ئەسسالامۇ ئەلەيكۇم!
ھۆرمەتلىك تورداشلار،
بىزنىڭ بىر مۇئەللىم ئۆسۈپ باشلىق بولغان ئىدى. ئۇنى ۋە باشقا بىر قانچە كىشىنى ھۆكۈمەت ئۈرۈمچىنى ساياھەت قىلغىلى ئاپارماقچى بوپتۇ. ئالدىمىزدىكى ھەپتە ئۈرۈمچىگە بارىدىكەن.
ئۈمرىدە ئۈرۈمچىنى كۆرۈپ باقمىغان بۇ مۇئەللىم مەندىن "ئۈرۈمچىدە ئۇيغۇرلارنىڭ قانچە مەسچىدى بار؟ چىركاۋ يوقتۇ؟" دەپ سورىدى.
مەن جاۋاب بېرەلمىدىم. "سوئالىڭىزغا كەڭسايدىكى دوستلىرىمدىن سوراپ جاۋابىنى بېرەي مۇئەللىم" دېدىم.
مەن ئىلگىرى ئۈرۈمچىدە 5 يىل ئوقىغان. نەنمىندىكى خانتەڭرى مەسچىتى، دۆڭكۈۋرۈكتىكى ئاق مەسچىت، يەنە غالىبىيەت كىتابخانىسىغا يېقىن يەردىكى بىر ھەيۋەتلىك مەسچىتتىن (نوغاي مەسچىتى؟) باشقا مەسچىتلەرنى بىلمەيمەن.
نەنمىندە چىركاۋ بارمىش دەپ ئاڭلىغان بولساممۇ، ئەمما ئۇ يەرگە ئۇيغۇرلارنىڭ كىرش كىرمەسلىكىنى بىلمەيمەن.
مۇشۇ ھەقتە بىلىدىغانلار بى ياردەم قىلىۋەتسەڭلار.
رەھمەت!

7-ئورتا تەرەپتە بىر چىركاۋ باغۇ

مەنغۇ كۆرۈپ باقىمغان ھەم ئاڭلاپ باقماپتىكەنمەن.

كورلىدىن قەشقەر گە ماڭغان يول بويىدا بىر چېركاۋ غا ئوخشاش قورۇلۇش قىلىنىۋاتقان ئىكەن.شۇنىمۇ بىلىۋېلىڭ، چېركاۋلانى سۇرۇشتە قىلىۋاتقان ئوخشايىز

ئۈرۈمچىدە مەسجىت بەك كۆپ.  چىركاۋلاردىن بىرنىلا بىلىمەن. 7- ئوتتۇرا تەرەپتە بار،  مەن كۆرگەن.
قىزىلتاغدا بۇتخانا بار.
مەسجىتلەردىن پەقەت مەن ئۆزۈم كىرىپ ناماز ئوقۇپ باققان چوڭراق ئۇيغۇر مەسجىتلىرىنىلا دەي:
ئىتتىپاق مەسجىدى __ شىنجاڭ تېلىۋىزىيە ئىستانسىسىنىڭ قىيپاش ئۇدۇلىدا.  مەن بۇ مەسجىتكە ئەڭ ئامراق.
ئاق مەسجىت __ سەنشىخاڭزىدا.
شىخابا مەسجىدى __ داشىمىن تەرەپتىكى شىخابا كوچىسىدا.
خېيجاسەن مەسجىدى __ شەرقىي ئايلانما بازىرى يېنىدا.
نوغاي مەسجىدى، يەنى ياڭخاڭ مەسجىدى __ يەنئەن يولى بېكىتى يېنىدا.
دۆڭكۆۋرۈك مەسجىدى __ چوڭ بازاردا.
جىگدىلىك مەسجىدى__ يەنئەن باغچىسى ئۇدۇلىدا.
ئىسلام ئىنىستىتۇتى كەينىدىكى مەسجىت.
ئۈچتاش مەسجىدى_ شىنجاڭ ئۇنىۋېرىستىتى ئۇدۇلىدا.
جىدى دەيدىغان يەردىكى مەسجىت، ئىسمىنى بىلمەيمەن.
بەيتۇللا مەسجىدى __ سەنشىخاڭزا ئارقا كوچىسىدا.
قىزىل بايراق مەسجىدى _ قىزىل بايراق كومپىيوتىر بازىرىدا.
يەنە سانىسام خېلى بار. مەن بىلىدىغان چوڭراقلىرى ۋە مەن دائىم بېرىپ تۇرىدىغانلىرى  مۇشۇلار.

چىركاۋنى نىمە قىلىدۇ سۇرۇشتۇرۇپ.يەنئەن باغچىسى كەينىدە  پىروتوستان دىنىنىڭ بىر چىركاۋى بار.بۇرۇن ئورۇسلار سالغان كونا چىركاۋ.نەنمىندىن ئۇچ تاشقىچە مەسجىد دىگەن خىلى بار. نەنمىدىن چوڭ بازارغىچە 11 دەك مەسجىد بارغۇ دەيمەن.

بىزنىڭ مەھەللىدە  چېركاۋدىن بىرسى بار ، گوڭيۇئەن ئولتۇراق رايۇنىنىڭ ئۇدۇلىدا ، كەلسەڭلار مەن كۆرسۈتۈپ قوياي ،
مەسچىتنىڭ جىقلىغىدا ساناپ باقماپتىمەن ،ئىش قىلىپ ھەر يەر -ھەر يەردە ئۇچراپ تۇردۇ ، ناماز قازاسىدىن ئەنسىرەش كەتمەيدۇ .

لىيۇداۋان تەرەپتە بىر چىركاۋنى كۆرگەن ئىدىم..

مەسجىدلەر  كۆپ لىكىن يقىندىكى مەسجىدلەرنىڭ ئىسمىنى بىلگەن بىلەن يىراقىتىكىلەرنىڭ ئورنىنى بىلىگەن بىلەن ئىسمىنى بىلمەيمىز   ئۇنىڭ ئۇستىگە ئۇرۇمچى دىگەن چوڭ شەھەر بىز بىلمەيدىغان نۇرغۇن مەسجىدلەر بار  ئەڭ ياخشىسى ئۇرۇمچىدىكى ئىماملار بىلەن تۇنىشىدىغانلەر سوراپ باقساڭلەر ئىماملار قانچە مەسجىد بار ھەممىنى بىلدۇ  ئاسانراق بولىدۇ
بۇنى سوراپ نىمە قىلىتىكى ئۇ مۇئەللىم   دىنى ئىشلار ئىدارىدىكىلەردىن بىلەك ھېچكىم ئۆز شەھەرىدىكى مەسجىد لەرنىڭ سانىنى بىلمەيدۇ

ياشلار باغچىسى ئەتراپىدىمۇ بىر چىركاۋ بار،