قازاقىستان، كىيىنكى مەزگىللەردە مەيدانغا كېلىۋاتقان تېررولۇق ھۇجۇملىرىغا تاقابىل تۇرۇش ئۈچۈن، قىرغىزىستان چېگرىسىغا زاپاس ئەسكەر يۆتكىدى.
قازاقىستان مۇداپىئە مىنىستىرلىكىنىڭ باياناتىغا ئاساسلانغاندا، قازاقىستاننىڭ تاراز شەھىرىدە ئۆتكەن ھەپتە مەيدانغا كېلىپ، 7 كىشىنىڭ ئۆلۈمى بىلەن ئاخىرلاشقان قوراللىق توقۇنۇش بىلەن ئاترۇدا يۈز بەرگەن ئادەم بومبا ھۇجۇمى قاتارلىقلار، قازاقىستان-قىرغىزىستان چېگرىسىدىكى بىخەتەرلىك تەدبىرلىرىنىڭ ئەڭ يۇقىرى سەۋىيەگە يەتكۈزۈلۈشىگە سەۋەب بولغان.
قازاقىستاننىڭ جەنۇبىي رايونىدا ساقچىلارنى ھەرىكەتكە كەلتۈرگەن تېررولۇق ھۇجۇملىرى، قىرغىزىستان چېگرىسىدىن قازاقىستانغا سوقۇنۇپ كىرىش ئېھتىمالى بولغان تېررورچىلارغا قارشى، چېگرادىكى ئەسكەر سانىنىڭ ئاشۇرۇلۇشىغا سەۋەب بولدى.
