شىنخۇا تورىنىڭ 14- دىكابىر خەۋىرى  ئامېرىكا زۇڭتۇڭى ئوباما 14- دىكابىر، ئەڭ ئاخىرقى بىر تۈركۈم ئامېرىكا ئەسكەرلىرىنىڭ مۇشۇ بىر نەچچە كۈن ئىچىدە ئىراقتىن ئايرىلىدىغانلىقىنى، بۇنىڭ بىلەن 9 يىلغا سوزۇلغان ئىراق ئۇرۇشىنىڭ رەسمىي ئاخىرلىشىدىغانلىقىنى ئېلان قىلدى.

ئوباما ئاشۇ كۈنى، شىمالى كارولىنا شتاتىدىكى ھەربىي ئىشلار بازىسىدا  سۆزلىگەن نۇتىقىدا نۇتىقىدا، ئامېرىكا قوشۇنلىرىنىڭ ئىراقتىن چېكىنىپ چىقىشىنىڭ" تارىخىي پەيت" ئىكەنلىكىنى بىلدۈردى ، ھەمدە ھەربىي قىسىمنىڭ باش قوماندانى نامىدا، ئاللىقاچان چېكىنىپ چىققان ھەمدە چىكىنىش ئالدىدا تۇرىۋاتقان ئامېرىكا ئەسكەرلىرىنىڭ "ئۆيگە" قايتقانلىقىنى قارشى ئالىدىغانلىقىنى بىلدۈردى.
يېقىنقى بىر نەچچە ئايدىن بىرى، ئامېرىكا ئەسكەرلىرىنىڭ ئىراقتىن چېكىنىپ چىقىشىغا مۇناسىۋەتلىك ئاخىرقى خىزمەتلەر ئاساسىي جەھەتتىن تاماملانغان بولۇپ، نەچچە ئونلىغان ھەربىي ئىشلار بازىسى تاقالغان ياكى ئىراققا ئۆتكۈزۈپ بېرىلگەن، مىڭلىغان، ئونمىڭلىغان ئۇسكۈنىلەرمۇ ئىراقتىن يۆتكەپ چىقىلغان بولۇپ، ئەڭ ئاخىرقى بىر تۈركۈم ئامېرىكا ئەسكەرلىرىمۇ، مۇشۇ بىر نەچچە كۈن ئىچىدە ئىراقتىن چېكىنىپ چىقىدىكەن.
ئوباما مۇنداق دېدى: ئىراقنىڭ كەلگۈسى ئۇنىڭ خەلقىنىڭ قولىدا،  ھازىر ئىراقنى ھەممە جەھەتتىن ئىنتايىن ياخشى دەپ كېتىشكە بولمايدۇ، لېكىن ئامېرىكا بىر مۇستەقىل بولغان ، تىنىچ،ئۆز كۈچىگە تايىنىپ مەسىلىلەرنى ھەل قىلالايدىغان ئىراقنى ۋە خەلق سايلىمى ھۆكۈمىتىنى قالدۇرۇپ كەتتى. ئوباما يەنە ئامېرىكىنىڭ ئىراق بىلەن بىر يېڭى ھەمكارلىق مۇناسىۋىتى قۇرىدىغانلىقىنى تەكىتلىدى.
ئوباما، ئىراق ئۇرۇشى باشلانغان ۋاقىتتىلا ئامېرىكىنىڭ دۆلەت ئىچىدە بەس مۇنازىرە قوزغىغانلىقىنى  ئېتراپ قىلدى. گەرچە قوشۇننى تارقىتىۋېتىشنى قوللايدىغان ئامېرىكىلىقلارنىڭ سانى كۆپ سانلىقنى ئىگەللىسىمۇ، لېكىن جۇمھۇرىيەتچىلەر ئوبامانى قاتتىق تەنقىدلەپ، مۇشۇنچىلىك كۆپ مەبلەغنى سەرپ قىلىپ، ھەمدە شۇنچە كۆپ ئۆلۈپ يارىلىنىشلارنى باشتىن كەچۈرگەندىن كىيىن، ئىراقتىن قوشۇنلارنى بەك تىز تارقىتىۋېتىشنىڭ ئامېرىكىنىڭ دۆلەت بىخەتەرلىكىگە تەھدىت ئېلىپ كېلىدىغانلىقىنى بىلدۈرگەن.
ئوبامانىڭ دېيىشىچە، ئامېرىكىدىكى داڭلىق تارىخشۇناسلار ۋە قارار چىقارغۇچىلار ئىراق ئۇرۇشىنىڭ ئۇرۇش تەجرىبىلىرىنى داۋاملىق تەتقىق قىلىدىكەن، چۈنكى بۇ ئىنتايىن مۇھىم بولغان بىر تۈرلۈك خىزمەت ئىكەن. ئىراق ئۇرۇشىنىڭ ئامېرىكىغا بەرگەن ئەڭ مۇھىم دەرسى بولسا، پەقەت ئىتتىپاقلاشقاندىلا، ئاندىن ئامېرىكىلىقلارنىڭ ھەر قانداق ئىشنى ھەل قىلالايدىغانلىقى ئىكەن.
ئوباما نۇتىقىدا يەنە ، ئامېرىكا قوشۇنلىرىنىڭ ئىراق ئۇرۇشى جەريانىدا كۆپ قۇربانلىقلارنى بەرگەنلىكىنى بىلدۈردى. 9 يىلغا سوزۇلغان ئىراق ئۇرۇشى جەريانىدا 1.5 مىليوندىن ئارتۇق ئامېرىكا ئەسكىرى ئىراقتا ۋەزىپە ئۆتىگەن بولۇپ، بۇنىڭ ئىچىدە 30 مىڭدىن كۆپ كىشى يارىدار بولغان، 4500 ئامېرىكىلىق قۇربان بولغان .

 

 http://news.sina.com.cn/w/2011-12-15/082123635657.shtml

[ بۇ يازمىنىＤＯＳＴ 2011-12-16 13:02قايتا تەھرىرلىدى ]