ئامېرىكىلىقلار زادى قانچە پۇل مائاش ئالىدۇ؟ 
ئامېرىكىنىڭ مائاش سىستېمىسى ئىككى خىل بولۇپ، بىر " Salary " دەپ ئاتىلىدۇ، يەنە بىرى " Wage " دەپ ئاتىلىدۇ. Salary دېگىنى ئىش ﻫەققىنى يىل بويىچە ﻫېسابلاپ، ئايغا بۆلۈپ بېرىدىغان مائاش، يەنى "يىللىق مائاش" دەپمۇ ئاتىلىدۇ. بۇ خىلدىكى مائاش ئادەتتە ئالى مەكتەپ مەلۇماتى بارلارغا يەنە ۋەتەندە "كادىر" دەپ ئاتىلىدىغانلارغا بېرىلىدۇ. Wage دېگىنى ئىش ﻫەققىنى سائەت بويىچە ﻫېسابلاپ، ﻫەپتىسىگە بىر قېتىم بېرىلىدىغان مائاش بولۇپ، "ﻫەپتىلىك مائاش" ياكى "سائەتلىك مائاش" دەپمۇ ئاتىلىدۇ. بۇ خىلدىكى مائاش ئادەتتە ئادەتتىكى خىزمەتچىلەرگە يەنى دۆلىتىمىزدىكى "ئىشچى" دەپ ئاتىلىدىغانلارغا بېرىلىدۇ. ئەلۋەتتە بۇ پۈتۈنلەي مۇتلەقمۇ ئەمەس. بەزى داڭلىق شەخسلەر، مۇتەخەسسىسلەر ۋە چولپانلارمۇ ﻫەقنى سائەت بويىچە ئالىدۇ. ئۇندىن باشقا بارلىق ۋاقىتلىق ئىشلىگۈچىلەرمۇ سائەت بويىچە ﻫەق ئالىدۇ. ئادەتتە سائەت بويىچە بېرىلىدىغان ﻫەق ئەڭ كەم دېگەندەك 6 ~ 16 ئەتىراپىدا بولىدۇ. داڭلىق ئەربابلار ۋە چولپانلار ئارىسىدا سائەتلىك ﻫەققى 10000 دوللاردىن ئاشىدىغانلارنىڭ سانىمۇ ئاز ئەمەس.


ئامېرىكىدا تۇرىۋاتقان چەتئەللىكلەر نۇرغۇن سەۋەبلەر تۈپەيلىدىن، ئوخشاش كەسىپتىكى، ئوخشاش قابىلىيەتتىكىلەر قانۇندا بەلگىلەنگەن مائاش چېكىدىن تۆۋەن ياكى ئەڭ تۆۋەن چەكتىكى مائاشنى ئالىدۇ. بۇنىڭ ئاساسلىق سەۋەبى، بىرىنچى ئامېرىكا گەرچە چەتئەلنىڭ ئوقۇش پۈتتۈرۈش گۇۋاﻫنامىسىنى ئېتىراپ قىلسىمۇ، بىراق يەنىلا ئۆزىنىڭ گۇۋاﻫنامىسى بىلەن تەڭ ئورۇنغا قويمايدۇ. ئىككىنچى سەۋەبى، چەتئەللىكلەرنىڭ كۆپىنچىسى تىل جەﻫەتتىن قىيىنچىلىقى بولغاچقا خىزمەت تاپالماسلىقتىن قورقۇپ، تۆۋەن ﻫەق بەرسىمۇ ئۆزى خالاپ شۇ خىزمەتلەرنى قىلىشقا مەجبۇرى بولىدۇ.

تەخمىنەن 40~45% ئامېرىكىلىقنىڭ يىللىق مائاشى 20مىڭ~50مىڭ
25~30% ئامېرىكىلىقنىڭ يىللىق مائاشى 50مىڭ ~ 100مىڭ
15% ئامېرىكىلىقنىڭ يىللىق مائاشى 100 مىڭ ~200مىڭ، 
5~6% ئامېرىكىلىقنىڭ يىللىق مائاشى 200مىڭ ~ 1 مىليون،
1% ئامېرىكىلىقنىڭ مائاشى 1 مىليوندىن ئاشىدىكەن. 10 مىليوندىن ئارتۇق مائاش ئالىدىغانلارنىڭ سانىمۇ ئاز ئەمەس ئىكەن. ئەلۋەتتە يەنە 2~4% ئامېرىكىلىقنىڭ مائاشى 20 مىڭدىن تۆۋەن ئىكەن. 

2-ئامېرىكىدا ساقچىلار قانچە پۇل مائاش ئالىدۇ؟

ئامېرىكىنىڭ نيۇ يورك شەﻫىرىدە يىڭى ساقچىلار بىرىنچى يىلىدا 31000 دوللار مائاش ئالىدۇ. 5 يىلدىن كىيىن 51000 دوللار ئۆسىدۇ. 20 يىلدىن كىيىن 54000 دوللارغا ئۆسىدۇ. Sergeant ئۇنۋانى ئالغانلارنىڭ مائاشى 59000 دوللار بولىدۇ. Lieutenant ئۇنۋانى ئالغانلارنىڭ مائاشى 68000 دوللار بولىدۇ. Captain ئۇنۋانى ئالغانلارنىڭ مائاشى 83000 دوللار بولىدۇ. ساقچى باشلىقىنىڭ مائاشى 122000 دوللار بولىدۇ. ئادەتتە باشلىق بولغان ساقچىلار كەم دېگەندەك 20 يىللىق ساقچى تارىخى بار، ئالاﻫىدە قابىلىيەتلىك ساقچىلار ﻫېسابلىنىدۇ.

3- ئامېرىكىدا ئوتتۇرا ۋە باشلانغۇچ مەكتەپ ئوقۇتقۇچىلىرى قانچە پۇل مائاش ئالىدۇ؟

باكلاۋۇرلۇق ئۇنۋانى ئالغان ئوتتۇرا ۋە باشلانغۇچ مەكتەپ ئوقۇتقۇچىلىرى بىرىنچى يىلى 31000~39000 دوللار مائاش ئالىدۇ. ماگىستېرلىق ئۇنۋانى ئالغان ئوتتۇرا ۋە باشلانغۇچ مەكتەپ ئوقۇتقۇچىلىرى بىرىنچى يىلى 36000 ~ 42000 دوللار مائاش ئالىدۇ. 22 يىلدىن كىيىن ئۇلارنىڭ مائاشى 70000 دوللارغا ئۆسىدۇ. باشلانغۇچ مەكتەپ مۇدىرىنىڭ مائاشى 92000 باشلىنىدۇ. تولۇقسىز ئوتتۇرا مەكتەپ مۇدىرىنىڭ مائاشى 95000 دوللاردىن باشلىنىدۇ. تولۇق ئوتتۇرا مەكتەپ مۇدىرىنىڭ مائاشى 99000 دوللاردىن باشلىنىدۇ. مۇدىر بولۇپ 15 يىلدىن كىيىن ئەڭ يۇقىرى مائاش 115000 دوللارغا ئۆسىدۇ.

4- ئامېرىكىدا ئۆي تازىلىغۇچى (Housecleaners) ۋە ئۆي خىزمەتچىسى (Nannies) قانچە پۇل مائاش ئالىدۇ؟

ئامېرىكىدا ئۆي تازىلىغۇچىلارنىڭ سائەتلىك مائاشى 9~15 دوللار ئەتىراپىدا بولىدۇ. بىر ئۆي تازىلىغۇچى ئادەتتە ﻫەپتىسىگە 6 كۇن، كۈنىگە 8 سائەت ئىشلىسە، يىلىغا 31000 دوللار پۇل تاپالايدۇ.
ئامېرىكىدا ئۆي خىزمەتچىسى يەنە بالا باققۇچىنىڭ مائاشى 8~15 دوللار ئەتىراپىدا بولىدۇ. ﻫەپتىسىگە 400 ~ 1000 دوللار پۇل تاپالايدۇ. يىلدا 15000 ~ 30000 دوللار مائاش ئالىدۇ. ئەگەر ﻫەپتىسىگە 7 كۇن، كۈندە 24 سائەت بالىغا قارىسا ۋە بالا تەربىيىلەش ۋەزىپىسىنى ئۇستىگە ئالسا، ﻫەپتىسىگە 2000 دوللار پۇل تاپالايدۇ.

5- ئامېرىكىدا شوپۇرلار قانچىلىك مائاش ئالىدۇ؟

نيۇ يوركتا شوپۇرلار ئادەتتە 30000 ~ 50000 دوللارغىچە مائاش ئالىدۇ. ﻫەپتىسىگە 6 كۇن، كۈنىگە 10~12 سائەت قاتنايدىغان ئۇزۇن يوللۇق شوپۇرلار 60000~70000 دوللار مائاش ئالىدۇ. ئادەتتىكى تاكسى شوپۇرلىرى كۈنىگە 100 دوللار ﻫەق ئالىدۇ.

6- ئامېرىكىدا تازىلىق ئىشچىسى (Garbage men) قانچە پۇل مائاش ئالىدۇ؟

نيۇ يوركتا تازىلىق ئىشچىلىرى بىرىنچى يىلى 27000 دوللار مائاش ئالىدۇ. 5 يىلدىن كىيىن 44000 دوللار مائاش ئالىدۇ. بۇ تازلىق ئىشچىلىرى ئالىدىغان مائاشنىڭ ئەڭ يۇقىرى چېكى.
7- ئامېرىكىدا ئىشىك باققۇچىلار (Doormen) ۋە بىناغا قارىغۇچىلار (Super intended) قانچە پۇل مائاش ئالىدۇ؟

نيۇ يوركتا ئىشىككە قارىغۇچىلار بىرىنچى يىلى 25000 دوللار مائاش ئالىدۇ. ئۇلارنىڭ مائاشىنىڭ ئەڭ يۇقىرى چېكى 32000 دوللار ئەتىراپىدا بولىدۇ. ئايدا 30 كۇن ئىشلەيدۇ. بىناغا قارىغۇچىلارنىڭ ئوتتۇرچە مائاشى 39000 دوللار ئەتىراپىدا بولىدۇ.

8- ئاممىۋى مۇناسىۋەت بىلەن شۇغۇللانغۇچى خادىملار (Publish Relation) قانچە پۇل مائاش ئالىدۇ؟

نيۇ يوركتا ئاممىۋى مۇناسىۋەت خىزمىتى بىلەن شۇغۇللانغۇچىلارنىڭ مائاشى 30000 دوللاردىن باشلىنىدۇ. خىزمىتى ياخشى بولۇپ بەزى نەتىجىلەرگە ئېرىشسە، مائاشى 45000 ~ 55000 دوللارغا ئۆسىدۇ. 5 يىلدىن كىيىن 75000 ~ 100000 دوللار مائاش ئالالايدۇ. 

9- ئامېرىكىدا ئوت ئۆچۈرۈش خادىملىرى (Firefighters) زادى قانچە پۇل مائاش ئالىدۇ؟

نيۇ يوركتا ئوت ئۆچۈرۈش خادىملىرىنىڭ مائاشى 32000 دوللاردىن باشلىنىدۇ. 6 يىلدىن كىيىن 49000 دوللارغا ئۆسىدۇ. ئوت ئۆچۈرۈش ئەترىتىنىڭ باشلىقى 57000 دوللار مائاش ئالىدۇ. باشلىق بولۇپ 4 يىلدىن كىيىن 62000 دوللارغا ئۆسىدۇ. نيۇ يورك شەﻫىرى ئوت ئۆچۈرۈش ئىدارىسىنىڭ باشلىقى 75000 دوللار مائاش ئالىدۇ. ئەڭ يۇقىرى بولغاندا 94000 ئۆسىدۇ. نيۇ يورك شەﻫىرىدە جەمى 53 مۇئاۋىن ئوت ئۆچۈرۈش باشلىقى بولۇپ، ئۇلار خەتەرلىك ئوتلارغا بىۋاستە قوماندانلىق قىلىدۇ. ئۇلارنىڭ مائاشى 86000~104000 دوللارغىچە بولىدۇ.

10- ئامېرىكىدا دوختۇرلار زادى قانچە پۇل مائاش ئالىدۇ؟

ئامېرىكىدا دوختۇرلۇق مەكتەپنى پۈتتۈرگەن ئوقۇغۇچىلار، ئالدى بىلەن 3~4 يىل پراكتىكانت دوختۇر بولۇپ ئىشلەيدۇ. بۇ مەزگىلدە 40000~60000 دوللار مائاش ئالىدۇ. ئاندىن كىيىن رەسمى دوختۇر بولىدۇ. رەسمى دوختۇر بولغاندىن كىيىن بىرەر دوختۇرخانىدا خىزمەت قىلىدۇ، ياكى ئۆزى دوختۇرخانا ئاچسىمۇ بولىدۇ. رەسمى دوختۇر بولغاندىن كىيىن بىرىنچى يىلى ئىچكى بولۇم دوختۇرى 115000 دوللار مائاش ئالىدۇ. بالىلار بۆلۈمى دوختۇرى 110000 دوللار مائاش ئالىدۇ. ئوتتۇرا سەۋىيىلىك دوختۇرلار 300000 دوللار مائاش ئالىدۇ.ئوتتۇراﻫال سەۋىيىلىك كۆز دوختۇرى 300000~800000 دوللار مائاش ئالىدۇ. ناركوز بۆلۈمى دوختۇرلىرىنىڭ مائاشى 130000 دوللاردىن باشلىنىپ، 400000 دوللارغىچە مائاش ئالىدۇ. رىنىگىن بۆلۈمىنىڭ دوختۇرلىرى 140000 ~ 500000 دوللارغىچە مائاش ئالىدۇ.يۇرەك تاشقى بۆلۈمىنىڭ دوختۇرىنىڭ مائاشى 200000 دوللاردىن باشلىنىدۇ، بەزىلىرىنىڭ مائاشى 1 مىليون دوللاردىن ئاشىدۇ. يۇرەك ئىچكى بۆلۈمى ۋە ئاشقازان ئىچكى بۆلۈمىنىڭ دوختۇرلىرى 300000 ~ 400000 دوللارغىچە مائاش ئالىدۇ. ئادەتتىكى تاشقى بولۇم دوختۇرلىرى بىرىنچى يىلى 150000 دوللار مائاش ئالىدۇ. ئوتتۇراﻫال سەۋىيىلىكلەر 300000 دوللار مائاش ئالىدۇ. ﻫۆسىن تۈزەش بۆلۈمىنىڭ دوختۇرلىرىنىڭ مائاشى 140000 دوللاردىن باشلىنىدىغان بولۇپ، بەزىلەرنىڭ مائاشى 20 مىليون دوللاردىن ئاشىدۇ. سىستىرالارنىڭ مائاشى 47000 دوللار ئەتىراپىدا بولىدۇ. سىستىرا باشلىقى 70000 ~ 80000 دوللارغىچە مائاش ئالىدۇ. 

11- ئامېرىكىدا ئادۋوكاتلار زادى قانچە پۇل مائاش ئالىدۇ؟

نيۇ يوركتا رەسمى ئادۋۇكاتلارنىڭ مائاشى 125000 دوللاردىن باشلىنىدۇ. بىر قىسىم ئادۋوكاتلار باشقىلارغا تونۇلغىچە بۇنىڭدىن كوپ تۆۋەن ﻫەق ئىلىپ ئىشلەيدۇ. جىنايەتچىلەرگە ﻫەقسىز مۇلازىمەت قىلىدىغان ئادۋوكاتلار 30000 ~ 40000 دوللارغىچە مائاش ئالىدۇ. " Senior Counsel " ؟؟؟ 167000 دوللار مائاش ئالىدۇ. ؟؟؟" Chief Assistant " 290000 دوللار مائاش ئالىدۇ.؟؟؟ " General Counsel " 360000 دوللار مائاش ئالىدۇ.؟؟؟ " Chief Legal Officer " نىڭ مائاشى 740000 دوللار بولىدۇ. بەزى داڭلىق ئادۋوكاتلار 2 مىليوندىن ئارتۇق مائاش ئالىدۇ.

12- ئالى بىلىم يۇرتلىرىدىكى پروفېسسورلار ۋە مۇﻫىم شەخسلەر قانچە پۇل مائاش ئالىدۇ؟

ئالى مەكتەپ پروفېسسورلىرى 100000~200000 دوللار مائاش ئالىدۇ. 
نيۇ يورك قانۇن مەكتىپىنىڭ پروفېسسورى 120000 دوللار مائاش ئالىدۇ. 
نيۇ يوركتىكى كولومبىيە ئۇنىۋېرسىتېتىنىڭ باش مۇدىرى( ئادەتتە مەكتەپ مۇدىرىنى " President " دەپ ئاتايدۇ) 473000 دوللار مائاش ئالىدۇ. 
ئامېرىكا تەبىئەت تارىخ مۇزىيخانىسىنىڭ باش مۇدىرى (President) 442000 دوللار مائاش ئالىدۇ. 
نيۇ يورك شەﻫەر كاتتا سەنئەت مۇزىيخانىسىنىڭ (Metropolitan Museum of Art) دىرېكتورى 370000 دوللار مائاش ئالىدۇ. 
نيۇ يورك ئاممىۋى قىرائەتخانىسىنىڭ باش مۇدىرى (President) 418000 دوللار مائاش ئالىدۇ. 
نيۇ يورك شەﻫەر كاتتا تىياتىرخانىسىنىڭ دىرېكتورى 671000 دوللار مائاش ئالىدۇ.

13- ئامېرىكىدا ﻫۆكۈمەت ئەمەلدارلىرى زادى قانچە پۇل مائاش ئالىدۇ؟
ئامېرىكا پىرزىدىنتتى 200000  دوللار مائاش ئالىدۇ.
شتات باشلىقى (Governor) 209000 دوللار مائاش ئالىدۇ.
ئامېرىكا پارلامېنت ئەزاسى 136000 دوللار مائاش ئالىدۇ.
ب د ت نىڭ باش كاتىپى  بان كىمون270000 دوللار مائاش ئالىدۇ.
ئامېرىكىنىڭ ب د ت دا تۇرۇشلۇق باش ئەلچىسى 141000 دوللار مائاش ئالىدۇ.
نيۇ يورك شەﻫىرىنىڭ شەﻫەر باشلىقى 195000 دوللار مائاش ئالىدۇ. 
نيۇ يورك شەﻫىرىنىڭ مۇئاۋىن شەﻫەر باشلىقى 156000 دوللار مائاش ئالىدۇ.
نيۇ يورك شەﻫەرلىك ساقچى ئىدارىسىنىڭ بىرىنچى باشلىقى 150500 دوللار مائاش ئالىدۇ
نيۇ يورك شەﻫەر باشلىقىنىڭ كاتىپى 120000 دوللار مائاش ئالىدۇ.
نيۇ يورك شەﻫەرلىك ﻫۆكۈمەتنىڭ ئادەتتىكى باشلىقلىرى 90000 دوللار مائاش ئالىدۇ.
شتات پارلامېنت ئەزاسى 79500 دوللار مائاش ئالىدۇ.
شتات ئەدىلىيە قانۇن ئىدارىسىنىڭ باشلىقى 151000 دوللار مائاش ئالىدۇ.
شتات سوت مەﻫكىمىسىنىڭ باشلىقلىرى 129000~147000 دوللار مائاش ئالىدۇ.
(بەزى كونكرېت سانلاردا ۋاقىت چەكلىمىسى بولغانلىغى ئۇچۇن، ﻫەر دائىم ئۆزگىرىپ تۇرۇشى مۇمكىن، بىراق ئۇلار يەنىلا ئامېرىكىنىڭ ئومۇمىيۈزلۈك ئەﻫۋالىغا ۋەكىللىك قىلالايدۇ)

ھازىرچە بىز قانچىلىك  مۇئاش ئىلۋاتمىز دىگەننى ئويلايلى.

زۇڭتوڭ بولغاندىن شىتات باشلىقى بولغان ياخشىمۇ نىمە ؟

ئامېرىكا جاھانگىرلىرىنىڭ تۇرمۇشى ياخشىمۇ نىمۇ........

مۇشۇنداق باي بولغاچقا ، جاھانگىر دۆلەتكە ئايلىنالىغان. ئادەتتە نامراتنىڭ بالىسىدىن باينىڭ بالىسى ھارامتاماقراق كىلىدۇ ئەمەسمۇ . لىكىن نامراتلىرىمۇ ئاز ئەمەس .

بىزنىڭ جۇڭگونىڭ تۇرمۇشى مىڭ ياخشى جۇمۇ باللا.

ئامېرىكىدا ئۇنچىۋالا مائاش ئالغان بىلەن خەجلەيدىغان جايمۇ قىممەت تازا!!!   10 دوللارغا ئۇ يەردە لەغمەن يېگىلى بولمايدۇ....

ئەسسالامۇ  ئەلەيكۇم  :كوپ  ئاۋارە  بوپسىز   قانچىلىق  ۋاقىتلىرىڭىزنى  ئاجراتقانسىز  ھە....  جاپا  چىكىپسىز  ھەر  ھالدا

بىزنى  بىلىۋالسۇن دەپ....... بەك  باي كەن  ......  ھە....  ھەۋەس قىلمايلى  جۇما.....      كەمبەغەلنى   سىتاستىكا  قىپپىقىڭ   باي  بوغاندىن   كەمبەغەل  بولغان  ياخشى.....

بېزنىڭمۇ باشلىقلا كۆپ مۇئاش ئالىدىغۇ ؟ ئامېركىنىڭكىدىنمۇ يۇقىرمىكىن تېخى .

باي  بوغاندىن   كەمبەغەل  بولغان  ياخشى.....

تاپقان شۇ بايلىقىمىز ئاخىرەتتە ئۆزىمىزگە دۈشمەن بوپ قالمىسۇن بايلىققا ئىنتىلمەيلى !!!