شۇجى جاڭ چۈنشىيەن ئاپتۇنۇم رايۇنىمىزدا قانات يايدۇرۇلغان <<تۈرلەرنى ئىلگىرى سۈرۈش ھەپتىلىكى >> پائالىيىتى مۇناسىۋىتى بىلەن 2-ئاينىڭ 3- كۈنى چۈشتىن كېيىن ، تەكشۈرۈپ تەتقىق قىلماقچى بولغان تۆت مۇلازىمەت كارخانىسى قاتارىدا شىنجاڭ <<قارلۇق>> مېدىيا پەن تېخنىكا چەكىلىك مەسئۇلىيە شېركىتىگە باردى .
2-ئاينىڭ 2- كۈنى شۇجى جاڭ چۈنشىيەننىڭ شېركەتكە تەكشۈرۈپ تەتقىق قىلىشقا كېلىدىغانلىقىدىن خەۋەر تاپقان شېركەت خادىملىرى شۇجىنى دەم ھەيران قالدۇرغان ھەم خوش قىلىدىغان ،شېركەت ئالاھېدىلىكى گەۋدىلەندۈرۈلگەن  قانداق سوۋغا تەغدىم قىلسا بولىدىغانلىقى توغىرسىدا كۆپ ئويلاندى . ئاخىرى ئۈچ ئۆلچەملىك ئۈنۈم مودىلى ئىككى ئۆلچەملىك ھەجىۋى كارتۇن ئوبرازىدىن ئىبارەت ئىككى خىل ئوخشىمىغان ژانېردىكى رەسىمنى لايىھىلەپ چىقىشنى قارار قىلدى .
2-ئاينىڭ 3- كۈنى شۇجى جاڭ چۈنشىيەن پەخىردىننىڭ باشلىشى بىلەن شېركەتنى كۆزدىن كەچۈرگەچ ، شېركەت تەرەققىياتىغا ئالاقىدار ئەسلىمىلەرگە ئەستايدىل قۇلاق سالدى ، بولۇپمۇ شېركەتنىڭ مەدەنىيىتى ۋە تەرەققىيات يۈزلىنىشىگە ئالاھىدە كۆڭۈل بۆلدى .
ئاپتۇنۇم رايۇنىمىزدىكى تۇنجى ئۈچ ئۆلچەملىك كارتۇن ئوبرازىنى لايىھىلەش ، يۇمشاق دېتال ئېچىش ، ئىنتىرنىت تورى تىجارىتىنى ئاساس قىلغان سىرىتقى ھۆددە بازىسى <<قارلۇق>> مېدىيا پەن-تېخنىكا چەكىلك مەسئۇلىيەت شېركىتى 2008-يىلى 9-ئايدا قۇرۇلغان بولوپ ، ھازىر 257 خىزمەتچىسى بار ئىدى . كىشىنى تاڭ قالدۇرغىنى ، شېركەتنىڭ 30 ياشلىق باش ئىجرائىيە دېرىكتورى پەخىردىن قارلۇقنىڭ ئامېرىكىدىكى <<ئالما>> شېركىتىنىڭ دېرىكتۇرى سىتىۋېن جوبىس بىلەن ئىلگىرى ئامېرىكىدا كۆرۈشۈپ سۆھبەتلەشكەنلىكى ھەم ئۇنى <<ئالما>> شېركىتىنىڭ مەھسۇلاتلىرىغا ئۇيغۇرچە كۆرۈنمە يۈز قوشۇشقا قايىل قىلغانلىقى ئىدى .
شېركەت كەشىپ قىلغان ئۇيغۇرچە يېزىقىتىكى خاتىرە دەپتەر يۇمشاق دېتالى بۇ يىل 30- يانىۋاردا رەسمى جەمىيەتكە يۈزلەندى ، بۇ يۇمشاق دېتالنىڭ كەشىپ قىلىنشىغا تەخمىنەن ئىككى ئايدەك ۋاقىت كەتكەن بولوپ ، بۇ تۇنجى قېتىم بۇ ھەقتىكى ئۇيغۇرچە يۇمشاق دېتالنىڭ تەتقىق قىلىپ ئېچىلىشى ھېسابلىنىدۇ . ئۇيغۇرچە كىرگۈزۈشنى ئاساسى ئەۋزەللىك قىلغان بۇ يۇمشاق دېتالدا خېرىدارلار ھەقسىز ھالدا iphone ياكىipad قا ئۇيغۇرچە سېستىمىنى چۈشۈرەلەيدۇ ، شۇنىڭ بىلەن بىللە كىرگۈزۈلگەن ئۇيغۇرچە مەزمۇننى مىكرۇ بىلوگ ، ئۇچۇر ۋە ئېلېكتىرۇنلۇق يوللانمىلارغا قايتا ئەۋەتەلەيدۇ ، يۇمشاق دېتال تورغا ھەقسىز ئەۋەتىلگەندىن كېيىن دۆلەت ئىچى ۋە سېرتىدىكى ئۇيغۇر ئاممىسىنىڭ قارىشى ئېلىشىغا ۋە بىردەك ياخشى باھاسىغا ئېرىشتى ، چۈشۈرۋېلىش قېتىم سانى تۇنجى كۈنىلا 400قېتىمدىن ئاشتى .
شېركەتكە نىسبەتەن مۇئەييەن چۈشەنچىگە كەلگەن شۇجى جاڭ چۈنشىيەن پەخىردىن قارلۇققا ؛ <<شېركىتىڭلارنىڭ تەرەققىياتى تەسسەۋۋۇرۇمدىكىدىنمۇ ھالقىپ كېتىپتۇ ، مەن ئىلگىرى شىنجاڭدا بۇنچە مۇكەممەل سىرىتقى ھۆددە مەدەنىيەت لايىھەلەش شېركىتىنىڭ بارلىقىنى ئويلاپ يەتمىگەنكەنمەن ، كارتۇن فېلىم ، ھەجىۋى سۈرەت كەسپىنىڭ تەرەققىيات يوشۇرۇن كۈچى ئىنتايىن زور ، جۇشقۇن ھالدا تېخىمۇ ياخشى نەتىجىلەرنى قولغا كەلتۈرۈشۈڭلارغا تىلەكداشمەن . كارخانىنى تەرەققى قىلدۇرۇش ئۈچۈن ئىجادچانلىققا ماھىر ، ئىزدىنىشكە جۈرئەتلىك بولوش كېرەك ، شىنجاڭدا زامانىۋى مۇلازىمەت كەسپىنى تەرققى قىلدۇرۇش ئۈچۈن  ، بازارنى ئاساس قىلىش ئىدىيەسى بويىچە ئالاھىدىلىكنى گەۋدىلەندۈرۈپ ، يادىرۇلۇق رىقابەتلىشىش كۈچىنى شەكىللەندۈرۈشكە تېرىشىش لازىم . ھەر قانداق ئىشتا قىيىنچىلىقتىن قورۇقماڭلار ، تىرىشساڭلارلا ھامان نەتىجىسى بولىدۇ ، بىزمۇ پۈتۈن كۈچىمىز بىلەن قوللايمىز >> دېدى .
ئاخىردا پەخىردىن قارلۇق شېركىتىدىكى غوللۇق خادىملىرىدىن ئەلى مامۇت ، ۋە ئەلھەمجان ئەخەت لايىھەلەپ چىققان سوۋغىنى شۇجىغا كۆرسەتتى ، كارتۇن رەسىملەرگە سېنچىلاپ قارىغان جاڭ چۈنشىيە شۇجى كۈلىۋەتتى -دە ؛<<قوي گۆشى يەپ سەمىرىپ كەتمىگەندىمەن -ھە!>> دەپ قوشۇپ قويدى . كۈلكە سادالىرى بۇ چاخچاق بىلەن تەڭ ئەتىراپنى قاپلىدى ، ئارقىدىنلا شۇجى جاڭ چۈنشىيەن ئىككى رەسىمگە بىر بىرلەپ ئۆز ئىمزاسىنى قويۇپ بەردى . شۇجى جاڭ چۈنشىيەن <<قارلۇق >> شېركىتى سوۋغا قىلغان كارتۇن رەسىملەرنى خوشاللىق بىلەن قۇبۇل قىلدى . 
 


يەتتە سائەت ئىچىدە لايىھەلەپ چىقىلغان بۇ سۈرەتلەر ئەلۋەتتە يۇقۇرى سەۋىيە تەلەپ قىلاتتى . شېركەت بۇ قېتىمقى پۇرسەتتە ئۆزىنىڭ كارتۇن ۋە كومپىيۇتېر گىرافىك ساھەسىدىكى ئەمەلىي كۈچى ۋە ئارتۇقچىلىقىنى نامايەن قىلغان ئىدى .
7-فېۋرال سودا ئىشلىرى نازارىتى ، خەلىق ئىشلىرى نازارىتىنىڭ رەھبەرلىرى شۇجى جاڭ چۈنشىيەننىڭ شېركەتنىڭ خىزمەتلىرىنى زور كۈچ بىلەن قوللاش تەلىپىگە ئاساسەن شېركەتنىڭ مۇناسىۋەتلىك تۈرلىرىنى ئىلگىرى سۈرۈش ۋە كونكىرىت ياردەملەردە بولوش ئۈچۈن مەخسۇس سۆھبەتكە كەلگەن ئىدى . <<قارلۇق>> شېركىتىدىكى خادىملار شېركەتنىڭ تەرەققىيات يۈزلىنىشى ۋە پىلانلىرى ، شۇنىڭ بىلەن بىللە زۆرۆر كونكىرىت تەلەپلىرىن ئوتتۇرغا قويدى ، سۆھبەتكە كەلگەن مۇناسىۋەتلىك رەھبەرلەرمۇ ئەستايىدىل خاتىرە قالدۇرۇش بىلەن بىللە ئۆزلىرىنىڭ قاراشلىرىنى ئوتتۇرغا قويدى ۋە قوللايدىغانلىقىنى بلىدۈردى .
ئاددى مەن بولوش سالاھىيىتم بىلەن مۇشۇنداق قېرىنداشلىرىمىزنىڭ زور تېرىشچانلىقى بىلەن روياپقا چىققان گۈل دەستلىرىمىزنىڭ يەنىمۇ كۆپ مەيدانغا كېلىشىنى ۋە زور ئۇتۇقلارنى قازىنىشىنى چىن كۆڭلۈمدىن ئۈمۈد قىلىمەن . ھەم خەلىقمىزنىڭ ۋە رەھبەرلىرىمىزنىڭ قولىشىغا ئېرىشكەن <<قارلۇق>> مېدىيا شېركىتىگە چىن كۆڭلۈمدىن مىننەددارلىق بىلدۈرىمەن . مەڭگگۈ يۈكسەلگىن ۋە ئالەمچە ئۇتۇقلارنى مەيدانغا كەلتۈرگىن بىر دەستە گۈل <<قارلۇق >> شېركىتى .. !!!

http://edu.qarluq.com/Home.aspx

http://uyghur.people.com.cn/156325/15136677.html

ئەڭ مېغىزلىق يېرى ئەۋەتىلمەپتۇ ..قېنى جاڭ سېكرىتارنىڭ ھەجىۋى رەسىمى بىر كۆرۈپ
ئامراقلىقىمىزنى بىلدۈرۈپ قوياينىچۇ !!!!!!!!

ئىشلىتىش

بۇ مەزمۇن 1قەۋەتتىكى kangsay نىڭ 2012-02-09 15:53 يوللىغان يازمىسىغا نەقىل Re:<<قارلۇق>>نىڭ سوۋغىسى شۇجى جاڭ چۈنشىيەننى خوشال قىلدى . :
نەقىل سۆز:
ھەر قانداق ئىشتا قىيىنچىلىقتىن قورۇقماڭلار ، تىرىشساڭلارلا ھامان نەتىجىسى بولىدۇ ، بىزمۇ پۈتۈن كۈچىمىز بىلەن قوللايمىز >> دېدى .

جاڭ چۈنشىيەن سېكىرتارغا تەشەككۈرلار بولسۇن!

كەڭسايغىمۇ زىيارەتكە كەلسە بوپتىكەن ،،

app storeدا نىمە دە پ ئاختورساق چىقىدو؟

قا رلۇ ق تخىمۇ ئۈ لە

ئۆرلە كەچۇرۇڭلا تورداشلا