تۈركچە ئۆگىنىۋاتقان ئۇيغۇر دوستلار. شۇنداقلا. ئۇيغۇرچە ئۆگىنىۋاتقان ئۇيغۇر ۋە تۈرك دوستلارنىڭ پايدىلىنىشىغا مۇۋاپىق كېلىدىغان، ماي چىچەك نەشىرىياتى تەرىپىدىن نەشىر قىلىنغان، ئەڭ گۈزەل مەسەللەر (ھايۋان ھېكايىلىرى) ناملىق كىتاپنىڭ ئۇيغۇرچە – تۈركچە سېلىشتۇرما نۇسخىسىنىڭ ئېلكىتابى، كەڭ دوستلارنىڭ پايدىلىنىشى ئۈچۈن ھەقسىز تارقىتىلدى.

بۇ كىتاپتا، مەۋلانە، ئىزوپ، لافونتېن ۋە بەيدابا قاتارلىقلارنىڭ ئەسەرلىرىدىن تاللانغان بەزى مەسەللەر (ھايۋان ھېكايىلىرى) گە يەر بېرىلگەن. ھەر بىر ھېكايىنىڭ ئۆزى ۋە مەقسىدى، ئىخچام بىر سۆز بىلەن ۋە ياكى بىر ئاتا سۆزى بىلەن ئايدىڭلىتىشقا تىرىشىلدى. بۇ ھېكايىلەر، ئىنسانىيەتنىڭ 2500 يىللىق بىر ئورتاق مەدەنىيەت ھاياتىنىڭ ئەڭ گۈزەل ئۆرنەكلىرى دەپ قارالماقتا.

دوستلارنىڭ كىتاپتىكى 150 كە يېقىن ھېكايىنىڭ تەرجىمىسى ھەققىدىكى تەكلىپ پىكىرلىرىنى، ئېلخەت ياكى ئىنكاس قالدۇرۇش ئۇسۇلى بىلەن ماڭا يەتكۈزۈپ بېرىشىڭلارنى چىن دىلىمدىن ئۆمىد قىلىمەن. كەڭ دوستلارنىڭ ئۆگىنىشىگە ئۇتۇق، ھاياتىغا ئامانلىق يار بولغاي!

- ماھىنۇر ئۇيغۇر
كىتاپ ھەققىدىكى ئۇچۇلار:
كىتاپنىڭ ئۇيغۇرچە ئىسمى: ئۇيغۇرچە-تۈركچە ئەڭ گۈزەل مەسەللەر (ھايۋان ھېكايىلىرى)

كىتاپنىڭ تۈركچە ئىسمى: Turkce-Uygurca En Guzel Hayvan Hikayeleri

كىتاپ ئاپتۇرى: ئىرپان تاتلىق (تۈركىيە)

كىتاپنىڭ تەرجىمە ئاپتۇرى: ماھىنۇر ئۇيغۇر

تەھرىرلىگۈچىلەر: مۇھەممەد ئابدۇللا ئابدۇقادىر، بۈۋىنۇر بەكرى

نەشىر قىلغۇچى ۋە تارقاتقۇچى: ماي چىچەك نەشىرىياتى (ئىستانبۇل)

ئېلكىتاپ تارقاتقۇچى: www.Mahinur.Com

ئېلخەت ئادرىسى: uygur@mahinur.com
كىتاپ ئاپتۇرى، تەرجىمە ئاپتۇرى ۋە نەشىرىياتنىڭ رۇخسىتىسىز باستۇرۇپ سېتىشقا بولمايدۇ. ئەگەر باستۇرۇپ ساتماقچى بولسىڭىز كىتاپنىڭ تەرجىمە ئاپتۇرى بىلەن ئالاقىلاشقايسىز.
كىتاپنى تۆۋەندىكى ئادرىسلارنىڭ خالىغان بىرىسىدىن چۈشۈرىۋالغايسىز.
كىتاپنى چۈشۈرۈش ئادرىس ئۇلانمىلىرى: 1 2 3 4 5

ئەسسالامۇ - ئەلەيكوم ماھىنۇ رقىرىندىشىم !
مەن بىر تۇرۇك تىل ئۆگۈنۈش ھەۋەسكارى ھەم شۇ تىلنى ئۆگىنىشكە مۇھتاج بولغۇچىدۇرمەن.
سىزنىڭ بۇنىڭدىن كېيىن بىز ئۆگەنگۈچىلەر ئۈچۈن تىخىمۇ ياخىش ماترياللار بىلەن تەمىن ئىتىشىڭىزنى چىن دىلىمدىن ئۈمىد قىلمەن.

ۋە ئەلەيكۇم ئەسسالام . رەھمەت سىزگە.

بۇ ئادىرىسلار ئېچىلمايدىغۇ؟ مەن چۈشۈرەلمىدىم . ياردەم قىلغان بولساڭلار.

سالام تورداشلار،

بىرىنچى ئۇلىنىش مىكروسوفتنىڭ ھەقسىز بوشلۇقىغا يوللانغان ئېلكىتاپ ئۇلانمىسى، ئۇنى باسسىڭىز بىر بەت ئېچىلىدۇ، ئۇ يەردىن تاللاپ چۈشۈرىۋالسىڭىز بولىدۇ.

باشقا ئۇلىنىشلاردىن بىۋاستە كومپىيوتىرغا ساقلاش بۇيرۇقى بىلەن، يەنى چاشقاننى ئۇلانمىلارنىڭ خالىغان بىرسىنىڭ ئۈستىگە ئېلىپ كېلىپ، چاشقاننىڭ ئوڭ تەرەپتىكى كۇنۇپكىسىنى بېسىپ، چىققان تىزىملىكتىن كومپىيوتېرغا ساقلاش بۇيرۇقىنى تاللاپ، ساقلايدىغان يەرنى كۆرسىتىپ بەرسىڭىزلا ساقلىنىدۇ.

بۇ كىتاپنى كۆرۈش ئۈچۈن كومپىيوتېرىڭىزدا  Adobe Reader نىڭ خالىغان بىر نەشىرى قاچىلانغان بولۇشى كېرەك. ئەگەر بولمىسا تۆۋەندىكى ئادرىستىن ھەقسىز چۈشۈرۈپ قاچىلىيالايسىز:
http://get.adobe.com/reader/?promoid=BUIGO

قولاي كەلسۇن، ئامان بولۇڭ!