غەرپ ئەللىرىنىڭ مەدەنىيەت تۇپرىقى بولمىش بايبۇل يەنى كونا ۋە يېڭى ئەھدە كىتاپلىرىدا نۇرغۇن ئىبرەتلىك ھىكايىلەر بولۇپ ،ئوخشىمىغان مەدەنىيەتلەردە بۇ توغرىلىق ھەرخىل قاراشلار بولسىمۇ لىكىن شۇنى ئىتىراپ قىلىش كىرەككى بۇ ھىكايىلەرنىڭ بەزىلىرى ئادەمدە ھەقىقەتەن چۇڭقۇر تەسىر قالدۇرىدۇ.تۆۋەندىكىسى ئەشۇنداق ھىكايىلەرنىڭ بىرى.
   مەسىھ ئۇنىڭ كارامىتى ۋە ئۆزگىچە پەندى نەسىھەتلىرىگە قىزىقىپ ئۇنىڭ يېنىغا كەلگەن كىىشلەرگە مۇنداق دىدى، «بىر يەھۇدى كىشى بۇلاڭچىغا ئۇچراپ يېرىم جان بۇلۇپ يولدا يېتىپ قاپتۇ، يولدىن ئۆتكەن يەھۇدى موللىسى ئۇنىڭغا قارىماي كىتىپ قاپتۇ، ئىبادەتخانىنىڭ بىر مۇپتىسىمۇ كۆرمەسكە سېلىپ ئۆتۈپ كىتىپتۇ، باشقا يەھۇدىلارمۇ شۇنداق قىپتۇ... بىراق يولدىن ئۆتۈپ كىتىۋاتقان يەھۇدىلار كاپىر دەپ يامان كۆرىدىغان بىر سامارىيەلىك ھېلىقى يەھۇدىنى يۆلەپ ئىشىكىگە ئارتىپ بىر دەڭگە ئېلىپ بېرىپ شاراپ بىلەن ئۇنىڭ يارىسىنى يۇيۇپ تېڭىپتۇ ۋە دەڭجاغا ئىككى تەڭگە بىرىپ ئۇنى ئوبدان كۈتۈشنى ، پۇل يەتمىسە قايتاشىدا ئۆزىنىڭ تۆلەيدىغانلىنى دەپ يولىغا راۋان بوپتۇ.......»
ھىكايە بۇ يەردە تۇرۇپ تۇرسۇن،2000يىللارچە كىيىن يەنى بۈگۈن پېقىر ئىشتىن  چۈشۈش يولىدا بۇ ئىش قايتىلاندى، يەنى ئۆيگە كىتىۋاتسام بىر بالا پۇتىنى تۇتۇپ يىغلامسىراپ يول چېتىدە ئولتۇرىدۇ، قارىغاندا بىرى سوقىۋەتتىمۇ ياكى پۇتى قايرىلدىمۇ ئەيتاۋۇر سوغۇقتا ماڭالماي ، كىيىملىرى يىلىڭ ھالەتتە ئولتۇراتتى،چىرايىدىن ئۇنىڭ ئۇيغۇر ياكى باشقا مىللەتلىكىنى ئانچە بىلگىلى بولمايتى.  كۈن كىرىپ كەتكەن بۇلۈپ سۇغۇقتا كىشلەر ئالدىراش ئۆيىگە قايىتماقتا ، ئۇنىڭغا قاراپ قويۇپ كىتىۋاتقانلاردىن قارىماي كىتىۋاتقانلار كۆپ...، مەنمۇ نىمە ئۈچۈندۇر كىشىلەر سېپىگە قۇشۇلۇپ قاراپ قۇيۇپ ئۆتۈپ كەتتىم، بىراق ۋىجدانىم ئازاپلىناۋاتاتتى، نەچچە يۈز مېتىر ماڭغاندىن كىيىن ئاخىرى يۇقارقى ھىكايە ئىسىمگە كەلدى، خۇددى ۋاقىت 2000يىل كەينىگە يانغاندەك ، مەن ئۆزەمنى ھېلىقى يەھۇدى موللاملىرىدەك ھىس قىلىشقا باشلىدىم...
دىمەك ، 2000يىل بۇرۇنقى تارىخ قايتىلىنىۋاتاتتى، ئاخىرى غەيرەتكە كەلدىم، ئىككى مىڭ يىل بۇرۇن يەھۇدىلار ياراتمايدىغان بىر سامارىيەلىك قىلغاننى مەن قىلالمامدىم...
ئارقامغا ياندىم.......

دۇنيا مېھرى-مۇھەببەت بىلەن گۈزەلدۇر.

ئارقىڭىزغا يېنىپ تارىخنى تەكرارلىدىڭىزما؟

بۇ ھېكايە  يېزىلمىغان بولسا قۇتقۇزمامتىڭىز  ؟  ئادەمگەرچىلىك يۈزىسىدىن بولسىمۇ ؟  (كوچىدا بىرەر ئىت ياكى چاشقاننى ماشىنا دەسسىۋەتسىمۇ قارايمىز بولمىسا .... )
     ئىچكىردە بىر كىچىك قىزنى ماشىنا بېسىپ يانجىلىپ كېتىپ يولدا ياتسا  16 ئادەم  قاراپ قويۇپ قۇتقۇزايمۇ دېمەي ، ئارقىدىن يەنە بىر ماشىنا مىجىۋەتكەندىن كېيىن بىر  ئەخلەتچى ئايال كىلىپ قۇتقۇزىدىكەن ... ھەي توۋا    بۇ جاھان نېمە بولىۋاتقاندۇ دەيمەن....     اللە ھەممىمىزگە مىھرى-شەپقەت ئاتا قىلسۇن ...  

ئات ئايلىنىپ ئوقۇرنى تاپىدۇ . نىمەئۈچۈن.؟     

ئىنسانللاردا ئەسلى مىھرى شەپقەت بارئىدى لىكن ھازىر قى كۇندە بىر ئادەم يولدا پەۋقۇلاددە كىسەل بولۇپ يېقىلىپ چۈسسە ئۇنى باشقا بىرسى كىلىپ ئىچ ئاغرىتىپ يۇلەپ دوختۇرخانىغا ئاپارسا  كىيىن ئۇ كىسەلنىڭ تۇققانلىرى ئۇ سىلە رەھمە قىلغان ئادەمنىڭ ئۇستىدىن سوتقا ئەرىز قىلىپ بى ئارام قىلغانلىقىنى كۆردۇق  شۇڭا بىر ئادەم يولدا يېقىلىپ قالسىمۇ قارىمايدىغان ئىشلار شەكىللىنىپ قالدىمىكىن دەيمەن ئىشقىلىپ ھازىر ئىنسانلارنىڭ يۇرىكى قاتتىقلىشىپ سىلە رەھمە ئاز قالدى

مەسىھ بايان قىلغان ھىكايىدىكى موللاملاردەك بولۇپ قالماسلىق ئۈچۈن ئارقامغا ياندىم، ئۇ پۇتۇم قايرىلىپ كەتتى، نەۋرە ئىنىم ئىشەك ھارۋىسى ئېلىپ كەلگىلى كەتتى، دەپ زادىلا توك ھارۋامغا چىققىلى ئۇنىمىدى، ئۇنىڭ جاھىللىقىنى كۈرۈپ تاماق يەپ كىلىپ قاراپ باقاي دەپ ماڭدىم، كەلسەم ئۇ بالا يوق.

ئارقىڭىزغا يانغىنىڭىز ياخشى بوپتۇ،ياخشى پەزىلەت سىزگە مەڭگۈلۈك ئۇدۇم بولغاي. ئەتراپىمىزدا بىزنىڭ ئىبرەت ئېلىشىمىزغا يېتىپ ئاشقۇدەك ئىشلار بار.<<چۈمۈلىگىمۇ ئازار بەرمەسلىك>> قارىشىنى كىچىكىمىزدىن تارتىپلا يېتىلدۈرگەن ئادەمدە يۈكسەك ئادىمىيلىك پەزىلىتى يېتىلگەن بولىدۇ.<<جاھان ساڭا باقمىسا،سەن جاھانغا باق>> سەپسەتىسى كىشىلەرنى ئۆزگەرتىۋاتىدۇ.
ئىچكىرىدىكى قىزچاقنىڭ پاجىئەسى يۈز بېرىپ،نەچچە كۈن ئۆتە-ئۆتمەي،شۇنىڭغا ئوخشاش ۋەقە يەنە ئىككى قېتىم تەكرارلاندى،كىشىلەرنىڭ پەرۋاسىزلىقى يەنىلا ئىچىمىزنى ئاچچىق قىلدى...
مەن قولۇمدىن كېلىدىغانلا ياخشىلىقنى باشقىلارغا يەتكۈزۈشنى ئەزەلدىنلا ئۆزۈمگە ئادەت قىلغانمەن،(سۇ توشۇپ ئوتنى ئۆچۈرمەك بولغان قۇشتەك.)ئاللادىن ماڭا ياخشى ئىشلارنى كۆپ قىلىش پۇرسىتى بېرىشنى تىلەيمەن.
مەن،سىز،ئۇ...ئۆزىمىز ۋە ئەۋلاتلىرىمىز ياخشى تەربىيە سۈيىدە سۇغۇرۇلسا جەمئىيىتىمىز داۋاملىق تۈردە ۋاپا ۋە ئىللىقلىققا تولغۇسى.

ئىشلىتىش

بۇ مەزمۇن 3قەۋەتتىكى مۇناجات نىڭ 2011-11-15 14:14 يوللىغان يازمىسىغا نەقىل :
بۇ ھېكايە  يېزىلمىغان بولسا قۇتقۇزمامتىڭىز  ؟  ئادەمگەرچىلىك يۈزىسىدىن بولسىمۇ ؟  (كوچىدا بىرەر ئىت ياكى چاشقاننى ماشىنا دەسسىۋەتسىمۇ قارايمىز بولمىسا .... )
     ئىچكىردە بىر كىچىك قىزنى ماشىنا بېسىپ يانجىلىپ كېتىپ يولدا ياتسا  16 ئادەم  قاراپ قويۇپ قۇتقۇزايمۇ دېمەي ، ئارقىدىن يەنە بىر ماشىنا مىجىۋەتكەندىن كېيىن بىر  ئەخلەتچى ئايال كىلىپ قۇتقۇزىدىكەن ... ھەي توۋا    بۇ جاھان نېمە بولىۋاتقاندۇ دەيمەن....     اللە ھەممىمىزگە مىھرى-شەپقەت ئاتا قىلسۇن ...  

توغرا دىدىڭىز مەن ئۇ ھىكايىنى ئوقۇغاچقىلا ئارقامغا ياندىم دەپ قارايمەن.

قۇتقۇزالمىدىڭىزما؟