ئۇيغۇر قىزى ئىدىڭغۇ چىمەن دوپپاڭ بېشىڭدا،
چاچلىرىڭمۇ بەك ئۇزۇن ئەتلەس كۆينەك تېشىڭدا.
بال - ھەسەلدەك سۆزلىرىڭ بار ئىدىغۇ تىلىڭدا،
شۇنچە جاپا - زۇلۇممۇ تەن بېرەتتى قۇلۇڭدا.
سەنچە يوقتى بىر گۈزەل ئۇشبۇ يەتتە ئىقلىمدا.
قوش زىناقمۇ ياراشقان گۈزەل ئايدەك ھۆسنىڭگە،
گۈزەللىكنىڭ بابىدا ئوخشايتىڭغۇ پەرىگە.
خىجىللىقتىن ئايمۇ ھەم كۆچتى بۇلۇت كەينىگە.
ھەيرانە-ھەس قالاتتۇق قاراپ سېنىڭ نازىڭگە.
نى-نى مەرت يىگىتلەرنى لال قىلغانتىڭ ئۆزىڭگە.
مۇھەببەتنىڭ بابىدا سەن ئىدىڭغۇ بىر لەيلى،
بۇلاتتىڭغۇ يارىڭنىڭ مىھرىبان ۋاپادارى.
چىن ئىشقىڭنىڭ ئوتلىرى خۇددى تاغنىڭ ۋولقانى.
كۆرەتتىڭغۇ يارىڭنى شۇ يۈرەكنىڭ سۇلتانى.
بۇلالايتىڭ يارنى دەپ مۇھەببەتنىڭ قۇربانى.
ئۆزۈڭ ئىدىڭ بەك ئوڭلۇق چىچەن ھەمدە ئەقىللىق،
سەن بولغاچقا قاقاسلىق بۇلاتتى بىر گۈزەل باغلىق .
ئەقلىڭگىمۇ ماس يەنە بار ئىدىغۇ چاققانلىق .
قارنى-كۆكسىڭ بىر جاھان خۇددى بىر چىمەنزارلىق.
ئىش-ئەمگەكتە بەزىدە ئوغۇللار بۇلار <<چاغلىق>>.
قاپقارادۇر كۆزلۈرۈڭ، كىرپىكىڭ گۇيا ئوقيا،
بار ئىدىغۇ ئىمانىڭ ھەم يەنە شەرمىي- ھايا.
كۈلسەڭ ئەگەر يۈزۈڭدىن ياغاتتىغۇ نۇر - زىيا.
قارماسلىققا ھەم ساڭا كىمنىڭ بىر كۆزى قىيا.
قاراپ ساڭا مەنمۇ ھەم بۇ كۆزۈم قاچان تۇيا.
مۇھەببەتتىن سۆز ئاچسا قىزىراتتى يۈزلىرىڭ،
خىجىللىقتىن يەرگىلا تىكىلەتتى كۆزلىرىڭ .
گەپ-سۆزمۇ يوق تىپتىنىچ سۈكۈتتىلا تىللىرىڭ،
خۇددى سۈتتەك ئاپئاقتى سېنىڭ شۇ ساپ دىللىرىڭ.
شۇنىڭ بىلەن بىلىنەتتى سېنىڭ ماڭا كۆيگىنىڭ .
ۋەتەن-خەلق ئانىسى ئىدىڭ بۈشۈكىڭگە بۈلىگەن،
نامىزىڭدا ھەر قاچان ئامانلىقنى تىلىگەن.
رىزىۋانگۈل بوپ جەڭلەردە يارىدارلارنى يۆلىگەن،
نۇزۇگۇم بوپ ھەم يەنە ئازاتلىقنى كۈيلىگەن.
سەنچە يوقتى بىر ئىنسان بۇنداق بەدەل تۆلىگەن.
ئەمدى قاراپ تۇرقىڭغا گۇمان قىلدىم سېنىڭدىن ،
ئوخشىماپسەن ئۆزىڭگە پەرقىڭ يوقكەن مايمۇندىن،
دوپپاڭ بىلەن كۆينىگىڭ چۈشۈپتىغۇ تېنىڭدىن،
ئېچىۋاپسەن يۇتاڭنى تاكى تارتىپ كىندىكدىن
كىيىۋاپسەن تار ئىشتان تاسماڭ چۈشكەن بىلىڭدىن .
ئىچىپسەنغۇ ھاراقنى تاماكىمۇ قۇلۇڭدا
ئۆتىدىكەنغۇ شۇ كۈنىڭ تانسا، دىسكو، دىبادا.
پۇلنى دەپلا بەزىدە ئولتۇرسەنغۇ يازودا،
بازار ئاشتىڭ ھەم يەنە كىرىپ ئاشۇ ۋاڭبادا،
نىمە باركىن بىلمىدىم سېنىڭ قاپاق كاللاڭدا.
چۈشمەيدىكەن سېغىزىڭ ئېغىزىڭدىن ھەر قاچان،
كىرمەي يەنە ئۆيىڭگە تېپىۋاپسەن ھەر ماكان.
پۇلى بارلارنى قۇيۇشقۇ ئويلايدىغىنىڭ ھەر زامان،
ئېچىنمامسەن ھەي!قىزچاق ياشلىقىڭ بولسا خازان.
داۋاملاشسا بۇ ئىشىڭ بۇلسەن بىر كۈنى ۋەيران.
سەندەك سېسسىق تۇزانلار ساپ ھاۋانى بۇلغايدۇ،
داشقال! دەپلا بۇجەمئىيەت سەندەكلەرنى شاللايدۇ.
ئوغۇللارمۇ بۇندىن كىيىن سەن شەيتانغا ئازمايدۇ،
بىلىپ قالغىن بۇندىن كىيىن نايناقلىغىڭ ئاقمايدۇ.
بۇ سوداڭنى توختاتقىن ئەمدى بازار تاپمايدۇ.
خىجىل بولماي دەيسەنغۇ ئۇ دىگەن مانچىنچىسى،
ئالدانغاندۇر بىزلەردىن قانچەئونلار- قانچىسى.
مۇھەببەتتە ئالدامچى بۇلىۋالدىڭ قويمىچى،
پۇلنى دەپلا بەزىدا بولدىڭغۇ بىر تىلەمچى.
ھىلگەرلىكتەسەنچىلىك يوقتۇر جاھاندا بىر پالچى.
ئۆزگەردىڭسەن ئادەمدىن ئادەم سۈپەت ھايۋانغا،
ئاكاڭغىمۇ ياندىڭسەن تىل تەككۈزدىڭ ئاناڭغا.
ئۆزىڭ بىلەن كەتمىدى بارچە كەلدى داداڭغا،
بۇزۇق نامىڭ تارالدى پۈتۈن مەھەللە جاھانغا.
بۇ گەپلەرمۇ ھار كەلمەس سەندەك يۈزى قېلىنغا.
بىلىپ يۈرگىن ئۆزىڭنى بۈدرە قىلما چېچىڭنى ،
ئەسلىڭگىمۇ قايىتقىن كىيىپ يۇرگىن كىيمىڭنى.
كۆرسەتمىگىن كىندىكنى ھەمدە يەنە بىلىڭنى،
باشلىۋالغىن ئەتگەندە ئوقۇيدىغان نامزىڭنى.
گەر بولمىسا ئاخىرى تارتىپ قالسەن زىينىڭنى.
سۆز قىلساڭمۇ تۈز گەپ قىل ئۇيغۇرچىنى ساپ سۆزلە،
ئاڭلىغىن سەن بۇسۆزنى سەندەكلەر بىلەن بىللە.
ئۇيغۇرغۇ ئاتا-ئاناڭ ھەم سەن بىلەن بىزلە،
شۇڭا دەيمەن <<ياڭزاڭ>> نى قوي ساپلىقنى كۆزلە.
گەر ئۇچراتساڭ شۇلارنى مەندەكلا تۈزلە.
ياتلار ئەمەس سەن ئۇندا تىرنىقىڭنى ئۆستۈردىغان،
كۇچا-كوينى ھۇجرا دەپ خالىغىنىنى قىلىدىغان.
دوراپ ئاشتىڭ ئۇلارنى قالمىدىغۇ قىلمىغان.
بۇلىۋالدىڭ قىز لۈكچەك ئوغۇللارنى سوقىدىغان،
قوقماي تۇرۇپ ھەم يەنە پالتا- پىچاق تىقىدىغان .
بىلىپ قالغىن ئەي!قىزچاق ئەسلى ۋەسلىڭ ئۇيغۇردۇر،
ئەجدات بۇۋاڭ يىلتىزىڭ ئۇلۇغ سۇلتان ئۇغۇزدۇر.
سېنىڭ قىممەت بايلىقىڭ ئەدەپ-ئەخلاق ئىماندۇر،
شانى-شۆھرەت قىممىتىڭ ئەقىل- ئىدراك بىلىمدۇر.
شۇندا بارچە خەلقىڭمۇ سەندەك قىزغا قايىلدۇر.
مەن جەمئىيتىمىزدىكى ئايرىم ساندىكى ناچار قىزلارغا قارىتا بۇ گەپلەرنى قىلىپ قويدۇم ،،،خاتا كەتكەن جايلار بولسا تۈزۈتۈپ قۇيارسىلەر،،،،،،
