ئەسسالامۇ ئەلەيكۇم!

جىسمانىي كېسەللەرنى داۋالاشنىڭ باسقۇچلىرى:
شەخىس كېسەل بولغاندا:
كېسەلنى بايقاش
نېمە كېسەل ئىكەنلىكىگە دئاگىنوز قويۇش
كېسەلنىڭ سەۋەبىنى، مەنبەسىنى تېپىپ چىقىش
كېسەلنىڭ دورىسىنى، شىپاسىنى تېپىپ چىقىش
كېسەلنىڭ ئادەمگە يەتكۈزىدىغان زىيىنىنى بىلىش
بىمارغا ئۇنىڭ كېسەل بولغانلىقىنى، داۋالاش كېرەكلىكىنى ئېيتىش
بىمارغا كېسەلنىڭ زىيىنىنى ھېس قىلدۇرۇش
بىمارنى داۋالاشنى قوبۇل قىلىشقا ماقۇل قىلىش
كېسەلگە تۈپ يىلتىزىدىن شىپا بولىدىغان  دورىلارنى ئىشلىتىش
ئاللاھتىن شىپالىق تىلەش
ئىنشائاللاھ، ئاللاھنىڭ رەھمىتى بىلەن كېسەل ئاخىرى ساقايدى.
بىر يۇرتقا يوقۇملۇق كېسەل تارقالغان بولسا:
ئۈستىدىكى باسقۇچلارنى بىجىرىش بىلەن بىرگە
يوقۇملارغانلارنى ئايرىۋېتىش
شۇ يۇرتتىكى كىشلەرنى باشقا يۇرتقا چىقارماسلىق، باشقا يۇرت كىشلىرىنى بۇ يۇرتقا كىرگۈزمەسلىك
يۇقىرىدىكىدەك قىلغاندىلا، كېسەلنىڭ تارقىلىپ كېتىشىنى كونتىرول قىلغىلى بولىدۇ.  بۇ  رەسۇلۇللاھنىڭ ھەدىسىدە كۆرسىتىلگەن. ئەمما، بۇنداق  قىلىش ئۈچۈن شۇ يۇرتنىڭ رەھبىرى  بۇ ئىشقا ئارىلىشىشى، پۇقرالارنىڭ ئۆزى خالىغانچە سەپەرگە چىقىشىنى چەكلىشى... كېرەك بولىدۇ. بۇ ئىشلار ھوقۇقنى ئىشقا سېلىش ئارقىلىقلا ھەل بولىدۇ.
جىسمانىي كېسەللەرنى داۋالايدىغان دوختۇرخانىلارغا قارايدىغان بولساق:
ئومۇمەن، يۇقىرىدىكى باسقۇچلارنىڭ ھەممىسىنى بىرلا دوختۇر ئورۇنداپ كېتەلمەيدۇ.  بىر دوختۇر كېسەلنى تېپىپ چىققان بولسا، يەنە بىر دوختۇر دورىنى تەتقىق قىلىپ چىقىدۇ، يەنە بىر دوختۇر كېسەلنىڭ رىتسىپىنى يازىدۇ. رىتيەنە بىر دوختۇر بىمارنى داۋالايدۇ.  يۇقىرىدىكىدەك  ئەھۋالنى ھەمىشە بېشىمىزدىن ئۆتكۈزۈپ تۇرساقمۇ، ھىچقايسىمىز: « نىمىشقا  مېنى باشتىن ئاخىر بىرلا دوختۇر داۋالىمايدۇ؟  نىمىشقا بىرلا دوختۇر داۋالىيالمايدۇ؟ ئۇنداق ئادەم دوختۇر بولغۇچە ئىشىنى قىلسۇن» دېمەيمىز. ئەمەلىيەتتە،  بۇنداق دېيىشىمىز تولىمۇ بىمەنىلىك.

سېلىشتۇرما:

بىر ئادەمنىڭ مەنىۋىيىتى كېسەلگە مۇپتىلا بولغاندا:
بىمارنىڭ ئىدىيىسىدىكى، ئىش ھەرىكىتىدىكى ئازغۇنلۇقنى تېپىپ چىقىش
توغرا ئىدىيە-پىكىرنى ۋە بۇ بىماردىكى ئازغۇنلۇقنى يوقىتىشنىڭ چارىسىنى تېپىش
بىمارنىڭ خاتا ئىدىيىسىنى، خاتا ئىش ھەرىكەتلىرىنى پاش قىلىش،
بۇ خاتالىقلارنىڭ زىيىنىنى ھېس قىلدۇرۇش
توغرا پىكىرنى يەتكۈزۈش
بۇپىكىرنى قوبۇل قىلىپ، ئىلگىرىكى ئازغۇنلۇقلاردىن چېكىنسە قانداق مەنپەئەت بار ئىكەنلىكىنى ھېس قىلدۇرۇش
بۇ دورىنى مۇۋاپىق مىقداردا ئۈزۈلدۈرۈپ قويماي بېرىش.
ئەگەر بىمار مەنىۋىي كېسەلدىن مانا مۇشۇنداق قۇتۇلسا، ئاللاھ خالىسا ئۇ ئازغۇنلۇققا ھەرگىز ماڭمايدۇ.

روھىيىتى بۇلغانغان بىر ئىنساننى  يۇقىرىدىكىدەك باسقۇچلار ئارقىلىق  توغرا يولدىكى يېپيېڭى بىر ئادەمگە ئۆزگەرتىش مۇمكىن.
بىر ئۈممەت ئىچىدىكى مىڭلىغان ئىنساننىڭ مەنىۋىيىتى چىركىنلەشكەندە(مەنىۋىي ۋابا تارقالغاندا):
ئۇنى تۈپتىن ھەل قىلىشنىڭ چارىسى بۇ ۋابانىڭ تارقىلىشىنى كونتىرول قىلىشتۇر.  سىرتتىن كېلىۋاتقان ۋابانى توسۇش، ۋابا يۇققانلارنى مەخسۇس داۋالاش،  جەمئىيەتتە ۋابانىڭ زىيىنىنى تەشۋىق قىلىش، ۋاباغا قارىتا مۇداپىئەلىنىدىغان تۇيغۇنى ھاسىل قىلىش ئارقىلىقلا بۇ كېسەلدىن قۇتۇلغىلى بولۇش مۇمكىن. ئەمما،  بۇنى  بىر، ئون ياكى نەچچە يۈز شەخىس ئورۇندىيالمايدۇ. يۇقىرىدىكىدەك ئىشلارنى ئورۇنداش،  ۋابانى كونتىرول قىلىش ئۈچۈن كۈچ- قۇۋۋەت، ھاكىملىق بولۇشى كېرەك.  مانا بۇ ئۈممەتتىكى كېسەلنى يىلتىزىدىن يوق قىلىشنىڭ ئۈنۈملۈك چارىسى.

شەخىسنى ئىسلاھ قىلىشتا، ئەڭ ئاۋۋال ئىمان چۈشەنچىسىنى ھاسىل قىلىش ۋە مۇستەھكەملەش كېرەك:
ئادەمنى بىر دەرەخكە ئوخشاتساق:

دەرەخنىڭ غولى ئۇنىڭدىكى ئىمان قۇۋۋىتىدۇر. ياندىن ئۆسۈپ چىقىۋالغان ھارام شاخچىلار ئۇ سادىر قىلىۋاتقان بىدئەت ئىشلار، ئەقىدىسىگە زىت بولغان ئىشلار...دۇر.
ئەگەر دەرەخنىڭ غولى توم بولسا ھارام شاخلار تەرەققىي قىلالمايدۇ،  ئۇشاخلارنى چاتىۋەتسىمۇ دەرەخكە زەرەر يەتمەيدۇ، بەلكى غول تېخىمۇ كۈچلىنىدۇ.  ئەگەر دەرەخنىڭ غولى ئۆسمەي  ياندىن ھارام شاخلارلا چىقىۋالغان بولسا، بۇ شاخلارنى چاتاش بىلەن دەرەخنىڭ سورتىنى ياخشىلىغىلى بولمايدۇ، چاتىسا ياندىن يەنە چىقىدۇ، يەنە چاتىسا يەنە بىرى چىقىدۇ. بۇ ھارام شاخلاردىن بىراقلا قۇتۇلۇشنىڭ ئۇسۇلى دەرەخكە يېڭى بىر غول ھاسىل قىلىشتۇر.  بۇ دەرەخ تۈۋىدىن كېسىپ تاشلىنىپ سورتلۇق شاخقا ئۇلاش ئارقىلىق قايتا كۆكەرتىلىدۇ. ئەمدى بۇ دەرەخكە ھارام شاخلار ئۆسمەيدۇ.

ئەگەر بىر بىمار  ئوپىراتسىيە قىلمىسا ساقايمايدىغان بىر كېسەلگە مۇپتىلا بولغان بولسا:
ئاۋۋال  ئۇنىڭ بەدەن قۇۋۋىتى تەكشۈرۈلىدۇ، ئەگەر بەدىنى بەك ئاجىز بولۇپ، ئوپىراتسىيىگە بەرداشلىق بېرەلمىگۈدەك بولسا، ئاۋۋال  ئۇنىڭغا بىر مەزگىل قۇۋۋەت ئۇكۇللىرى، قۇۋۋەت ئۇزۇقلۇقلىرى بېرىلىدۇ، ئىمۇنىتىت كۈچى ئاشۇرۇلىدۇ.  بىمارنىڭ بەدىنى ئوپىراتسىيەنى قۇبۇل قىلالىغۇدەك ھالغا كەلگەن چاغدا ئاندىن ئوپىراتسىيە قىلىنىدۇ.  ئەگەر ئاجىز ھالەتتە ئوپىراتسىيە قىلىۋەتسە، ئۇنىڭ بەدىنىدە يەنە يېڭى كېسەللەر پەيدا بولىدۇ، بىمار دوختۇردىن قاتتىق نارازى بولىدۇ، كېسىلىمنى داۋالىيالماي تېخىمۇ ئېغىرلاشتۇرىۋەتتى، دەپ قارىشىمۇ مۇمكىن.  ھەتتا، كېسەلنى قارىغۇلارچە داۋالىماقچى بولغانلىقىدىن، بىمارنىڭ ھاياتىغا خەۋپ يېتىدۇ.

ئەگەر بىر ئادەم گۇناھقا چۆكۈپ كەتكەن بولسا، بىدئەتكە پېتىپ كەتكەن بولسا، ئاۋۋال ئۇنىڭ ئىمانى تەكشۈرۈلىدۇ، ئەگەر ئۇنىڭ ئىمانى يوق بولسا ئىمان چۈشەنچىسى بېرىلىدۇ، ئەگەر ئىمانى سۇس بولغان بولسا، ئىمانىنىڭ كۈچىيىشى ئۈچۈن تەربىيە قىلىنىدۇ. ئۇ ئادەمنىڭ ئىمانى كۈچىيىپ مەلۇم چەككە يەتكەندە ئۆزى قىلىۋاتقان خاتا قىلمىشلاردىن ئۆز ئىختىيارلىقى بىلەن ۋاز كېچىدۇ، ئۆزىگە بۇيرۇلغان ئىشلارنى بىجاندىل ئورۇنداشقا باشلايدۇ. ئەگەر ئۇنداق قىلماي ئىمانى ئاجىز ياكى ئىمانسىز كىشىنىڭ قىلىۋاتقان خاتا قىلمىشلىرىنى مەجبۇرىي چەكلەيمەن، دېسە، بىر ىاتالىقىنى چەكلىيەلىگەن بىلەن ئۇ كىشى يەنە بىر خاتا ئىشقا ئۆگىنىپ بولىدۇ. بىر بىدئەتتىن توسۇپ بولغىچە يەنە بىر بىدئەتكە چۆكۈپ بولىدۇ.  ماددىي ۋە جىسمانىي جەھەتتىن زىيان ئېلىپ كېلىدىغانلىقىنى ئېنىق  بىلىپ تۇرۇپ، شۇ ئىشنى  سادىر قىلغان كىشىنى ئۇنىڭدىن چەكلەشكە كۈچى يەتمىگەن ئىماننىڭ ئۆزىگە قەلب ھۇزۇرى ۋە ماددىي بايلىق ئېلىپ كېلىۋاتقان ھارام ئىشتىن چەكلەشكە كۈچى يېتەرمۇ؟ بەدىنى ئاجىزلاپ كەتكەن ئادەمنى دەررۇ  ئوپىراتسىيە قىلسا كۆتۈرەلمەيدۇيۇ، ئىمانى ئاجىزلاپ كەتكەن ئادەمدىكى خاتالىقلارنى، ئۇنىڭ قەلبىدىكى بىدئەت شاخچىلىرىنى بىۋاستە كېسىپ تاشلىسا ئۇ كىشى بۇ ئوپىرايتسىيەنى كۆتۈرەلەمدۇ؟ (ھازىرقى مەنىۋىيەت دوختۇرلىرىنىڭ قولىدا ھارام شاخلارنى كېسىدىغان قايچا ھەم يوق، كېسەلىگۈدەك كۈچ- قۇۋۋەت ھەم يوق، قايچە ھەم كۈچ- قۇۋۋەت ھاكىمنىڭ، رەھبەرنىڭ قولىدا.  ئۈممەتتىكى ھارام شاخچىلارنى تولۇق چاتاش ئۈچۈن ئەنە شۇنداق كۈچ -قۇۋۋەت مەنبەسى كېرەك). 

قۇۋۋەتلىك ئادەمنىڭ ئىمۇنىتىت كۈچى يۇقىرى بولىدۇ، ئۇنىڭغا ۋىرۇسلار، يۇقۇملۇق كېسەللىكلەر ئاسانلىقچە تەسىر قىلالمايدۇ. جىسمانىي كېسەللىكلەرگە جىسمانىي قۇۋۋەت، مەنىۋىي كېسەللىكلەرگە مەنىۋىي قۇۋۋەت، ئىماننىڭ ئاجىزلىقىدىن كېلىپ چىققان كېسەللەرگە ئىمان قۇۋۋىتى تولۇقلاش ـــــ كېسەلنى داۋالاشنىڭ ئەڭ ئالدىنقى شەرتىدۇر!
قېرىنداشلار: ئوپىراتسىيەدىن ئاۋۋال قۇۋۋەت تولۇقلاش كېرەكمۇ قانداق؟

مەنبە: ئويچاننىڭ ئويلىرى

بۇ ئويلىرىڭىزنى ئوقۇپ خاتىرەمدىكى يازمام ئېسىمگە كېلىپ قالدى.

  بىر تېۋىپنىڭ نەسىھىتى:
پېقىرلىقنىڭ يىلتىزىنى كەمتەرلىكنىڭ يىلتىزى بىلەن قوشۇپ،تەۋبىنىڭ ھېلىلىسىنى ئارىلاشتۇرۇپ،رىزالىقنىڭ ھاۋانچىسىدا يەنچىڭ ۋە ئۇنى تەقۋالىقنىڭ قازىنىغا سېلىپ،ھايانىڭ سۈيىدە مۇھەببەتنىڭ ئوتى بىلەن قاينىتىڭ.شۈكۈرنىڭ جامىغا قۇيۇپ،سەبىرنىڭ يەلپۈگۈچىدە بىر ئاز سوۋۇتۇڭ-دە ھەمدە ئۆمۈرنىڭ قوشۇقى بىلەن ئىچىڭ.شۇنداق قىلسىڭىز بالا-قازا،دەردىڭىزگە دۇنيا ۋە ئاخىرەتتە شىپا تاپقۇسى.
     _خاتىرەمدىن.(ئاتامان چامباشچىلىق كولۇبىدىن كۆچۈرۈپ ئالغان.)

تەن ساقلىق  زور  بايلىق ،  ئۇلۇغ  ئاللا  ھەممىمىزنىڭ  تىنىنى  سالامەت  قىلغاي  ،

ئەسسالامۇ ئەلەيكۇم!
نېمە دەيدىغانسىز؟
تېمىنى ئوقۇدىڭىزمۇ يا؟

ماقالىنى ناھايىتى ياخشى يېزىپسىز ! لېكىن مېنىڭ چۈشەنمىگەن يېرىم بولسا «جەمئىيىتىمىزگە، جۈملىدىن، تور بەتلىرىمىزگە قارايدىغان بولساق، بىر قىسىم قېرىنداشلىرىمىز  مىللەتتىكى نۇقسانلارنى، ئۈممەت ئارىسىدىكى ئەخلاقىي چىركىنلىكنى، ئىتىقادسىزلىشىشنى پاش قىلىۋاتىدۇ، ئەمما، نۇرغۇن قېرىنداشلىرىمىز: « مىللەتنى سۆكۈپ نېمە قىلماقچىتىڭ؟ ئۆز مىللىتىڭنىڭ يۈزىنى ئۆزۈڭ تۆكىۋاتىسەن. مىللەتنى ماختىشىمىز، مىللەتنى سۆيۈشىمىز كېرەك،  تىللاش بىلەن ھىچ ئىش ھەل بولمايدۇ» دەۋاتىدۇ.  ئەگەر بىر دوختۇر شۇ گەپنى قىلغان كىشىنىڭ جىسمانىي كېسىلىگە(بەدەن سالامەتلىكىگە) ھەقسىز دىئاگىنوز قويۇپ بەرگەن بولسا قانچىلىك خۇشال بولار ئىدى؟ يۇرتتا تارقالغان ۋابادىن خەۋەردار قىلغان بولسا قانچىلىك مەمنۇن بولار ئىدى؟ كېسەلنى داۋالاش ئۈچۈن دىئاگىنوز قويۇش باسقۇچىنى ئاتلاپ ئۆتۈپ كەتكىلى بولسۇنمۇ؟  ھېلىقى قېرىندىشىمىز گەرچە مەنىۋىي كېسەلنى داۋالاشنى بىلمىسىمۇ، ھىچ بولمىغاندا شۇ كېسەلنىڭ مەۋجۇت ئىكەنلىكىنى ئاشكارىلىدىغۇ؟ «كېسەلنى يۇشۇرساڭ ئۆلۈم ئاشكارا». »
توغرا خاتالىق بولسا تۈزۈتۈش كېرەك . ئىللەت تۇزەلمىگىچە مىللەت تۈزەلمەس دەيدىغان گەپمۇ بار . ھازىر مەن ئويلايمەن توردا مىللەت سۆكۈش ،مىللەتنى ئوپراتسىيە قېلىش قاتارلىق ئىشلار بەزى بىر  دوختۇر بولمىغانلارنىڭ قولىغا چۈشۈپ قالغاچقا ئەكىس تەسىر بېرىپ قويۇۋاتىدۇ . يەنە ئۇنىڭدىن باشقا كېسەل بىمارغا كۈندە سەن ئۇنداق كېسەل ،سەن مۇنداق كېسەل دەپ بىمارنى قورقۇتۇشنىڭمۇ ھاجىتى يوق دەپ قارايمەن . بىمارغا ئۆزىنىڭ كېسىلىنى تونۇتقاندىن كىيىن يەنە ئۇنىڭ كۆڭلىنى خوش قىلىدىغان ،ئىلھاملاندۇرىدىغان گەپ سۆزلەرنى  ئۇنىمى تېخىمۇ ياخشى بولىدۇ دەپ قارايمەن .

ۋە ئەلەيكۇم ئەسسالام!
ئاجايىپ سېلىشتۇرما بۇپتۇ. ماددىزىمنىڭ تەسىرى كۈچلۈك بولغاچقا مەنۋىي ساغلاملىققا كۈڭۈل بۇلىدىغانلار ئىنتايىن ئاز ياكى يوق دىيەرلىك.
ئەتراپىمىزغا دىققەت قىلىپ قارىساق زۇكامنى داۋالىايلمايدىغانلا ئوپراتسىيە قىلسام بۇلىتتى دەپ يۈرگەنلىكىنى كۈرۋالالايمىز. بۇنداق كىشىلەر ئەتراپىدىكىلەرنىڭ چەتكە قېقىشىدىن باشقا نەرسىگە ئۇچرىماسلىقى مۇمكىن.....

ئەسسالامۇ ئەلەيكۇم! «بىمارغا ئۆزىنىڭ كېسىلىنى تونۇتقاندىن كىيىن يەنە ئۇنىڭ كۆڭلىنى خوش قىلىدىغان ،ئىلھاملاندۇرىدىغان گەپ سۆزلەرنى  ئۇنىمى تېخىمۇ ياخشى بولىدۇ دەپ قارايمەن .»  دەپسىز.  مەن بۇ گەپكە تولۇق قوشۇلىمەن.  
ھازىرقى يۈز بېرىۋاتقان مەسىلە:  قەلبى كېسەلگە تولغان، چىركىنلىك قاپلىغان، ئۆز ئىتىقادىنى ئۇنتۇغان نۇرغۇن كىشلەر  ئۆز مەنىۋىيىتىدىكى كېسەلنى تونۇمايۋاتىدۇ.   شۇ سەۋەبتىن، جىددىي مۇئامىلە قىلمايۋاتىدۇ.  
ئىنسان قاچانكى ئۆزىدىكى كېسەلنى ۋە كېسەلنىڭ ئېلىپ كېلىدىغان ئاقىۋىتىنى روشەن ھېس قىلسا، شۇ چاغدا بۇ كېسەلنى داۋالاش ئۈچۈن جىددىي ھەرىكەتكە ئۆتىدۇ. ئەمما، مەنىۋىيەتنى كېسەل قاپلاپ كەتكەندە ئەقىل كۆزىمۇ پەردىلىنىپ قالىدۇ، شۇڭا، ئۇ كىشىگە كېسىلىنى ئېيتىپ بەرسىمۇ، ئۇنى ھېس قىلالمىغان بولغاچقا قوبۇل قىلالمايدۇ. شۇڭا، بىز ئەڭ ئاۋۋال ئۇ كىشىگە بۇ كېسەلنى، كېسەلدىن قۇتۇلسا قانداق ئېسىل بەخىتكە ئېرىشىدىغانلىقى، قانچىلىك خۇشاللىققا ئېرىشىدىغانلىقىنى ھېس قىلدۇرۇشىمىز كېرەك. 
  
يېرىم يالىڭاچ كىيىنگەن بىر قىز مودېللىق مۇسابىقىسىگە قاتنىشىپ نەتىجىگە ئېرىشسە ماختاپ يۈرمەكتىمىز.  
چەتئەلدە كىچىك بىر پەرزەنتىمىز دىسكۇ ئويناپ داڭق چىقارسا ئالقىش ياڭراتماقتىمىز.
بىر ئۇيغۇر  خەلقئارا قىمار مۇسابىقىسىدە ئۇتۇۋالسا، ئۇنىمۇ مىللەتنىڭ پەخرى، دەيدىغان ھالغا كېلىپ قالاي دېدۇق.
بۇ خىل ئازغۇنلۇقلارنى ماختاش ھەرگىزمۇ توغرا ئەمەس،  بۇ قىلمىشلارنىڭ ئىتىقادىمىزدا چەكلەنگەن ئىشلار ئىكەنلىكىنى، ئۇ ئىشلارنىڭ  زادى نېمە زىيان ئېلىپ كېلىدىغانلىقىنى ئوتتۇرىغا قويۇشىمىز كېرەك.
بىر  خاتا ئىش جەمئىيەتتىكى نۇرغۇن كىشى تەرىپىدىن توغرا چۈشىنىلگەن، قوبۇل قىلىنغان   چاغدا جەمئىيەتتە ئەۋج ئالىدۇ. (يالىڭاچلىنىش، پىلانلىق تۇغۇت، مۇھەببەتلىشىش، توغۇلغان كۈن ئۆتكۈزۈش، ناماز ئوقۇماي  مۇسۇلمان ئاتىلىش، جازانە ئورنى بىلەن ئالاقە قىلىش... قاتارلىق ئىشلار)
بىر  توغرا ئىش جەمئىيەتتىكى نۇرغۇن كىشى تەرىپىدىن  خاتا چۈشىنىلگەن، قارشى تۇرۇلغان چاغدا كېڭىيەلمەيدۇ. (ھىجابلىنىش، ساقال قويۇش، ئاددىي- ساددا بولۇش...) قاتارلىقلار.
ئادەملەردىكى پىكىر- چۈشەنچىلەر ئۆزگەرسە ئادەمنىڭ ئىش- ھەرىكىتى، گەپ- سۆزلىرى شۇنىڭغا ماس ھالدا ئۆزگىرىدۇ.
ئەڭ چوڭ ئۆزگەرتىش ئىماندىكى، ئەقىدىدىكى  خاتا پىكىرلەرنى ئۆزگەرتىشتۇر. ئەگەر بۇ  ئاساس ياخشى ئىسلاھ قىلىنسا، بۇ چوڭ تۈگۈن ھەل بولسا، بۇ شەخىسنىڭ پۈتۈن ئىشى ئىسلاھ بولىدۇ.
مېنىڭ يەنىلا ئاساسلىق قوللايدىغىنىم: چوڭ تۈگۈننى يېشىش، يەنى، ئىماندىكى مۇجمەللىكنى يوقىتىش، ھەقىقىي ئىمان، توغرا ئەقىدە ھاسىل قىلىش.  چوڭ تۈگۈن يېشىلسە كىچىك تۈگۈنلەرنى يېشىش تولىمۇ ئوڭاي بىر ئىشتۇر.

ۋەئەلەيكۇم ئەسسالام!
ئەۋۋال سىزگە تەشەككۇرۇمنى يەتكۈزىمەن.ئويلىنىشتىن  تەھلىل قىلغان يۇقارقى پىكىرلىرىڭىز مىنىمۇ ئويغا سالدى.ھازىر بۇ توغرىلىق بىر نەرسە دىيىشكە ئاجىزلىق قىلۋاتىمەن،ئەمما ئويلىنىشقا باشلاۋاتىمەن،بۇدا كەلگەندە چۇقۇم يەنە بايان ئەيلەيمەن.
ئاللاھ سىزدىن رازى بولسۇن !

ئاجايىپ كاتتا سېلىشتۇرما بوپتۇ،