قىرانلىق دەۋرىگە قەدەم باسقىنىدا، بىر قىسىم كىشىلەر ئۆزلىرىنىڭ بالىلىقتىكى ھەۋەس ۋە ئارزۇ - ئىستەكلىرىنىڭ رېئاللىققا ئايلانغانلىقىدىن سۆيۈنسە، يەنە بىر قىسىم كىشىلەر بالىلىقتىكى ئارزۇ - ئىستەكلىرى بىلەن نۆۋەتتىكى رېئاللىقنىڭ باشقا - باشقا دۇنيا ئىكەنلىكىدىن ئەپسۇسلىنىدىكەن. مەن ئالدىنقى تىپقا تەۋە بولغانلىقىم ئۈچۈن، بالىلىقتىكى ئارزۇلىرىمنىڭ روياپقا چىقىپ، ئۇنىڭ مېۋىسىنى تېتىۋاتقانلىقىمنى ئويلىساملا، ئىرادەم يەنىمۇ كۈچىيىپ، قايتىدىن ئۈمىدكە تولىمەن.

ساۋاتىم چىققاندىن تارتىپلا ئائىلىمىزدە ساقلىنىۋاتقان ھەر خىل كىتابلارنى، مەكتەپتە «شىنجاڭ ئۆسمۈرلىرى» گېزىتىنى كۆرۈشكە خۇشتار ئىدىم. كېيىنرەك بىر قىسىم شېئىر، نەسىر، ھېكايە، تەسىرات ماقالىسى قاتارلىقلارنى يېزىپ كۆردۈم. كۆپ يىللىق تىرىشچانلىقىمنىڭ نەتىجىسىدە، ئاشۇ ۋاقىتتىكى ئارزۇ- ئىستەكلىرىم رېئاللىققا ئايلىنىپ، تارىخى ئۇزۇن، ھەممە ئادەم ھۆرمەت ۋە ھەۋەس بىلەن باقىدىغان «قەشقەر گېزىتى» نىڭ مۇخبىرى بولۇپ قالغانلىقىمدىن ئالەمچە سۆيۈنىمەن ۋە پەخىرلىنىمەن.

مېنىڭ پارتىيە گېزىتىنىڭ ياراملىق بىر مۇخبىرىغا ئايلىنالىشىمدا ئۆزۈمنىڭ تىرىشچانلىقىدىن سىرت، يەنە ئاتا - ئانام، ئوقۇتقۇچى - ئۇستازلىرىم، ئەل - بۇرادەر ۋە كەسىپداشلىرىمنىڭ يېقىندىن كۆڭۈل بۆلۈپ تەربىيەلىشى ۋە ئىلھام - مەدەت بېرىشىنىمۇ نەزەردىن ساقىت قىلىشقا بولمايدۇ. بولۇپمۇ، مەن ئالىي مەكتەپنى پۈتكۈزۈپ، «قەشقەر گېزىتى» ئىدارىسىگە تەقسىم قىلىنىپ، مۇخبىرلىققا قەدەم قويغاندىن كېيىن، ئىدارە رەھبەرلىرى، كەسىپداشلار ماڭا كۆڭۈل بۆلۈپ، ئۆزلىرىنىڭ مول كەسپىي بىلىمى ۋە تەجرىبىلىرىنى ماڭا ئۆگەتتى. ئۆزلىرىنىڭ ياخشى بولغان دۇنيا قارىشى، تۇرمۇش قارىشىنى سىڭدۈردى. مۇشۇ 15 يىللىق خىزمەت مۇساپەمدە رەھبەرلەر ۋە ئۇستازلاردىن نىياز جالالىدىن، ئابدۇرۇسۇل ئۆمەر، تۇرسۇن پازىل، ئابلىكىم تالىپ، توختىھاجى تۇرسۇن، تاھىر تالىپ، ئابلىكىم روزى، ئابلەت ئىسمايىل، مەمتىمىن زېبىبىللا، مەمتىمىن ئوبۇل، تۇرسۇن مۇھەممەت،   مۇرات تۇرسۇن  ، تۇرغۇنجان مۇسا، شۇنىڭدەك باشقا كەسىپداشلارنىڭ تىرىشچانلىقى، يېتەكلىشى ئالاھىدە بولغانلىقتىن، مەن بۇ يىللاردا مۇخبىرلىق ۋە تەھرىرلىك خىزمىتىنىڭ ئالدىنقى سېپىدە باشقىلار بىلەن تەڭ ئىلگىرىلەپ، ئوقۇرمەنلەر ياقتۇرۇپ ئوقۇغان  ھەر خىل ژانىردىكى نەچچە مىڭ پارچە ئەسەرنى يېزىش ۋە يېزىشقا يېتەكچىلىك قىلىش بىلەن بىللە، يەنە 40 پارچىغا يېقىن خەۋەر - ماقالەم مەملىكەت، ئاپتونوم رايون، ۋىلايەت دەرىجىلىك ئاخبارات مۇكاپاتىغا ئېرىشتى. بۇنىڭدىن باشقا، ئىدارە رەھبەرلىرى ۋە كەسىپداشلارنىڭ قوللىشى بىلەن بىر تەرەپتىن كەسپىي بىلىمىمنى تاكامۇللاشتۇرۇشقا تىرىشسام، يەنە بىر تەرەپتىن ئاخبارات سېپىگە يېڭى قەدەم باسقان ياش كۈچلەرنى، ئىختىيارىي مۇخبىرلارنى تەربىيەلەش، يېتەكلەش جەھەتتىمۇ بەلگىلىك كۈچ قوشتۇم. كەلگۈسىگە نەزەر تاشلايدىغان بولسام، مۇخبىرلىق خاتىرەمنىڭ يېڭى - يېڭى بەتلىرىنى ئېچىپ، فوتو ئاپپاراتنى يەلكەمگە ئارتىپ، قىر - دالىلاردا مۇخبىرلىق قىلىش مېنىڭ مەڭگۈلۈك تاللىشىم، ئەلۋەتتە.

خۇلاسىلىگەندە، تۇرمۇش مۇخبىرنىڭ پۈتمەس بۇلىقى، خەلق مۇخبىرنىڭ ئىرادىسىنى تاۋلايدىغان ئوچاق. گېزىت مۇخبىرنىڭ يول باشچىسى، ئوبراز ئەينىكى، پارلاق مەنزىلنىڭ نۇرلۇق ماياكى، ۋەتەن مۇخبىرنىڭ مەۋجۇدلۇقى. شۇنداق ئىكەن، ئاخىرىدا ئۆزۈمگە ۋە كەسىپداشلارغا دەيدىغىنىم، ھەر قاچان ئەل - ئاۋامنىڭ مۇخبىرلارغا بەرگەن شەرەپلىك ئورنى، «تاجىسىز پادىشاھ» لىقتىن ئىبارەت ئۇلۇغ نامى ۋە تەرىپلىرىنىڭ قەدرىگە يېتىپ، ئۆز ئوبرازىمىزنى يەنىمۇ نۇرلاندۇرايلى. بىزدىن ئەل كۈلسۇن، ئايىغىمىزدىن خۇشپۇراق گۈللەر ئۈنسۇن!

ئاپتور: «قەشقەر گېزىتى» مۇخبىرلىك-ئالاقىچىلىك مەركىزى پارتىيە ياچېيكىسىنىڭ شۇجىسى، مۇئاۋىن مۇدىرى، مۇدىر مۇخبىر 

  ئەسكەرتىش:ئاپتورنىڭ ھاۋالىسى بىلەن يوللاندى.

ئاللاھ ئىگىمىز بىزگىمۇ شۇنداق ئامەت ۋە جاسارەت ئاتا قىلسۇن.

ھارمىغايسىلەر ماسكا تاقىۋالغان شاتۇت مۇخبىرلار  

بۇ شوئار كونا زاماننى ئەسلىتىپ قويدى.
<<«قەشقەر گېزىتى» مۇخبىرلىك-ئالاقىچىلىك مەركىزى پارتىيە ياچېيكىسىنىڭ شۇجىسى، مۇئاۋىن مۇدىرى، مۇدىر مۇخبىر >> دېگەننىڭ قەلەم كۈچى شۇ بولسا..................................................چاغلىقكەن.

مېنىڭ پارتىيە گېزىتىنىڭ ياراملىق بىر مۇخبىرىغا ئايلىنالىشىمدا ئۆزۈمنىڭ تىرىشچانلىقىدىن سىرت، يەنە ئاتا - ئانام، ئوقۇتقۇچى - ئۇستازلىرىم، ئەل - بۇرادەر ۋە كەسىپداشلىرىمنىڭ يېقىندىن كۆڭۈل بۆلۈپ تەربىيەلىشى ۋە ئىلھام - مەدەت بېرىشىنىمۇ نەزەردىن ساقىت قىلىشقا بولمايدۇ.    ھەجەپ تولۇق ئويلاپتۇ ما ئاداش ھاياتتىكى مۇھەببەتنى،،

مېنىڭمۇ ئۆمۈرلۈك قىزىقىشىم ئاخبارات ئىدى ،،،مىڭ ئەپسۇس ،،،تەغدىرىم ماڭا كۈلۈپ باقمىدى ،،،
ئارزۇيۇمنڭ ئەكىسچە پۇل  مۇئامىلە ساھەسىگە باغلىنىپ قالدىم ،،، ،،،،

ماڭا بىرى ئەڭ زىرىكەرلىك ئىش نىمە دىسە پۇل ساناش دەپ جاۋاب بىرىمەن.

ئىشلىتىش

بۇ مەزمۇن 5قەۋەتتىكى xahruh نىڭ 2011-11-05 11:07 يوللىغان يازمىسىغا نەقىل :
مېنىڭمۇ ئۆمۈرلۈك قىزىقىشىم ئاخبارات ئىدى ،،،مىڭ ئەپسۇس ،،،تەغدىرىم ماڭا كۈلۈپ باقمىدى ،،،
ئارزۇيۇمنڭ ئەكىسچە پۇل  مۇئامىلە ساھەسىگە باغلىنىپ قالدىم ،،، ،،،،

ھەقىقى ئۇيغۇركەسىز ،،،،،قوي ساناش خۇش ياقىىدىغۇ دەيمەن ،،،،،،،،،،،،

ئەسلى باشلىق ئەپەندىمكەنغۇ؟
مۇخپىرلىق؟ بۇ بۇ ...........................ماۋزۇدا مەسىلە بارمۇ قانداق ؟