈچۈن ئۆزىگە ياردەم بەرگۈچىگە ئېرىشكەن بولىدۇ. موھتاج ۋە قاتتىق كۈنلەر ئۈچۈن تەييارلىغان مۈلۈكنىڭ ئەڭ ياخشىسى ۋاپادار دوستتۇر.
بىر شائىر بولسا: ئىنسانلارنىڭ دۇنيادىكى ئەمەللىرى ناھايىتىمۇ كۆپ، مېنىڭ ئەمەلىم ياخشى بىر دوستقا ئېرىشىشتۇر، ئۇ شۇنداق بىر دوستتكى خۇددى بىر روھ ئىككىگە پارچىلىنىپ ئىككى جەسەتكە تەقسىم قىلىنغاندەك پىكىر ۋە ھەرىكەتلەردە بىر- بىرىمىزگە ھەمدەم بولىدىغان دوستتۇر، دېگەنكەن.
