ئوچاقتىكى ئوت،
ئۇچۇپ يۇرەر ئانام كۆزىدە
قۇرايدەك قۇللار،
يورغىلايدۇ خېمىر ئۈستىدە،
ئانام تاماق ئېتىدۇ
قايتىپ كېلىپ ئېتىز بىشىدىن
تۇلونئاي ،
تۇڭلوكلەرگە چالما ئاتقاندا،
پىشىپ قالار ئانامنىڭ ئىشى
چىنىلەردە كۈلەر قاشتىشى.
ئانام كۈلۈمسىرەيدۇ
قۇرۇق باسقان يۈزلىرى گۈلدەك
ئىللىقلىققا چۆمگەندە يۈرەك،
تاماق يەيمىز باھار كەلگەندەك ،
دەرد كەلمىسۇن قولۇڭغا ئانا،
سەن قەلبىمدە ياشىغان دۇنيا.
******************************
دادام
ئاپپاق قارغا ئايلاندى بېشىڭ،
سەن پاكلىققا قول بەرگەن دادا.
مىسرا-مىسرا شېئەركەن يۈزۇڭ،
سەن مەن سۆيگەن ئوماق لېرىكا.
تۇرمۇشڭنىڭ دۇقمۇشلىرىدا،
تالاي قېتىم تارتتىڭ مۇشەققەت
شەبنەمگىلا ئۇخشىغان بەخت
سېنى كۆزگە ئىلمىدى پەقەت.
ئىرادەڭنىڭ مەغرۇر ھۇجرىسى
سېنى مەڭگۇ باشلىدى تۆرگە،
مىھنىتىڭدىن ياشنىغان دۇنيا،
ئېتىكىڭنى تولدۇرسۇن گۇلگە.
