نۇقۇل قانداشلىق مۇناسىۋەت بىر نەرسىنى چۈشەندۈرۈپ بېرەلمەيدۇ. مەسىلەن: نۇھ ئەلەيھىسسالامنىڭ بىر ئوغلى دادىسىغا ئىمان ئېيتقىلى ئۇنىماي، سۇدا غەرق بولۇپ كەتكەندە، نۇھ ئەلەيھىسسالام ئاللاھتائالاغا: «ئاللاھىم، ئوغلۇم مېنىڭ ئائىلەمدىكىلەردىن ئىدى...» دېگەندە، ئاللاھ ئۇنىڭغا: «ياق، ئۇ سېنىڭ ئائىلەڭدىكىلەردىن ئەمەس» دېگەن.
يەنە، مەشھۇر ساھابە سالمان پارسىينى كۆپىنچىمىز بىلىمىز. بۇ ساھابە ئەرەب مىللىتىدىن ئەمەس، پارىس مىللىتىدىن ئىدى. بىراق، پەيغەمبىرىمىز «سالمان مېنىڭ ئائىلەمدىكىلەردىن» دېيىش ئارقىلىق ئۇنىمۇ «ئەھلى بىيت» قاتارىدا ھېسابلىغان. سالمان بىلەن پەيغەمبىرىمىز قانداش بولۇش تۈگۈل مىللەتداشمۇ ئەمەس ئىدى.
بۇنىڭدىن قارىغاندا، ئاللاھ ۋە پەيغەمبەرنىڭ نەزىرىدىكى «ئائىلەداشلىق، تۇققانلىق» مۇناسىۋىتى ماددىي قانداشلىق مۇناسىۋەتنى ئەمەس، بەلكى مەنىۋى تۇققانچىلىق مۇناسىۋىتىنى كۆرسىتىشى مۇمكىن. يەنى، مەنىۋى جەھەتتىن پەيغەمبىرىمىزگە ئەڭ يېقىن بولغان كىشى «سەييىد» بولۇشى مۇمكىن. ئاڭلاشلارغا قارىغاندا ھەزرىتى ئەلىنىڭ ئوغلى ئىمام ھەسەن بىلەن ھۈسەيىننىڭ كۆپ بالىلىرى بولغان ئىكەن. بۇلارمۇ نۇرغۇن مىللەتلەرگە تارقالغان بولۇشى، ئۇلار ئىبراھىم ئەلەيھىسسالامنىڭ دۇئاسى «ئاللاھىم، مېنىڭ نەسلىمدىن سالىھ كىشىلەرنى چىقارغىن»نى كۆپ ئوقىغان بولسا، ئۇلارنىڭ نەسلىدىن كەلگەنلەر ھەممىسى سالىھ كىشىلەر، سەييىد ئاتىلىشقا لايىق بولغانلار بولۇشى مۇمكىن... مەنىۋى جەھەتتىن پەيغەمبەرگە ئەڭ يىراق بولغان كىشى گەرچە قۇرەيش قەبىلىسىدىن بولغان ئەرەب بولسىمۇ پەيغەمبەرنىڭ نەسەبى «سەييىد» شەرىپىگە نائىل بولالماسلىقى مۇمكىن.
...................................................
تېما «ئاباق خوجا» تېمىسى بولغاچقا، يۇقىرىقى گەپنى يېزىشقا توغرا كەلدى.
بۇ سىرلىق شەخس ھەققىدە ئىزدەنمەكچى بولغانلار نوقۇل ئۇيغۇرچە رومانلارغا ئېسىلىۋالسا قايمۇقۇپلا ئۆتىدۇ. توغرا مەلۇماتقا ئېرىشكىلى بولمايدۇ. مەن ئۇنى ئاقلىمايمەن (چۈنكى، دەلىل-ئىسپاتىم يوق). باشقىلاردەك شاتۇتىدەك سايراپ قارىلاپمۇ يۈرمەيمەن. چۈنكى، قىيامەت كۈنى ئاللاھ قۇلاق، كۆز، ئېغىز، قول ۋە ھەممە ئەزايىمىز قىلغان ئىشلاردىن چوقۇم ھېساب ئالىدۇ. ئاللاھنىڭ جازاسىدىن قورقىمەن. ھەر بىرىمىزدە ئاللاھ بەرگەن مۇستەقىل ئەقىل بولغاندىكىن ئويلاپ باقساق بولىدۇ.
خۇيزۇلارنىڭ تارىخىدىكى مەشھۇر شەخس مالەيچى (马来迟)نى بىلىدىغانلار بارمۇ؟ خەنزۇچە بىلىدىغانلار ئىزدىنىپ بېقىڭلار.
جوڭگۇ تارىخىدا زېمىن ئەڭ كېڭەيگەن، دۆلەت ئەڭ گۈللەنگەن چاغ كاڭشى پادىشاھ (1621-1696) ھوقۇق تۇتقان چاغ بوپتىكەن. ھەتتا كاڭشى ۋاقتىدا دۆلەت زېمىنىنىڭ چاۋشىيەن قاتارلىق جايلارنىمۇ ئۆز ئىچىگە ئالغان ھالدا 13 مىليون كوۋادىرات كىلومېتىرغا يەتكەنلىكىنى يازغان تارىخچىلار بار.
ھىدايىتۇللاھ ئىشان 1683-يىلى ئۆلتۈرۈلۈپتىكەن. (يەنى، خوشنىسى كاڭشىنىڭ ئەڭ كۈچلۈك زامانىدا)
ئۇنىڭ زامانىدا ئىلىم ئەھلىنى قەتلى قىلغانلىقى، كىتاب كۆيدۈرگەنلىكى، جەمىيەتنى ئىنتايىن خانىۋەيران قىلغانلىقىنى سۆزلەيدۇ بىزنىڭ ئۇيغۇر تارىخچىلار.
خەنزۇچە قۇرئان تەپسىرى (法图麦李静远写的《古兰经》译注 )نىڭ 80-بېتىدە يېزىلىشىچە، كاڭشى 1679-يىلى ئوۋغا چىقىپ خېبىي ئۆلكىسىدىكى بىر ناھىيىگە بارغاندا بىر مىچىتتە قۇرئان تۇرغانلىقىنى كۆرۈپ ئوقۇشقا قىزىققان. ئوقۇپ بېرىدىغان ئادەم ئىزدىگەن، ئادەم چىقمىغان. ئەرەپچىنى قىرائەت قىلىپ بېرەلەيدىغانلار چىققان بولسىمۇ، ئەمما مەنىسىنى يىشىپ چۈشەندۈرۈپ بېرەلەيدىغان ئادەم تاپالمىغان. 1682-يىلى غەربىي يۇرتقا بارغانلاردىن بىرى ئۇنىڭغا قۇرئان سوغات ئېلىپ كەلگەن. (غەربىي يۇرتتىن كەلگەن شەخس مۇسۇلمان). پادىشاھ پايتەخىتتە قۇرئاننى بىلىدىغان كىشىلەرنى شۇنچە ئىزدىگەن، ئەمما چاقىرىلغان كىشىلەر ئوقۇيالىسىمۇ مەنىسىنى دەپ بېرەلمىگەن... بۇ تارىخنى خۇيزۇلار نومۇس قىلىشقا تېگىشلىك، خىجىل بولۇشقا تېگىشلىك تارىخىمىز دەپ قاتتىق ئېچىنىدىكەن...لېكىن، كېيىنكى زامانلاردا تەسەۋۋۇپنىڭ تەسىرىدە خۇيزۇلاردا ئىسلام كۈچەيگەنمىش، بۇنىڭغا 1700-يىللاردىكى مەرىپەتچىلىك، ئاقارتىش پائالىيەتلىرىنى، بۇنىڭغا تەسەۋۋۇپ شەيىخلىرىنىڭ باشچى بولغانلىقىنى تىلغا ئالىدىكەن. مەسىلەن: مەشھۇر خۇيزۇ ئالىم ۋاڭ دەييۈ 王岱舆 قاتارلىق.
يەنە 1999-يىلى ياپونىيەدە يەھۇدىيلارنىڭ مۇھەررىلىكىدە يېزىلغان «سۇپىزىم تەرەققىياتىنى تۇسۇش ھەققىدىكى تەشۋىقات پروگراممىسى» 怎么样阻挡苏菲发展的宣传提纲دا سۇپىزىمنى قانداق خۇنۇكلەشتۈرۈش، ھىندى دىنى بۇددا دىنىدىن كەلگەنلىكىنى، يېڭى پىلاتونىزىم ئىدىيىسى بىلەن يۇغۇرۇلغانلىقى، قۇرئان ھەدىسكە خىلاپ ئىكەنلىكىنى كۆپلەپ تەشۋىق قىلىش، مۇرشىدلارنى شەرمەندە قىلىش، سۇپىزىمنى يۇقىتىپ بولغاندىن كېيىن ئىسلامنى يۇقىتىش 而达到消灭苏菲、消灭伊斯兰的目的مەقسىدىگە يېتىش قاتارلىقلار ئوتتۇرىغا قويۇلغان. (تەپسىلاتى ئۈچۈن ماۋۇ يەرگە قاراڭ:
http://blog.2muslim.com/forum.php?mod=viewthread&tid=48859.............................
ئۇزۇن گەپنىڭ قىسقىسى دوستلار، ئاللاھ بىزگىمۇ مۇستەقىل ئەقىل بەرگەندىكىن، ھەدېسىلا خەقنىڭ توۋلاپ بەرگەن شۇئارلىرىغا ئەگىشىپ يۈرمەي، ئاللاھتىن توختىماي «ئىھدىنەسسىراتەلمۇستەقىيم» دەپ تىلەش بىلەن بىرگە ئۆزىمىزمۇ ئىزدىنەيلى.
تېما يوللىغۇچى قېرىندىشىمغا رەھمەت ئېيتىمەن.
