ھەيرانمەن
توۋا دەيمەن،ئەتراپىمغا نەزەر تاشلاپ ھەيرانمەن،
ناتونۇش ھەممە ئاڭا باشىم قاشلاپ ھەيرانمەن،
جاندىن ئەزىز،پانايىمنى تاشلاپ،تۇپراقىمنى مەن
جۇدالىق بىرلە ياقا يۇرتتا كۆزۈم ياشلاپ ھەيرانمەن.
ئىھ،خۇدا مانا بۈگۈن ھەيرىتىڭدىن ھەيرانمەن،
قېنى،تېلى بىر تۇرۇپ چىشلەشكەندىن ھەيرانمەن،
بىر سەندىنلا پاناھلىق تىلەيمەن ئىگەم
قىل ئۇيالماي ئۆز ئەسلىنى ئۇنۇتقاندىن ھەيرانمەن.
ئىنساننى خۇدا شۇنچە سىرلىق ياراتقانغا ھەيرانمەن،
قولۇمنى تۇتۇپ ئارقامدىن پىچاق تىققانغا ھەيرانمەن،
ساداقەتلىك كۆڭۈل بىرلە نەسىھەت، قىلسام نىدا
قوللىرىم سىلكىپ،بەلكى مۇش ئاتقانغا ھەيرانمەن.
سۆزلىرى ھەسەل ئارلاش زەھەر تامار ھەيرانمەن،
كۆزلىرى كىشى ئەيىبىنى سۆكۈپ يانار ھەيرانمەن،
ئەي خالايىق،ئېيتىڭ شۇمۇ بىزنىڭ ئەسلىمىز؟
نىچۈك غەيۋەت-شىكايەت قىپ ئەيىب سانار ھەيرانمەن.
كۆپ ئىدىغۇ،كۆرسە ھەق،كۆزى كۆرمەس ھەيرانمەن،
ئاڭلىسا قۇشمۇ سۆزلەرىدى،كى ئاڭلىماس ھەيرانمەن،
دىدى كىم:دىلى ئەسلى بولغان ئۇلارنىڭ مەجرۇھ
قۇتقۇزۇشقا ھىدايەتتىن باشقا دورا بولماس ھەيرانمەن.
شۈكرى خۇدا،نىمەتلرىڭدىن ئالەمچە ھەيرانمەن،
ھىممىتىڭنى بىلمىگەن شۇ نادانلارغا ھەيرانمەن،
ساڭا يىقىن تۇرۇش ئۈچۈن كۆپ ئەمەللەر قىلسام
بىراۋنىڭ ساداقىتىمدىن كۈلگىنىگە ھەيرانمەن.
-بىگان
