دېكابىر 04—ئەبۇ ھۈرەيرە رەزىيەللاھۇ ئەنھۇ پەيغەمبەر سەللەللاھۇ ئەلەيھى ۋەسەللەمنىڭ مۇنداق دېگەنلىكىنى رىۋايەت قىلىدۇ :
« قىيامەت يېقىنلاشقانسىرى ، مۇسۇلماننىڭ چۈشى ئاساسەن راسىتقا چىقىدۇ ، سىلەرنىڭ چۈشى راسىتقا چىقىدىغىنىڭلار راسىت سۆزلەيدىغىنىڭلاردۇر . مۇسۇلماننىڭ چۈشى پەيغەمبەرلىكىنىڭ 45 پارچىسىنىڭ بىرىدۇر . چۈش مۇنداق ئۈچ تۈرلۈك بولىدۇ : بىرى ياخشى چۈش بولۇپ ، ئاللاھ تىن بېشارەتتۇر . يەنە بىرى يامان چۈش بولۇپ ، شەيتاندىندۇر . ئۈچىنچىسى ، كىشى ئويلاپ ياتقان ئىشنى چۈشىدە كۆرىدۇ . كىمكى يامان چۈش كۆرسە، ئورنىدىن تۇرۇپ ناماز ئوقۇسۇن ۋە چۈشىنى باشقىلارغا سۆزلەپ بەرمىسۇن . » .
( مۇسلىم : 2263 )
ئەبۇ قەتادە رەزىيەللاھۇ ئەنھۇ پەيغەمبەر سەللەللاھۇ ئەلەيھى ۋەسەللەمنىڭ ساھابىلىرىدىن ۋە ئاتلىق سەركەردىلىرىدىن بىرى بولۇپ ، ئۇنىڭ پەيغەمبەر سەللەللاھۇ ئەلەيھى ۋەسەللەمدىن مۇنداق دېگەنلىكىنى رېۋايەت قىلىنغان :
ياخشى چۈش ئاللاھ تەرەپتىن يامان چۈش شەيتان تەرەپتىن بولىدۇ . كىمىكى يامان چۈش كۆرۈپ قالسا ، سول تەرپىگە تۈكۈرۋەتسۇن . ئاللاھ قا سېغىنىپ ئۇنىڭ شەررىدىن پاناھ تىلىسۇن . شۇندىلا يامان چۈش ئۇنىڭغا زىيان يەتكۈزەلمەيدۇ » .
( بۇخارى 7005 )
ئەبۇ ھۈرەيرە رەزىيەللاھۇ ئەنھۇدىن مۇنداق رىۋايەت قىلىنىدۇ : پەيغەمبەر ئەلەيھىسالام :
-پەيغەمبەرلىكتىن پەقەت خۇش بېشارەتلا قالدى ، – دېگەنىدى ، ساھابىلەر :
-ئى رەسۇلۇللاھ ! خۇش بېشارەت دېگەن نېمە؟ -دەپ سورىدى . پەيغەمبەر ئەلەيھىسالام :
-ياخشى چۈش ، – دەپ جاۋاب بەردى .
( بۇخارى 6990 )
ئىبنى ئۆمەر رەزىيەللاھۇ ئەنھۇدىن رىۋايەت قىلىنىدۇكى : پەيغەمبەر سەللەللاھۇ ئەلەيھى ۋەسەللەم مۇنداق دېگەن :
« چۈشىدە كۆرمىگەن نەرسىنى كۆردۈم دەۋېلىش ئەڭ چوڭ يالغانچىلىقتۇر » .
( بۇخارى : 7043 )
ئەبۇ سەئىد خۇدرى رەزىيەللاھۇ ئەنھۇ پەيغەمبەر سەللەللاھۇ ئەلەيھى ۋەسەللەمنىڭ مۇنداق دېگەنلىكىنى رېۋايەت قىلىدۇ :
« كىمكى مىنى چۈشىدە كۆرسە ، مىنى راسىتىنلا كۆرگەن بولىدۇ ، چۈنكى شەيتان مېنىڭ شەكلىمگە كىرەلمەيدۇ » .
( بۇخارى : 6997 )
- جابىر رەزىيەللاھۇ ئەنھۇدىن رىۋايەت قىلىنىدۇكى ، پەيغەمبەر سەللەللاھۇ ئەلەيھى ۋەسەللەم مۇنداق دېگەن :
« كىمكى مېنى چۈشىدە كۆرسە ، ھەقىقەتەن مىنى كۆرگەن بولىدۇ . چۈنكى ، شەيتان مېنىڭ سۈرىتىمگە كىرەلمەيدۇ . بىرىڭلار يامان چۈش كۆرۈپ قالسا ، ئۇيقۇدىكى چاغدا شەيتاننىڭ ئۇنى ئاۋارە قىلىپ ئوينىغانلىقىنى ھېچكىمگە دەپ يۇرمىسۇن » .
( مۇسلىم : 2268 )
مۇھەممەد ئىبنى قەيىستىن رىۋايەت قىلىنىدۇكى ، بەزى ساھابىلەر ئۇنىڭغا مۇنداق سۆزلەپ بەرگەن : سۈت دىن ، كېمە نىجاتلىق ، تۆگە غەم – قايغۇ ، يېشىللىق جەننەت ، ئايال كىشى ياخشىلىقتۇر .
( دارىمى 2155 ) مەنبە = تەسنىم بىلوگى
