ھەي،يەنە دەيدىغان بولدۇم--دە!
ئۇيغۇر بايلىرى دېسىلا--ئاچكۆز،خوتۇنباز،رەھىمسىز...قىلىپ تەسۋىرلىگەن ھېكايە،دىراممىلىرىمىز كۆپىنچە كىشىلەرنى مۇشۇنداق خاتا كۆز قاراشقا كەلتۈرۈپ قويدى.بايلىرىمىزنىڭ ھەممىسىلا نائەھلىلەرمۇ؟ ياق! نۇرغۇنلىرى ئاللاھتىن قورقاتتى،ساۋاپلىق-ساخاۋەتلىك ئىشلارنى ئىزدەپ يۈرۈپ قىلاتتى. <<ھەددىدىن ئارتۇق مۇبالىغە قىلىنغان تەشۋىقات كىشىلەرنى بىر توپ تەلۋىلارگە،كۆزى ئوچۇق قارىغۇلارغا ئايلاندۇرۇۋېتىدۇ>> دېگەن سۆز توغرا ئىكەن. قىسقىسى،ئۇيغۇردىن مىڭلاپ مىليونېر بايلار بۇرۇنلا ئىگىلىك تىكلەپ،كۆزگە كۆرۈنگەن بولسا،ھېلىغىچە نامراتلىقنىڭ دەردىنى تارتىپ يۈرمەيتتۇق. ئەجدادىمىز:<<بىرى--تىۋىپ، يەنە بىرى باي چىقمىغان مەھەللىدىن كۆچۈپ كەت>> دېگەن ئىدى.بايلىرىمىزنى بۈگۈنكى كۈندىمۇ سەلبى پىرسوناژ قىلىپ چىشلىمەيلى. <<سىنىپى كۈرەش ---تۇتقا>>دېگەن شوئار كۇچىدىن قالدى،چۆرۈۋېتىلدى ئاللىقاچان.
