* ئادەملەر قايغۇرسا، يىغلاپ-قاقشاپ جاھاننى بېشىغا كىيىدۇ. ھايۋانلار قايغۇرسا، ئۈن-تىنسىز ياش تۆكىدۇ .  
* ئادەملەر ياخشى كۈنلەردە بىرگە ئۆتۈپ، ئېغىر كۈنلەردە بىر-بىرىنى تاشلاپ كېتەلەيدۇ. ھەتتاكى شۆھرەت، پۇل-مال،ھوقۇق ــ مەرتىۋىنى دەپ بىر-بىرىنى ساتىدۇ .
ھايۋانلار ھايات-ماماتتا باققان ئىگىسى بىلەن بىللە بولىدۇ، ھەتتا جېنىنى قۇربان قىلىپ ئىگىسىنى قۇتقۇزىدۇ .   
* ئادەملەر خەتەرگە يولۇقسا« قۇتقۇزۇڭلار!» دەپ جان-جەھلى بىلەن ۋارقىرايدۇ .ھايۋانلار خەتەرگە يولۇقسا ، ئادەملەردەك ياردەم تەمـە قىلماي، ئۆز-ئۆزىنى قۇتقۇزۇشقا تىركىشىدۇ .
* ئادەملەر تۇغۇلۇپ ئىككى يىلدا ئاران ماڭغۇدەك بولىدۇ، ھايۋانـلار تۇغۇلۇپ ئىككى سائەتكە قالمايلا ماڭىدۇ .  
* ئادەملەر ئۆزىنى مۇكەممەل چاغلاپ، ئاچچىقلانغاندا بىر-بىرىنى «ھايۋان» دەپ تىللايدۇ . ئەمما ئۇزۇن ئۆمۈر كۆرۈشتە تاشپاقـــىغا، ئېغىرلىق كۆتۈرۈشتە چۈمۈلىگە، كۆرۈش قۇۋۋىتىدە قارچىـــغىغا، پۇراق سېزىشتە ئىت-مۇشۈككە يەتمەيدۇ .
* ئادەملەر ھاراق، تاماكا،خروئېن دېگەندەك نەرسىلەرنى پۇلغا سېتىۋېلىپ ئۆزىنى زەھەرلەيدۇ .   
ھايۋانلارنى زىيانلىق نەرسىلەرگە زورلىسىمۇ، يېقىن كەلمەيدۇ .
* ئادەملەر بىر-بىرىنى ئالداپلا قالماستىن، بەزىدە ھەتتا ئۆز -ئۆزىنىمۇ ئالدايدۇ .
ھايۋانلار «ئالداش» دېگەننىڭ نېمىلىكىنى ئادەملەردەك بىلمەيـدۇ .
* ئادەملەر ئۇرۇشۇپ قالسا ئاداۋەت ساقلاپ، بىر-بىرىگە ھامان يوشۇرۇن ئورا كولايدۇ . ھايۋانلار تۇتۇشۇپ قالسا ، بىرسى يېڭىلگەندىن كېيىن بولدى قىلىدۇ، كېيىن ئۆچ ئېلىش كويىدا بولمايدۇ .  
* ئادەملەر ئىقتىسادىي، سىياسىي ۋە ئىجتىمائىي ئېھتىياجغا قاراپ ھەر خىل ئۆزگىرىدۇ. مەنپەئەت ئۈچۈن ھەتتا ئۆز تەبئىيىتىگە ساتقىنلىق قىلىدۇ.  
ھايۋانلار ھايات-ماماتلىق پەيتتىمۇ ئۆز تەبئىيىتىنى ئۆزگەرتمەيدۇ.   
* ئادەملەر بىر ئۆيگە كىرسە، تۆر تالىشىدۇ .ھايۋانلار بىر ئېغىلغا كىرسە يـــەم تالىشىدۇ . * ئادەملەر ئوت-چۆپ، ھايۋانات، ئۇچارقانات.... ھەممىنى يېگەندىن باشقا  بىر-بىرىنىمۇ يەيدۇ .  
ھايۋانلارنىڭ كۆپ قىسمى ئوت-چۆپ يەيدۇ ، گۆشخور ھايۋانلارمۇ باشقا تۈردىكى ھايۋانلارنى يېسە يەيدۇكى، ئالدىراپ ئۆز نەسلىنى يېمەيدۇ .   
* ھايۋانلارنىڭ جۈپلىشىشى ئەۋلاد قالدۇرۇش ئۈچۈن بولىدۇ، شۇڭـــلاشقا تەبئىي قانۇنىيەتلەرگە قاتتىق ئەمەل قىلىپ«شەيتان»نىڭ كەينىگە كىرمەيدۇ. شۇڭا ئۇلاردا ھېچقانداق جىنسىي كېــــــسەللىك مەۋجۇت ئەمەس .
ئادەملەرنىڭ جۈپلىشىشىنىڭ بىر نەچچە پىرسەنتى ئــــەۋلاد قالدۇرۇش ئۈچۈن بولسىمۇ، 90 پىرسەنتتىن كۆپرەكى «شەيتان» نىڭ كەيىنگە كىرىشتىن بولىدۇ. شۇڭا ئەيدىزگە ئوخشاش ئەجەللىك كېسەللىكلەردىن خالىي بولالمايدۇ ...

مەنبە ؛ << م پ 3 >> دىن ئۆزگەرتىپ يېزىلدى << mp3>>  
 
_______________________________________ 
گېنېرالنىڭ ئىزاھاتى:
ئاۋازلىق نۇسخىسىنى قىستۇرۇپ قويدۇم،رەنجىمىگەيسىز.

flash ھۆججىتىنى قويۇش

ئادەملەر مۇنبەرگە كىرىپ ، ئۆزىگە پايدىلىق بىلىملەرنى ئۈگىنىدۇ  ياكى ۋاختىنى بىكارغا ئۆتكۈزىدۇ . ھايۋانلار بۇنداق ئىشلاردىن خالىي .

ئادەم بىلەن ھايۋاننى سىلىشتۇرۇش،،،نىم دىن دىرەك بىردۇ ؟  تىما ئىگسىگە تەشەككۈر.      

ئاجايىپ سېلىشتۇرۇش بوپتۇ. ئويلۇنۇپ قالدىم.

ئادەم بىلەن ھايۋاننى سېلىشتۇرۇشقا بولمايدۇ

رەخمەت گىنرال ئەپەندى ئاۋازلىق نۇسغىسى تۇلۇق ھەم ياخشى تەشەككۈرلەر بولسۇن جاپا چىكىپلا

ئەسسالامۇ  -  ئەلەيكۇم ، راستىنلا  قىزىقارلىق  سېلىشتۇرۇش بوپتۇ.