نانغا ھۆرمەت قىلغان مۇسۇلمان پۇتبولچى
نانغا ھۆرمەت قىلغان مۇسۇلمان پۇتبولچى ياۋرۇپانى ھەيران قالدۇردى
تۈركىيەنىڭ داڭلىق تەنتەربىيە كۇلۇبلىرىدىن بىرى بولغان ترابزون سىپور پۇتبول كۇماندىسىنىڭ ۋارىتارى تولگا زەنگىن ئىسپانيە مەتبۇئاتلىرىنى ۋە خەلقىنى ھەيران قالدۇردى . 18- ئاۋغۇستتا ئىسپانىيەنىىڭ مادرىد رىقابەت (Athletic Bilbao) كوماندىسى بىلەن ئوينىغان مۇسابىقىدە مەيدانغا ئېتلغان ناننى سۆيۈپ پىشانىسىگە تەككۈزگەن تولگا زەنگىننىڭ بۇ رەسمى ئىسپانىيەنىڭ 2011-يىلدىكى ئەڭ تەسىر قىلغان رەسىمى تاللاندى .
تۈركىيە ترابزون سىپور پۇتبول كۇماندىسىنىڭ ۋارىتارى تولگا زەنگىن ئىسپانىيە مەتبۇئاتلىرىنىڭ قىزىق نۇقسىسىغا ئايلاندى. ترابزون سىپور پۇتبول كۇماندىسىنىڭ 2011- يىلى 18- ئاۋغۇستتا ئىسپانىيەدە مادرىد رىقابەت (Athletic Bilbao) كوماندىسى بىلەن ئوينىغان UEFA ياۋرۇپا لوڭقىسى مۇسابىقىسىدا يۇقىرى تالانتى بىلەن مۇسابىقىگە مۇھىم تەسىر كۆرسەتكەن تەجرىبىلىك ۋارىتار نامايەن قىلغان ئەخلاقىي پەزىلىتى بىلەنمۇ غەربلىك تاماشىبىنلارنى ھەيران قالدۇردى. تۈرك ۋارىتار تولگا زەنگىن مادرىد ىقابەت كوماندىسىنىڭ تەرەپتارلىرى ئاتقان ناننى سۆيۈپ پىشانىسىگە تەككۈزگەندىن كېيىن مەيداننىڭ چىتىدىكى ئىگىزرەك بىر يەرگە قۇيۇپ قويغان. ئۇنىڭ بۇ ئەخلاقىي ھەرىكىتى ئىسپانىيەدە 2011-يىلنىڭ ئەڭ تەسىر قىلغان رەسمى بۇلۇپ تاللانغان. مۇسۇلمان پۇتبولچى تولگا زەنگىننىڭ نانغا كۆرسەتكەن ھۆرمىتى غەربنى بەكمۇ ھەيران قالدۇرغان. ھەتتا ئىسپانىيە مەتبۇئاتلىرىدا بۇ توغرىلىق يېزىلغان خەۋەرلەردە: «مەدىنىي غەرب كۆزگە ئىلمىغان ناننى مۇسۇلمان قەدىرلىدى»، «مۇسۇلمان پۇتبولچى ناننى ئالىي مەلۇمات سەۋىيەسىگە ئىگە غەربلىك تەنھەركەتچىلەرنىڭ دەسىسىشىدىن قوغداپ قالدى»، «غەرب ناننى يەرگە ئاتتى، مۇسۇلمان سۆيدى»، «نانغا ھۆرمەت قىلغان مۇسۇلمان پۇتبولچىدىن ناننى خارلىغان مەدىنىي ياۋرۇپاغا ئەخلاق دەرىسى» دىيىلگەن.
تۈرك پۇتبولچى تولگا زەنگىن مۇخبىرنىڭ بۇ ھەقتە سورىغان سۇئالىغا مۇنداق دەپ جاۋاب بەردى: «مۇسابىقىدە بىز كۈچلۈك ئوينىغانسېرى مادرىد رىقابەت كوماندىسىنىڭ تەرەپتارلىرى بىزگە قالايمىقان نەرسىلەر ئېتىشقا باشلىدى. قارىسام ۋارىتانىڭ ئالدىدا نان تۇرىدۇ، چۆچۈپ كەتتىم. ئافرىقىدا ئادەملەر يەيدىغان نان تاپالماي ئۆلۈپ كېتىۋاتسا مادرىدلىقلارنىڭ ماڭا نان ئېتىشىغا ئەجەبلەندىم. نان اللەنىڭ نىمىتى بولغانلىقى ئۈچۈن دەرھال يەردىن ئالدىم، كىچىكىمدە مۇمامنىڭ ئۆگەتكىنىدەك سۆيۈپ پىشانەمگە تەككۈزگەندىن كېيىن دەسسىلىپ كەتمىسۇن دەپ ۋارىتارنىڭ ئارقىسىدىكى ئىگىزرەك بىر يەرگە قۇيۇپ قويدۇم. ئافرىقىدا ئىنسانلار ئاچارچىلىقتا ياشاۋاتسا ياۋرۇپالىقلارنىڭ ناننى خارلىشى مېنى بەكمۇ ئەپسۇسلاندۇردى».
«تۈركىيە تەنتەربىيە سەھىپىسى» مۇنبىرىدىن ئۇيغۇرچىغا تەرجىمە قىلغۇرچى: زىكرۇللاھ
مەنبە:
www.wisalstudio.com/uy ۋىسال سىتۇدىيىسى
★ھۇررا مۇنبىرى
