غەيۋەتكە قولاق سېلىشنىڭ ھاراملىقى

ئاللاھ تائالا بۇ ھەقتە مۇنداق دەيدۇ :( ئىنسان قىيامەت كۈنى )قۇلاق، كۆز ،دىل ( يەنى سەزگۈ ئەزالىرى ) نىڭ قىلمىىشلىرى ئۈستىدە ھەقىقەتەن سۇئال سوراق قىلىنىدۇ .<1>

ئاللاھتائالا يەنە مۇنداق دىگەن : ئۇلار بىلەن بىللە ئولتۇرماسلىقنىشەيتان ساڭا ئۇنتۇلدۇرغان بولسا ، ئىسىڭگە كەلگەندىن كىيىن ، زالىم قەۋىم بىلەن بىللە ئولتۇرمىغىن .<2>

ئاللاھتائالا مۆئمىن بەندىلىرى ھەققىدە مۇنداق دىگەن ؛ ئۇلار بىھۇدە سۆزلەرنى ئاڭلىغاندا ئۇنىڭدىن يۈز ئۆرىدى ،( يەنى يۈز ئۆرىدى. ) <3>

كەئىب ئىبنى مالىكنىڭ تەۋبە قىلىش ۋەقەسىگە ئائىت ئۇزۇن ھەدىسنىڭ بىر قىسمىدا مۇنداق كەلگەن ؛ ئابدۇللاھ ئىبنى كەئىبئىبنى مالىك رەزىيەللاھۇ ئەنھۇدىن رىۋايەت قىلىنىدۇكى ،پەيغەمبەر ئەلەيھىسسالام تەبۇكقا بارغاندىن كىيىن دەم ئېلىش ئۈچۈن ئولتۇرغاندا ؛ كەئىب مالىكقا نىمە بولدى ؟دەپ سوراپتۇ .بەنى سەلەمە جەمەتىدىن بولغان بىر كىشى : ئى ئاللاھنىڭ پەيغەمبىرى !كەئىبنى ئۆزىنىڭ تونىنى كىيىپ ، ئىككى يانغا بېقىشلىرى (ئۆزىدىن پەخىرلىنىپ )ئۇنى ئۇرۇشقا كەلگىلى قويمىغاندۇ ، دەپتۇ .مۇئاز ئىبنى جەبەل رەزىيەللاھۇ ئەنھۇ ؛ بۇرادەر ،سەن يامان سۆز قىلدىڭ ، ئاللاھنىڭ نامى بىلەن قەسەمكى ، ئى ئاللاھنىڭ پەيغەمبىرى ،بىز كەئىبتە ياخشىلىقتىن باشقىنى بىلمەيمىز دەپتۇ . شۇنىڭ بىلەن پەيغەمبەر ئەلەيھىسسالام گەپ قىلماپتۇ .( بىرلىككە كەلگەن ھەدىس .)


ئىنسان غەيۋەتكە ماسلىشىپ ، ئۇنىڭغا قۇلاق سالغانلىقىغا قىيامە ت كۈنى ئاللاھ ئالدىدامەسئۇلىيەتكە تارتىلىدىغانلىقى .
 غەيۋەتخورلارسورىنىدا ئولتۇرۇشنىڭ ھاراملىقى .
 غەيۋەت ۋە ناچار سۆزلەرگە قولاق سالماسلىق مۆئمىنلەرنىڭ سۈپەتلىرىدىن ئىكەنلىكى .
كەئىب ئىبنى مالىك رەزىيەللاھۇ ئەنھۇنىڭ ۋەقەسى ھەققىدە كەلگەن ھەدىس خۇددى مۇئاز رەزىيەللاھۇ ئەنھۇ < بىز پەقەت كەئىبنىڭ ياخشى ئادەم ئىكەنلىكىنىلا بىلىمىز > دىگەندەك سۆزلەرنى قىلىش ، غەيۋەتنى توسۇش ۋە غەيۋەتخورنىڭ سۆزىنى يەرگە ئۇرۇپ ، قېرىندىشىنىڭ ياخشى تەرەپلىرىنى زىكرى قىلىش ئارقىلىق ئۇنى مۇداپىيە قىلىشقا ئۈندەيدۇ . 

ئەبۇدەردا رەزىيەللاھۇ ئەنھۇدىن رىۋايەت قىلىنىدۇكى ، پەيغەمبەر ئەلەيھىسسالام مۇنداق دىگەن : كىمكى ئۆز بۇرادىرىنىڭ ئابرويىنى قوغداپ قالسا ، ئاللاھ قىيامەت كۈنى ئۇ كىشىنى دوزاختىن قوغداپ قالىدۇ .< تىرمىزىدىن >

 پەيغەمبەر ئەلەيھىسسالام مۇنداق دىگەن : ھەرقانداق بىر ئادەم ئۆز قېرىندىشىغا قېرىندىشى يوق يەردە ياردەم بەرسە ، ئاللاھ ئۇ كىشىگە دۇنيا ۋە ئاخىرەتتە ياردەم بىرىدۇ .

 تۇقارقى سۆزلەرنىڭ ھەقىقىي ماھىيىتى چۈشۈنىلسە ئىدى ، بىھۇدە سۆز قىلغۇچىلارغىمۇ سۆز ،غەيۋەتخورلارغىمۇ غەيۋەت قىلىش مەيدانى قالمىغان بۇلاتتى .

 ھەرقانداق بىر كىشى كۈنىمىزدىكى ئىنسانلارغا قارايدىغان بولسا ، ئۇلارنىڭ بۇنىڭ ئەكسىچە ئىش قىلىۋاتقانلىقىنى كۆرۈش بىلەن بىرگە تۆۋەندىكىلەرنى ھىس قىلىمىز .

 مۇسۇلمان ھەققىدە ناچار سۆز قىلىۋاتقان غەيۋەتخورغا مۇڭلۇق قولاق سېلىش .

  غەيۋىتى قىلىنغان كىشىنىڭ تېخىمۇ يامان خەۋىرىنى بىلىش ئۈچۈن غەيۋەتنى كۆڭۈل قويۇپ ئاڭلاش .

شەيتانغا ھەمكارلىشىپ ،قېرىندىشىنىڭ يامان كۆرىدىغان گەپ سۆزلىرىنى ئاڭلاش .

 غەيۋەتخورنىڭ سۆزىگە ماسلىشىپ ، قىلغان سۆزلىرىنى ماختاپ ،سورۇندا بولمىغان مۇسۇلمانغا داغ تەككۈزۈش .

   مەنبە : ھەدىسلەر .

 داۋامى بار .  

اللە رەھمەت قىلسۇن قېرىندىشىم ، ھەقنى يەتكۈزگىنىڭىزگە اللە ئەجىرىڭىزنى بەرسۇن .

ئاللاھ سىزدىن رازى بولسۇن قېرىندىشىم!
بۇ ئېسىل تېمىنى ساقلىۋالدىم. داۋامىنى تېزرەك يوللىغايسىز.

ئاللا رەخمەت قىلسۇن سىز گە قېرىندىشىم

مەنپەئەتلىك تىمىلرىڭىز مۇنبەردىن ئۈزۈلمىسۇن

بەرھەق! ئاللاھ قولىڭىزغا دەرت بەرمىسۇن قىرىندىشىم، مۇشۇ كۇنلەردە بەزى ياشلىرىمىز ھەقىقەتەن ئازغۇنلۇققا پىتىپ كىتىپ بارىدۇ، ئۇلارغا ئاللاھدىن رەخمەت ۋە مەخپىرەت تىلەيمەن، ئاللاھ ئۇلارنىڭ ياخىشى ئىشلىرى ئارقىلىق يامانلىقلىرىنى ئۈچۈرگەي، ئامىن!

2014 – [ 16 ]
ئەبۇ ھۈرەيرە رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: نۇرغۇن روزا تۇتقۇچىلار باركى، ئۇلار ئۈچۈن روزىسىدىن پەقەت، ئاچ، ئۇسسۇز قالغاندىن باشقا نىسىۋە، ئەجىر يوق، ئۇلار ئاچ، ئۇسسۇز قالغىنى قالغان. نۇرغۇن قىيامدا تۇرۇپ،ناماز ئوقۇغۇچىلار باركى، ئۇلارنىڭ كېچىلىك قىياملىرىدىن پەقەت، ئۇيقۇسىزلىق، ھارغىنلىقدىن باشقا نەرسە يوق. «يەنى نىيەت، ئىخلاسى يوق، تائام ھارام بولسا، ئەمەلنى كۆيدۈرسە، رىيا قىلسا شۇنداق بولىدۇ» ئىبنى ماجە،دارىمى توپلىغان، سەھىھ. ئىبنى ئۆمەر، ئەبۇ ھۈرەيرە رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: نۇرغۇن كېچىلىرى قىيامدا تۇرغۇچىلار بار، ئۇنىڭ نىسىۋىسى قىيامدىن پەقەت ئۇيقۇسىزلىقتۇر، نۇرغۇن روزا تۇتقۇچىلار باركى، ئۇلارنىڭ نىسىۋىسى روزىدىن پەقەت ئاچ، ئۇسسۇز قېلىشتۇر، (يەنى رىيا قىلىپ، ئەمەللىرىنى كۆيدۈرۈپ، غەيۋەت قىلىپ، كىشىلەرنىڭ ھەققىنى ئېلىۋېلىپ، ئازار بېرىپ، نىسىۋىسى تۈگەيدۇ) تەبرانى، ئەھمەد، ھاكىم، بەيھەقى توپلىغان، سەھىھ

دۋامىنى كۈتىمىز!!!!!

دۋامىنى كۈتىمىز!!!!!