30 سېكونت ئىچىدە ھېق تۇتۇشنى توختىتىش ئۇسولى
ھېق تۇتۇشنىڭ داۋاملىشىش ۋاقتى بەزىدە ئۇزۇن ، بەزىدە قىسقا بولىدۇ . قىسقا بولغاندا بىر قانچە مىنۇت ، بىر قانچە سائەت بولىدۇ . ئۇزۇن بولغاندا بىر قانچە كۈنگە يېتىدۇ ، ھەتتا بىر قانچە ھەپتىدىن ئېشىپ كېتىدۇ . ھېق تۇتۇش ئادەمنى بەكمۇ بىزار قىلىدۇ .
20نەچچە يىلدىن بۇيان ، بەزىلەر تۆۋەندىكى ئۇسۇلنى قوللىنىپ ، 100دىن ئارتۇق كىشىنى داۋالاپ ، كېسىلىنى ئۈزۈل- كېسىل ساقايتقان . تۆۋەندىكى ئۇسۇلنى سىناپ كۆرۈپ باقسىڭىز پايدىسى تېگىپ قالار .
ھېق تۇتقۇچىنى ئولتۇرغۇزۇپ ياكى ئوڭدىسىغا ياتقۇزۇپ قولىنى تەبىئىي ھالدا بەدەننىڭ ئىككى يېنىغا قويغۇزۇپ ، روھىي جەھەتتىن ئۆزىنى ئەركىن - ئازادە تۇتۇش تەلەپ قىلىنىدۇ . ياردەملەشكۈچى باش بارمىقى بىلەن ، ھىق بولغۇچىنىڭ ئىككى چېكىسىنىڭ ئويمان يېرىنى بېسىپ تۇرۇشى ، شۇنىڭ بىلەن بىرگە ئۇنى چوڭقۇر نەپەسلەندۈرۈش كېرەك . مۇشۇنداق قىلغاندا ، 30 سېكونتتىن بىر مىنۇتقىچە ئارىلىقتا ھېق تۇتۇش توختايدۇ .
..............<< پەن ۋە تۇرمۇش >>دىن ...........................
