بۇرۇن بىر ماگىزىن ئېچىلغان ئىكەن. ئاياللار بۇ ماگىزىندىن ئۆزلىرىگە ئەر تاللىۋالسا بولىدىكەن. كىرىش ئېغىزىغا بۇ ماگىزىننىڭ تۆۋەندىكىدەك قائىدە- تۈزۈملىرى يېزىلغان ئىكەن. سىز پەقەت بىر قېتىملا بۇ ماگىزىنغا كىرسىڭىز بولىدۇ.
بۇ ماگىزىن 6 قەۋەت، قەۋەت سانى ئاشسا ئەرلەرنىڭ سۇپىتىمۇ يوقۇرلايدۇ.
سىز ئۆزىڭىز خالىغان قەۋەتتىن ئەر تاللىۋالسىڭىز بولىدۇ.
يوقۇرىغا
چىققاندىن كىيىن تۆۋەنگە چۈشۈشكە بولمايدۇ. بىر ئايال بۇ ماگىزىنغا كىرىپ ئۆزىگە ھەمرا تاپماقچى بوپتۇ.1- قەۋەتتىكى ئەرلەر: خىزمىتى بار ئەرلەر. ئۇ ئايال دەرھال 2- قەۋەتكە مېڭىپتۇ.
2- قەۋەتتىكى ئەرلەر: خىزمىتى بار ھەمدە بالىنى ياخشى كۆرىدىغان ئەرلەر. ئۇ ئايال دەرھال 3- قەۋەتكە مېڭىپتۇ. 3- قەۋەتتىكى ئەرلەر: خىزمىتى بار، بالىنى ياخشى كۆرىدۇ، ئىنتايىن كىلىشكەن. بۇ ئايال كۆڭلىدە ئەمدى ياخشى بولدى دەپ خوش بولۇپتۇ-يۇ، بىراق يەنىلا 4- قەۋەتكە مېڭىپتۇ.
4 - قەۋەتتىكى ئەرلەر: خىزمىتى بار، بالىنى ئىنتايىن ياخشى كۆرىدۇ، كېلىشكەن، ئائىلىگە بەك كۆڭۈل بۆلىدۇ. ئۇ ئايال ئەمدى كۆڭلۈمدىكىنى تاپتىم دەپ ئويلاپتۇ، بىراق تۇرۇپ كېتىپ يەنىلا 5- قەۋەتكە چىقىپ باققۇسى كەپتۇ.5- قەۋەتتىكى ئەرلەر: خىزمىتى بار، بالىنى ئىنتايىن ياخشى كۆرىدۇ، كېلىشكەن، ئائىلىگە بەك كۆڭۈل بۆلىدۇ، ئىنتايىن رومانتىك. ئۇ ئايال ئەمدى مۇشۇ قەۋەتتىن لايىق تاپاي دەپ ئويلاپتۇ-يۇ، يەنە 6- قەۋەتكە چىققۇسى كىلىپ مېڭىپتۇ.
6 - قەۋەتكە چىققاندىن كىيىن : < سىز 369856- بولۇپ بۇ يەرگە چىققان ئايال، بۇ قەۋەتتە ئەرلەر يوق > دىگەن تاختاينى كۆرۈپتۇ.
بۇ قەۋەتنىڭ مەۋجوت بولۇشى شۇنى ئىسپاتلايدۇكى: ئاياللارنىڭ رازى بولۇشى ئەسلا مۇمكىن ئەمەس.
مەنبە:تەرمىلەر ژورنىلى
ھايۋانلاردىكى قانائەت؛
بۇرۇن بىراۋ ھايۋانلارنىڭ تىلىنى بىلىدىكەن، ئۇ ھويلىسىدا ئولتۇرسا ھايۋانلارنىڭ گېپى قۇلىقىغا كىرىپ قاپتۇ !
كالا ھەلەپ يېگەچ ئېشەككە قاراپ دەپتۇ: ئىي ئاللاھ ،مېنى ئىشەك قىلىپ ياراتماي، كالا قىلىپ ياراتقىنىڭغا مىڭ مەرتىۋە شۈكرى ئېيتىمەن ! - ئىشەك بۇ گەپنى ئاڭلاپ، قويغا قاراپ دەپتۇ: ئاھ خۇدا! ساڭا شۈكرى، مېنى ھېلىمۇ قوي قىلىپ يارىتىپ قويماپسەن!
قوي توخۇغا قاراپ دەپتۇ: ئەي خۇدا، مېنى توخۇ قىلىپ ياراتماي، قوي قىلىپ ياراتقانغا مىڭ شۈكرى
توخۇ بۇ گەپنى ئاڭلاپ ، كېرلىپ تۇرۇپ: ئاللاھ ! مېنى مۈشۈك قىلىپ ياراتماي ، توخۇ قىلىپ يارىتىپسەن، مىڭ شۈكرى
بۇ گەپنى مۈشۈك ئاڭلاپ قېلىپ، باغلاقلىق تۇرغان ئىتقا قاراپ دەپتۇ: ئاھ ئاللاھ، مېنى ئىشت قىلىپ ياراتماي مۈشۈك قىلىپ ياراتقانغا مىڭ شۈكرى!
بۇ گەپ ئىتنىڭمۇ قىلىقىغا يېتىپتۇ ۋە دەپتۇ: خۇدا ، مېنى چوشقا قىلىپ ياراتماي ئىت قىلىپ ياراتقىنىڭغا رەھمەت !
چوشقا ئىتنىڭ گېپىنى ئاڭلاپ خورتۇلداپتۇ: ئاھ ئاللاھ ! ئۇلۇغ تەڭرىم ! مېنى ئادەم قىلىپ يارىتىپ قويماي، چوشقا قىلىپ ياراتقنىڭغا مىڭ شۈكرى!
