بىر زامانلاردا دۇنيادىكى پۈتۈن جانلىقلارغا ئاپەت كېلىپ پۈتۈن يەر يۈزىگە قىيان كېلىپ  پۈتۈن جانلىقلار ئۆز جانلىرىنى ئېلىپ قېچىپتۇ .
شۇ ۋاقىتتا چۈمۈلىلەر ئىچىدىمۇ ئىككى قەۋم بار ئىكەن. بىر قەۋم چۈمۈلە ئىچىدە  ناھايىتى ئىتتىپاقسىزلىق ئەۋج ئالغان بولۇپ بىر -بىرىنىڭ پىكرىگە پەقەت كىرمەيدىكەن، ئۆز ئىچىدىن دائىم ئۇرۇشۇپ تۇرىدىكەن.ئۇلار ئاپەت ئالدىدا ئۆزى بىلگىنى بويىچە قېچىپتۇ،چۈمۈلە دېگەن بىر -بىرىنىڭ ماڭغان يولى بويىچە قالدۇرغان پۇراق بويىچە بىرىنىڭ كەينىدىن بىرى ماڭىدىكەن  ۋە ئاخىرى قالايمىقانچىلىقتا بىر -بىرسىنىڭ يولىنى تاپالماي،بىر-بىرىنى چىشلىشىپ يا كەينىگە يا ئالدىغا ماڭالماي ئۆزئارا جەڭ قىلىپ بىر -بىرسىنىڭ بېشىنى چىشلەپ ئۈزۈپ،ئاخىرى پۇرسەتنى قولدىن بېرىپ قويۇپ مىسلىسىز قىيان ئىچىدە ھەممىسى ھالاك بوپتۇ .
     بىر قەۋم ئەزەلدىن  ناھايىتى ئىناق ئىتتىپاق ئۆتىدىكەن.ئاپەت ئالدىدا ھەر گىز ھودۇقۇپ قالماي قانداق قىلغاندا ئاپەتتىن قۇتۇلىمىز،پەقەت بولمىغاندا قانداق قىلىپ قەۋمىمىزگە كەلگەن زىياننى ئەڭ تۆۋەن چەككە چۈشۈرىمىز دەپ مەسلىھەت بىلەن ئىش قىپتۇ . چوڭ پېشقەدەم چۈمۈلىلەر ئەقىل كۆرسىتىپتۇ ۋە ياش ئەقىللىق چۈمۈلىلەرنىڭمۇ  پىكرىنى قوبۇل قىلىپ، ئاخىرى مۇنداق بىر ئامالنى ئويلاپ چىقىپتۇ .  چۈمۈلىلەرنىڭ مېڭىش سۈرئىتى بەك ئاستا،قىيان كەلگىچە قېچىپ كېتەلمەسلىگىمىز مۈمكىن، شۇنىڭ ئۈچۈن  قەۋمدىكى پۈتۈن چۈمۈلىلەر بىر كاللەك بولۇپ ئۇيۇشايلى ۋە قىياننىڭ ئېقىشى بويىچە ئاقايلى،ئەڭ يۇقۇرى قەۋەتتىكى چۈمۈلىلەر ئۆلۈپ كېتىشى مۈمكىن لېكىن كېيىنكى قەۋەتتىكى چۈمۈلىلەر ھەرگىزمۇ چېچىلىپ كەتمەي بىر كاللەك بولۇپ تۇرايلى، يەنە بىر قەۋەتتىكى چۈمۈلىلەر ئۆلۈپ كەتسە قالغان چۈمۈلىلەر كاللەك بولۇپ تۇرايلى.شۇنداق قىلغاندا بىز ئۆزىمىزنى ساقلاپ قالالايمىز دەپتۇ ۋە شۇنداق قىلىپ مەلۇم ساندىكى چۈمۈلە ئۆلۈپ كەتكەن بولسىمۇ خېلى كۆپ ساندىكى چۈمۈلە قۇتۇلۇپ قاپتۇ .

مەنبە:بىر بوۋاي
____________________________________
گېنېرال ئىملانى تەھرىرلىدى.

بىلىملىك قىرىدە سەن،
ئىتپاق بولايلى قىرىنداشلار.     

ئىتتىپاقلىق كۈچ

نىمانچە كۆپ ئىملا خاتالىقى بۇ؟ قىشلىق تەتىلدە بالاڭنىڭ مەكتىپىدە بىر ئاي ئوقۇۋالامسەن،بالاڭ ئۆيگە قاراپ تۇرسا؟

[quote]بۇ مەزمۇن 3قەۋەتتىكى general نىڭ 2011-11-10 23:42 يوللىغان يازمىسىغا نەقىل  چاخچاق :
نىمانچە كۆپ ئىملا خاتالىقى بۇ؟ قىشلىق تەتىلدە بالاڭنىڭ مەكتىپىدە بىر ئاي ئوقۇۋالامسەن،بالاڭ ئۆيگە قاراپ تۇرسا؟
---ئاغزىمدا چىشىم يۇق گىپىمنى خەق بىلەلمەيدۇ ،،،
--كۇزلىرىمدە نۇر قالمىدى ئىملانى ئۇقۇپ چۇشەنمەيدۇ ..
-ئاغزىمدا چىشىم يۇق ناننى چايناپ يەيمىكىن
--مەن مەكتەپتە ئۇقايچۇ مۇئەللىمگە دەيمىكىن ،،،!

بۇ قىزىل پاچاقنىڭ خېلى بىلىمى باركەنغۇ

<ئېلىپ>نى ئال بالاڭدىن،
<بە>گە كەلسەڭ ياخشىدى.
چىش بولمىسا سۆزلىمەي،
توغرا يازساڭ ياخشىدى...

گىنرالغا:
مەن سۇزلىمەي قانداقمۇ چىداپ ياشاپ يۇرىمەن
گەرچە كۇزدە نۇر يۇقتۇر ئەمما نەزەر سالىمەن
خەت يازىمەن تۇختىماي كۇڭلوم زادى ئۇنمايدۇ
قىرىلىققا ئامال ،مەن كۇلكىگە قالىمەن،،   

ياخشى  تىما  ئىكەن .  تىما  ئىگسىگە  رەخمەت.........

    بوۋايغا:
كۆزلىرىڭدە كۆزەينەك،خەت يازىسەن توختىماي،
قېرىلىقتىن بەللىرىڭ كەتسىمۇ گەر پۈكۈلۈپ.
سۆزلىگىنىڭ دۇردانە،خەتنى يازغىن جىجىماي،
گېنېرالنىڭ ئالدىدا كەتمە يەنە سۆكۈلۈپ.