كىلماتى ئىللىق ،گۈللىرى خۇشپۇراق،تۆت پەسلى باھاردەك،كۆك ئاسمان-زۇمرەت سۇلىرى بار،ئاق چايكىلار ئۇچۇپ يۈرىدىغان،بۇ يەر قورقۇنۇچلۇق ھەم سىرلىق "بېرمۇدا ئۈچ بۇرچەك دېڭىز رايۇنى"دىن ئىبارەت، ئۇ يەنە"شور پېشانە دېڭىز"،"ئالۋاستى دېڭىز"،"پاراخوتلارنىڭ قەۋرىستانلىقى"دەپمۇ ئاتىلىدۇ.
نەچچە يۈزلىگەن ئايرۇپىلان ۋە پاراخوتلار بۇ يەردە سىرلىق ھالدا غايىپ بولۇپ كېتىپ،ئازراق قالدۇق پارچىلىرىنىمۇ تاپقىلى بولمىغان.
ئامېرىكىنىڭ بىر ئۇچقۇچىلار ئەترىتى باھاما تاقىم ئارىلىنىڭ ھاۋا بوشلۇقىدىن ئۇچۇپ ئۆتىۋاتقان ۋاقىتتا،تۇيۇقسىز ئېلىكتىر دولقۇنى سىگنالى بارغانسىرى ئاجىزلىشىپ،ئاخىرىدا جىمىقىپ كەتكەن.نەتىجىدە ،14 نەپەر ئۇچقۇچى ۋە 5 ئايرۇپىلان يەر شارىدىن غايىب بولغان. ئامېرىكا ئارمىيەسى بېرمۇدادىن مېكسىكا قولتۇقىغىچە بولغان ھەر بىر سۇڭ دېڭىز يۈزىنى ئاختۇرغان بولسىمۇ،نەتىجىدە ھېچقانداق ئۈنۈمى بولمىغان.بىر چوڭ تىپتىكى يولۇچىلار ئايرۇپىلانى بېرمۇدا دېڭىز تەۋەسى ھاۋا بوشلۇقىدىن ئۆتىدىغان چاغدا ،ئالدىنقى بىر مىنۇتتا"ئايرۇدۇرۇمغا يىقىنلاشتۇق،چىراغ نۇرى كۆرىنىۋاتىدۇ،قونۇشقا تەييارلاندۇق"دېگەن ئېلېكتىر سېگنالى تارقاتقان،كېيىنكى بىر مىنۇتتا ھېچقانداق ئىز-دېرىكى بولماي،ئايرۇپىلان خادىملىرى ۋە بارلىق يولۇچىلارنىڭ بىرسىمۇ ئامان قالمىغان.
فىرانسىيەنىڭ "لوچاللى"نەملىق يەلكەن كېمىسى،كۇبا تەۋەلىكىدىكى "رۇبىكاڭ"ناملىق يۈك پاراخوتى،ئامېرىكا تەۋەلىكىدىكى "مالىن.كېيېس"ناملىق ماي پاراخوتى...بېرمۇدا دېڭىز يۈزىدە ئادەملەر غايىپ بولۇپ،پاراخوت بوش قالغان غەلىتە ئەھۋال يۈز بەرگەن.بايقالغان پاراخوتتا بىرمۇ ئادەم يوق،نەرسە-كېرەكلەر ساپمۇ-ساق بولۇپ تاماق شىرەسىگە ئېسىل يېمەكلىكلەر تىزىلغان،ئىستاكانلاردا تېخى ئىچىپ بولۇنمىغان قەھۋە ۋە چاي تۇرغان ،تامدىكى سائەت نورمال مېڭىپ تۇرغان،پەقەت ئۆلەي دەپ قالغان بىر كانارىيە سېرىق قۇشقۇچى ۋە پالۇبىدا يالغۇز ياتقان بىر ئىتلا قالغان.پاراخوتتىكى ئادەملەرنىڭ ھەممىسى غايىب بولۇپ كەتكەن.زادى نېمە ۋەقە يۈز بەرگەنلىكىنى ھېچكىم بىلمەيدۇ.
بۇ خىل ئەھۋاللارغا ھازىرغىچە ھىچكىم جاۋاپ بىرەلمىدى......