رېيتېر ئاگېنتلىقى، ۋاشىنگتون، 26-ئۆكتەبىر خەۋىرى] ئامېرىكا مالىيە مىنىستىرلىقىنىڭ يۇقىرى دەرىجىلىك ئەمەلدارى سەيشەنبە كۈنى: ئامېرىكا زۇڭتۇڭى ئوباما 11-ئايدا ئۆتكۈزۈلىدىغان خەلقئارا باشلىقلار يىغىنلىرىدا، جۇڭگونى خەلق پۇلىنىڭ كۇرسىنى تېخىمۇ تېز ئۆستۈرۈش ھەققىدە ھەرىكەت قوللىنىشقا دەۋەت قىلىدۇ، دېدى.
   ئامېرىكىنىڭ مۇئاۋىن مالىيە مىنىستىرى براينارد پارلامېنتتىكى مەخسۇس گۇرۇپپىنىڭ گۇۋاھلىق ئاڭلاش يىغىنىدا مۇنداق دېدى: پات ئارىدا ئۆتكۈزۈلىدىغان 20 دۆلەت باشلىقلار سۆھبىتى، ئاسىيا-تىنچ ئوكيان رايونى ئىقتىسادىي ھەمكارلىق تەشكىلات مۇنبىرى ھەم شەرقىي ئاسىيا باشلىقلار يىغىنى ئوباما زۇڭتۇڭغا «رەئىس خۇ جىنتاۋ بىلەن خەلق پۇلىنىڭ پېرېۋوت نىسبىتى مەسىلىسىنى ھەل قىلىش توغرىسىدا كېڭىشىش ۋە ئۇنىڭغا داۋاملىق تۈرتكە بولۇش پۇرسىتى يارىتىپ بېرىدۇ، دېدى.
    براينارد مالىيە مىنىستىرلىقىنىڭ ئەسلىدە 15-ئۆكتەبىر ئېلان قىلماقچى بولغان جۇڭگونىڭ پېرېۋوت نىسبىتىنى كونترول قىلغان-قىلمىغانلىقى توغرىسىدىكى يىللىق ئوتتۇرا مەزگىللىك دوكلاتىنى كېچۈكتۈرگەنلىكى توغرىسىدا توختالغاندا: بىز بۇ بىرقاتار مەسىلىلەرنى ھەل قىلىش مۇساپىسىنى ئىلگىرى سۈرۈش پۇرسىتىگە ئېرىشىشنى ئۈمىد قىلىمىز، دېدى.
   براينارد: 11-ئاينىڭ ئوتتۇرىلىرىدا بىرقاتار باشلىقلار يىغىنلىرى ئۆتكۈزۈلىدۇ، بۇ مالىيە مىنىستىرلىقىنىڭ شۇ چاغدا بۇ دوكلاتنى ئېلان قىلىشىغا يول ھازىرلاپ بېرىدۇ، دېدى.
   [ئامېرىكا بىرلەشمە ئاگېنتلىقى، ۋاشىنگتون، 25-ئۆكتەبىر خەۋىرى] ئاۋام پالاتاسىدىكى قانۇن تۇرغۇزغۇچىلار پارلامېنتنىڭ قانۇن تۇرغۇزۇش ئارقىلىق، خەلق پۇلىنىڭ پېرېۋوت نىسبىتىنى قەستەن تۆۋەنلىتىۋاتقان جۇڭگونى جازالاش-جازالىماسلىق توغرىسىدا بىردەك پىكىرگە كېلەلمەيۋاتىدۇ.
   جۇمھۇرىيەتچىلەر پارتىيەسىدىكى نۇرغۇن قانۇن تۇرغۇزغۇچى كېڭەش پالاتاسى ئىككى ھەپتە ئىلگىرى ماقۇللىغان قانۇن لايىھەسىگە قارىتا ئۆز پىكرىنى ساقلاپ قالدى. ئەگەر جۇڭگو خەلق پۇلىنىڭ پېرېۋوت نىسبىتىنى قايتىدىن تەڭشىمىسە، بۇ قانۇن لايىھەسى مەزكۇر دۆلەتتىن جازالاش خاراكتېرلىك تاموژنا بېجى ئېلىش تەھدىتى شەكىللەندۈرىدۇ.
   ئاۋام پالاتاسى مەبلەغ توپلاش كومىتېتىنىڭ رەئىسى، مېچىگان ئىشتاتىدىن كەلگەن جۇمھۇرىيەتچى كامپ: بەزى پارلامېنت ئەزالىرى قانۇن تۈزۈشنى پېرېۋوت نىسبىتىنى كونترول قىلىش مەسىلىسىنى بىر تەرەپ قىلىدىغان «شىپالىق دورا» دەپ قاراۋاتىدۇ. لېكىن، راستىنلا شۇنداق قىلىدىغان بولسا، باشقا نۇرغۇن جەھەتتە بىزنىڭ جۇڭگو بىلەن بولغان مۇناسىۋىتىمىزگە تەسىر يېتىدۇ، دېدى.
    ئاقسارايمۇ كېڭەش پالاتاسى ماقۇللىغان قانۇن لايىھەسىنى قوللىمىدى. ئۆكتىچىلەر: بۇ قانۇن لايىھەسى جۇڭگو بىلەن ئامېرىكا ئارىسىدا سودا ئۇرۇشى پەيدا قىلىشى مۇمكىن، دەپ ئاگاھلاندۇردى.
    [«ئامېرىكا ئاۋازى» رادىيو ئىستانسىسى تور بېكىتىنىڭ 25-ئۆكتەبىر خەۋىرى] ئامېرىكىنىڭ سابىق مالىيە مىنىستىرى پاۋلسون سەيشەنبە كۈنى ۋاشىنگتوندا جۇڭگونىڭ پېرېۋوت نىسبىتى ئىسلاھاتىنى تېزلىتىشىنى مۇراجىئەت قىلدى. ئۇ: بۇ جۇڭگونىڭ مەنپەئەتىگە ئۇيغۇن بولۇپلا قالماي، بەلكى ئېچىۋېتىلگەن كاپىتال بازىرىغا پايدىلىق، دېدى. لېكىن ئۇ يەنە: ئامېرىكا پارلامېنتىنىڭ ھازىر خەلق پۇلى مەسىلىسىگە قارىتا جازالاش خاراكتېرلىك تەدبىر قوللىنىشقا تۈرتكە بولىدىغان قانۇن لايىھەسىنى يولغا قويۇشى مەسىلىنى ئۈنۈملۈك ھەل قىلىدىغان توغرا چارە ئەمەس، دېدى.
  پاۋلسون: پارلامېنتنىڭ خەلق پۇلى توغرىسىدىكى قانۇن لايىھەسى ئارقىلىق باشقا بىر دۆلەتنىڭ ھەرىكىتىگە قوماندانلىق قىلىپ «بۇنداق قىلمىساڭلار سىلەرنى جازالايمىز» دەپ تەھدىت سېلىشى مېنىڭچە توغرا ھەم ئۈنۈملۈك ئۇسۇل ئەمەس، دېدى.

ئۇنداق قىلسا بولماي دۇ ،،ئىتراز بۈلدۈرمىز.   

  تاشقى ئىشلارمىنىسترىمىز نىمىش قىلىۋاتقاندۇ ئىتىراز بىلدۇرمەي

ئۇمۇ ئىتىراز بىلدۈرۈشكە تىرىشچانلىق كۆرسىتىۋاتقاندۇ بەلكىم.

ئىشلىتىش

بۇ مەزمۇن 3قەۋەتتىكى dulbarqin310 نىڭ 2011-10-29 18:10 يوللىغان يازمىسىغا نەقىل :
ئۇمۇ ئىتىراز بىلدۈرۈشكە تىرىشچانلىق كۆرسىتىۋاتقاندۇ بەلكىم.

            مەن   نىمە  كۇيدا   ،   ئىشىگىم   نىمە   ئويدا