خەلق تورىنىڭ 12-نويابر خەۋىرى: قازاقسىتاننىڭ مۇئاۋىن تەپتىش باشلىقى ئىسايېۋ 11-ئاينىڭ 12-كۈنى كەچتە ئاخبارات ئېلان قىلىش يىغىنى ئېچىپ، شۇ كۈنى قازاقىستاننىڭ جەنۇبىدىكى تالاس شەھىرىدە يۈز بەرگەن پارتلىتىش ۋە ئوق چىقىرىش ۋەقەسىنىڭ تېخىمۇ كۆپ تەپسىلاتىنى ئاشكارىلىغان، قازاقىستان ساقچىلىرى تەمىنلىگەن ئۇچۇرغا ئاساسلانغاندا، ۋەقەدە 7 ئادەم ھاياتىدىن ئايرىلغان، 3 ئادەم يارىدار بولغان. ئۆلگەنلەر ئىچىدە 5 نەپىرى قازاقىستان ساقچى ۋە بىخەتەرلىك تارماقلىرىنىڭ خادىملىرى ئىكەن.

ئىسايېۋنىڭ دېيىشىچە، بۇ يىل 34 ياشقا كىرگەن قازاقىستان پۇقراسى سالىيېۋ شۇ كۈنى ئالدى بىلەن ئۆزىنى نازارەت قىلىدىغان 2 نەپەر بىخەتەرلىك خادىمىنى ئۆلتۈرۈپ تاشلىغان ھەمدە شۇ جاي ۋاقتى 12-نويابر چۈشتىن بۇرۇن سائەت 11 ئەتراپىدا بىر پىكاپنى بۇلىغان. سائەت 11:35 ئۆتكەندە، سالىيېۋ تالاس شەھىرىدىكى بىر قورال-ياراغ دۇكىنىنى بۇلىغان، بىر ئامانلىق ساقلاش خادىمى ۋە بىر خېرىدارنى ئۆلتۈرۈپ تاشلاپ، ئىككى يېرىم ئاپتوماتىك مىلتىقنى ۋە ئوق بۇلىغان. كېيىن سالىيېۋ بىر ماشىنىنى بۇلاپ، ئۆزىنى قوغلاپ كەلگەن ئىككى ساقچىنى ئېتىپ تاشلىغان ھەمدە ئۇلارنىڭ قوراللىرىنى ئېلىپ كەتكەن.

كېيىن،سالىيېۋ ئۆز تۇرالغۇسىغا يوشۇرۇپ قويغان بازۇكانى ئېلىپ چىقىپ، دۆلەت بىخەتەرلىك كومىتېتىنىڭ ئىشخانا بىناسىغا راكېتا بومبا ئاتقان. بۇ جەرياندا سالىيېۋ 2 ساقچىنى يارىدار قىلغان. تەخمىنەن سائەت 13 ئەتراپىدا، ساقچىلار سالىيېۋغا ئوق ئېتىپ يارىدار قىلغان ھەمدە قاتناش ساقچىلىرى تۇتۇۋالغان. سالىيېۋنى تۇتۇش جەريانىدا، سالىيېۋ بەدىنىدىكى بومبىنى پارتلاتقان، سالىيېۋدىن باشقا يەنە بىر ساقچىمۇ نەق مەيداندا ئۆلگەن.

ئىسايېۋنىڭ دېيىشىچە، سالىيېۋ ئاشقۇن دىننىي كۈچلەرنىڭ مۇرتى بولۇپ، قازاقىستان دائىرلىرى ئۇنى قەستلەش ۋە تېرورلۇق جىنايىتى بىلەن تەكشۈرۈشكە باشلىغان. ئىسايېۋ شۇ كۈنى تالاس شەھىرىدە پەقەت بىر قېتىملا پارتلاش يۈز بەرگەنلىكىنى، ئېنتىرنېت تورىدا دېيىلگىنىدەك 4 قېتىم ئەمەس ئىكەنلىكىنى ئېيتقان. تالاس ساقچىلىرى ھوشيارلىقىنى ئۆستۈرگەن بولۇپ، ئەمما تالاس شەھىرىدە كېچىدە يۈرۈشنى مەنئىي قىلىشنىڭ ھاجىتى يوق ئىكەن. (نەپرەت)

ئەسسالامۇ ئەلەيكۇم بۇ  قايسى كۈندىكى  ئاممىۋى سورۇندا نامازئۇقۇشنى چەكلەش قانۇنىغا قارىتا ئېلىپ بېرىلغان بۇلىشى مۇمكىن ؟

نازارەت قىلىمىز دەپ ئازادا ياشىغىلى قويمىغاندىكىن ئوبدان قىلىپتۇ،،،،،،،،،،،،،،،،،،

ئىشلىتىش

بۇ مەزمۇن 2قەۋەتتىكى ئىزھار1 نىڭ 2011-11-13 18:26 يوللىغان يازمىسىغا نەقىل   :
ئەسسالامۇ ئەلەيكۇم بۇ  قايسى كۈندىكى  ئاممىۋى سورۇندا نامازئۇقۇشنى چەكلەش قانۇنىغا قارىتا ئېلىپ بېرىلغان بۇلىشى مۇمكىن ؟

  توغرا دەيسىز ! كىشلىك ھوقۇقنى دەپسەندە قىلغان يەردە ھەر قانداق ئىش يۈز بىرىشى مۇمكىن !

بۇ ئىش ھەجەپ ئىش بوپتۇ .ئۇنداقمۇ دىمەيلى دوسلا ..................................بولدىلا ھە.