ئىسمايىل نۇرۇللا 1957-يىلى قۇمۇلدا تۇغۇلغان.1963-يىلىدىن 1967-يىلىغىچە قۇمۇل شەھەر شەھەرئىچى باشلانغۇچ مەكتەپتە ،1969-يىلدىن 1973-يىلىغىچە قۇمۇل ۋىلايەتلىك 1-ئوتتۇرا مەكتەپتە ئوقۇغان.1973-يىلدىن 1975-يىلىغىچە قۇمۇل شەھەر شەھەر ئىچى يېزىسى چاھارباغ كەنتىدە قايتا تەربىيە ئالغان.
 1975-يىلى10-ئايدىن 1979-يىل 7-ئايغىچە شىنجاڭ ئۇنۋېرسىتىتىنىڭ خېمىيە فاكۇلتىتىدا ئوقۇغان.ئوقۇش پۈتتۈرگەندىن كىيىن فاكۇلتۇتقا ئوقۇتقۇچىلىققا ئېلىپ قىلىنىپ مائارىپچىلىق ھاياتىنى باشلىغان.1982-يىلى3-ئايدىن 1983-يىلى2-ئايغىچە نەنجىڭ ئۇنۋېرسىتىتىدا بىلىم ئاشۇرغان.خىزمەت جەريانىدا ئىزچىل تۈردە ئوقۇتۇش تەتقىقاتىنىڭ بىرىنجى سېپىدە خىزمەت قىلغان ھەمدە شىنجاڭ ئۇنۋېرسىتىتى خېمىيە فاكۇلتىتىنىڭ مۇئاۋىن مۇدىرى،قاتارلىق مەمۇرىي ۋەزىپىلەرنى ئۆتىگەن.1993-يىلى دوتسېنتلىق ئۇنۋانىغا ئېرىشكەن.1997-يىلى 9-ئايدا 40 ياشتىن ئاشقان ئىسمايىل نۇرۇللا  ئىقتىسادىي ۋە باشقا جەھەتلەردىكى قىيىنچىلىقلارنى يېڭىپ،ئامېرىكا ،ئەنگىلىيە ،گېرمانىيە قاتارلىق دۆلەتلەردە چىقىدىغان مۇھىم ئىلمىي ژورناللاردا 10 پارچە ئىلمىي ماقالە ئېلان قىلغان.ئىسمايىل نۇرۇللانىڭ تىرىشچانلىغى ،جاپاغا چىداش روھى ۋە مول تەتقىقات نەتىجىلىرى ياپونىيەدىكى ئوقۇتقۇچى ۋە ئوقۇغىچىلارنى چوڭقۇر تەسىرلەندۈرگەن ۋە ئۇلارنىڭ ھۆرمىتىگە ئېرىشكەن.
2001-يىلى 3-ئايدا دوكتۇرلۇق دىسسېرتاتسىيەسىنى ياقلاپ،ئەلا نەتىجە بىلەن دوكتۇرلۇق ئۇنۋانىغا ئېرىشكەن.ئۇ دەرھال ۋەتەنگە قايتىشقا ئالدىرىغان بولسىمۇ ،ئوقۇتقۇچىسىنىڭ قايتا-قايتا بەرگەن تەكلىپى بىلەن 2001-يىلى 8-ئايغىچە پوستدوكتۇرلۇق بويىچە تەتقىقات بىلەن شۇغۇللانغان.ۋەتەنگە قايتقاندا خىزمەت ئورنىدا ئۈگىنىپ كەلگەن <<پولىمېر ماتېرياللىرى تەتقىقاتى>>تېخى كۈن تەرتىپكە قويۇلمىغانلىقتىن ھەممە ئىشنى نۆلدىن باشلاشقا توغرا كەلگەن.تەشكىلنىڭ قوللىشى ۋە ئۆزىنىڭ قىسقىغىنە نەچچە يىللىق جاپالىق خىزمىتى ئارقىلىق، يېڭىدىن<<پولىمېر ماتېرياللىرى سانائېتى>>،<<ماتېرياللار خىمىيىسى>>قاتارلىق تولۇق كۇرۇس كەسىپلەرنى تەسىس قىلغان.
 ئۇ 2003-يىلدىن بۇيانقى قىسقىغىنە نەچچە يىل ئىچىدە  سەككىز ئاسپىرانت تەربىيەلەپ ،ئىقتىساسلىقلارنى تەربىيەلەشكە تۆھپە قوشقان. ئۇ ياش ئوقۇتقۇچىلارنى تەتقىقات جەھەتتە يېتەكلىگەن ھەمدە ئۆزى تىنماي تەتقىقات بىلەن شۇغۇللىنىپ ،خەلقئارا ۋە دۆلەت ئىچىدىكى نوپۇزلۇق ژورناللاردا 60 نەچچە پارچە سۈپەتلىك ئىلمىي ماقالە ئېلان قىلغان.50 نەچچە خىل پولىمېرنى تۇنجى بولۇپ سېنتىزلىگەن.2003-يىلىدىن ھازىرغىچە دۆلەت دەرىجىلىك تەتقىقات تېمىسىدىن ئىككىگە ،ئۆلكە دەرىجىلىك ۋە كارخانىلارنىڭ يېڭى مەھسۇلاتلىرى تەتقىقاتى قاتارلىق تەتقىقاتلاردىن ئۈچ تۈرگە يىتەكچىلىك قىلىپ ،كۆرىنەرلىك نەتىجىلەرگە ئېرىشكەن. ئىككى مىليون يۈەنگە يېقىن تەتقىقات فوند مەبلىغىگە ئېرىشكەن. ئىسمايىل نۇرۇللا توك ئۆتكىزىدىغان پولىمېرلار ،نەملىك ساقلايدىغان پولىمېرلار ھەمدە نېفىت قېتىملىرى ھەققىدىكى ئىلمىي ماقالىلىرىدىن 20 نەچچە پارچىسى ئامېرىكىدا نەشىر قىلىنىدىغان تەبىئىي پەنلەر مۇجەسسەمى(SCI)  ۋە تېخنىكا پەنلىرى مۇجەسسەمى (EI) گە كىرگۈزۈلگەن.ئۇنىڭ بىر تۈردىكى پاتېنتتى ئىشلەپچىقىرىشقا كىرىشتۈرۈلگەن.
ئىسمايىل نۇرۇللا بۇ نەتىجىلەرگە مۇناسىپ ھالدا 2003-يىلى پىرافېسسورلۇق ئۇنۋانىغا ئېرىشتى.2004-يىل دوكتۇر ئاسپىرانتلار يېتەكچى ئوقۇتقۇچىلىغىغا تەكلىپ قىلىندى. بىز پىرافېسسورنىڭ بۇنىڭدىن كېيىن تېخىمۇ زور نەتىجىلەرگە ئېرىشىشىنى ،سالامەت بولىشىغا تىلەكداشمىز. 
پىرافېسسورنىڭ سۈرىتىنى  توردىن تاپالمىدىم..

كەڭ ساي ئەپەندىم  بارئىكەنسىز  جۇمۇ....

ئىشلىتىش

بۇ مەزمۇن 1قەۋەتتىكى zero903 نىڭ 2011-12-08 20:57 يوللىغان يازمىسىغا نەقىل :
كەڭ ساي ئەپەندىم  بارئىكەنسىز  جۇمۇ....

 بار ئۇكام .. تىرىكچىلىك ئۈچۈن ئات چاپتۇرۇپ يۈدۈق،
كۈندە شۇ مۇنبەرگە كۈز يۈگۈرتۈپ كىم بار كىم يوق يوقلىما قىلىشقىلا ئۈلگىرىۋاتىمەن .

ئىشلىرغا ئۇتۇق تىلەيمەن
----------------------
كەڭسايكام  تۇيۇقسىز پەيدا بوپ قالدىغۇ ،،كەڭسايدا  ،،،،،،سايلام بولمايدىغان دۇ؟