ئامېرىكا روسىيەنىڭ تىنچلىق نامايىشىنى قوللايدىغانلىقىنى جاكارلىدى
مەنبە.ئوكيان تورى
يەرشارى تورىنىڭ خەۋەر قىلىشىچە، روسىيە ئاخبارات ئاگېنتلىقىنىڭ 8-دېكابىردىكى خەۋىرىگە قارىغاندا، ئامېرىكا دۆلەت مەھكىمىسىنىڭ باياناتچىسى داننا ئامېرىكىنىڭ روسىيىنىڭ تىنچىلىق نامايىشىنى ئۆز ئىچىگە ئالغان دۇنيانىڭ ھەر قايسى جايلىرىدىكى خەلق ئاممىسى ئېلىپ بارغان تىنچلىق نامايىشلىرىنى قوللايدىغانلىقىنى جاكارلىدى.
داننانىڭ بايان قىلىشىچە، ئامېرىكا بۇندىن بۇرۇنقى باياناتىدا دېيىلگىنىدەك، ئامېرىكا دۇنيانىڭ ھەر قايسى جايلىرىدىكى ئامما ئېلىپ بارغان تىنچ نامايىش قىلىش ھوقۇقىنى قوغدايدۇ، ئەلۋەتتە، روسىيەمۇ بۇنىڭ سىرتىدا ئەمەس.
تاراتقۇلارنىڭ ئىلگىرىكى خەۋىرىگە ئاساسلانغاندا، موسكىۋا ۋاقتى 5-دېكابىر كەچتە، روسىيىنىڭ دۇما سايلىمى ئاخىرلاشقاندىن كېيىن، تەخمىنەن 5000 دىن ئارتۇق نامايىشچىلار موسكىۋا كوچىلىرىغا چىقىپ، سايلام نەتىجىسىگە ئېتىراز بىلدۈردى. شۇ كۈنكى نامايىشتا ساقچىلار ئالدى-كەينى بولۇپ 300 گە يېقىن نامايىشچىلارنى قولغا ئالدى.
داننا يەنە : « بىز خېلى نامى بار مىكروبلوگ ئابونتىنى ئۆز ئىچىگە ئالغان 100 دىن ئارتۇق كىشىنىڭ قولغا ئېلىنغانلىقىنى ئاڭلىدۇق. بىز ئۆزىنىڭ تىنىچ نامايىش قىلىش ھوقۇقىغا ئاساسەن نامايىش ئېلىپ بارغان خەلق ئاممىسىنىڭ كېيىنكى ئەھۋاللىرىغا داۋاملىق كۆز تىكىمىز» دېگەن. ئۇ ئامېرىكا دۆلەت ئىشلىرى كاتىپى ھىلارىنى ئۆز ئىچىگە ئالغان ئامېرىكا دۆلەت ئەمەلدارلىرىنىڭ بۇ ئىشقا ئىزچىل دىققەت قىلىدىغانلىقىنى ئېيتىپ، روسىيىنى خەلقئارا جەمئىيەتنىڭ بۇ ئىش ھەققىدىكى پىكرىنى قوبۇل قىلىشقا چاقىردى.
ئاخباراتلار بۇندىن بۇرۇن، ھىلارىنىڭ روسىيە سايلىمى ھەققىدىكى تەھدىت ۋە كونتىرول قىلىۋېلىش ھادىسىلىرىنى پاش قىلىش مەزمۇنىدىكى خەۋەرلەرنى تەكشۈرۈپ بېقىش لازىملىقى، روسىيىنىڭ بۇ مەسىلىلەرگە قارىتا مۇۋاپىق ھەرىكەت قوللىنىشى كېرەكلىكى ھەققىدە خەۋەر بەرگەنىدى. ئەمما روسىيە تاشقى ئىشلار مىنىسىتىرلىكى ھىلارىنىڭ روسىيىنىڭ دۇما سايلىمى ھەققىدىكى بۇ تەنقىدىنىڭ ئەمەلىيەتكە ئۇيغۇن ئەمەسلىكىنى جاكارلىدى. (خالىسە ئەھمەد)
كەڭ ساي مۇنازىرە مۇنبىرى » خەلىقئارا خەۋەرلىرى » ئامېرىكا روسىيەنىڭ تىنچلىق نامايىشىنى قوللايدىغانلىقىنى جاكارلىدى 
