تۆمۈر قاچا… تۆمۈر قاچا.


ئۇف… ئەسلى چۈشۈمكەندە …. 
تىپىرلاپ ئويغۇنۇپ چىلىق-چىلىق تەرگە چۆمۈپ كەتكەن ئىدىم. چۈشۈمدە ھەيۋەتلىك ئېگىز بىنا دېگۈدەكمەن. لىفىتتىن بىراقلا تۆمۈر قاچا ئىچىگە چۈشۈپ قالغۇدەكمەن. ….
ئاپامنىڭ ئاۋازى ئاڭلىنىشقا باشلىدى.
-بۇ بالا يەنە جۆيلىگىلى تۇردى دېسە….
-دادىسى….-بۇ قېتىم چوقۇم پۇل خەجلەيلى. قانچە پۇل كەتسە مەيلى … بولمىسا تايىنلىق تۆمۈر قاچىنى پۇلغا سېتىۋالايلى….ئاڭلاۋاتاملا……. بۇ مەزمۇن ئىلقۇت بلوگىدىن كۆچۈرۈلگەن
مېنىڭ دۆلەت مەمۇرلىقىغا ئىمتىھان بېرىۋاتقىنىمغا 3 يىل بولغان ئىدى. ھەر قېتىملىق ئىمتىھاندا پەقەت بىر نەچچە نۇمۇرۇملا كەملەپ قېلىۋاتاتتى. شۇ تاپتىكى خىيالىم يېقىندىن بۇيانقى روھىي ھالىتىمگە تۇتاشتى. ئاچچىق ھەم تاتلىق خىياللار ئىچىدە تەشۋىشلىنىدىغان، ئىچىم تىتىلداپ، ئۈمىدسىزلىك كەيپىياتى ئارزۇ ئارمانلىرىمنى خىرەلەشتۈرمەكتە ئىدى. پەقەت روھىي ئېلاستىكىلىقىم تۈپەيلى گاھىدا شىرىن خىيال كۈچىدىن ئۇزۇق تاپاتتىم…


تېلېفون، تورلاردىن ساۋاقداشلىرىمنىڭ ئۇچۇرلىرىنى ئاڭلاپ تۇراتتىم. بولۇپمۇ يېقىندىن بۇيانقى خەۋەرلەر كىشىنى ھەيران قالدۇراتتى. ئۇ ساۋاقداشلىرىم ئىچىدە «كىتاپ خالتىسى» دەپ نامى بار بىز ئانچە كۆزگە ئىلمايدىغان، شەنبە يەكشەنبە كۈنلىرى مەدىكاردەك قارا ئىش قىلىپ، پۇل تېپىپ تۇرمۇشىنى قامدايدىغالىرى توغرىسىدا … خەۋەرلەر ئاجايىپ ئىدى.
-ھازىر ئانداق پۇل تېپىپتۇ… مانداق پۇل تېپىپتۇ… مانداق يەردا ئىشلەپتۇ… پالانى ساۋاقدېشىمىز كارخانىدا مال زاكاز قىلغۇچىكەنتۇق ھازىر ئەستايىدىللىقىدىن باشلىقىغا ياراپ قېلىپ كاتىپلىققا ئۆستۈرۈلۈپتۇ… پۇستانى ساۋاقدېشىمىز شىركەت ئالدىدا ئېلان قەغىزى تارقىتىشتىن پىلان لايىھەلەش بۆلىمىگە يۆتكىلىپتۇ دېگەندەك يېڭى خەۋەرلەرنى پات-پاتلا ئاڭلايدىغان بولۇپ قالغان ئىدۇق


بۇ ئۆيدە كۈنلىرىم ئىمتىھان خەۋىرىنى كۈتۈش، يەنە كېلەر قېتىملىق ئىمتىھانغا تەييارلىق قىلىش ئۈچۈن كىتاپ كۆرۈش، ئۆيدىكىلەر بىلەن پسىخىك جېڭى قىلىش بىلەن ئۆتىۋاتاتتى. گاھىدا خىيالغا غەرق بولسام، گاھىدا بىنانىڭ ئەڭ ئۈستى قەۋىتىگە چىقىپ، بارلىق ئاۋازىم بىلەن «تۆمۈر تاۋاق!»….«تۆمۈر تاۋاق!»….دەپ توۋلايدىغان بولۇپ قالغان ئىدىم..


مانا چۈشلىرىمدىمۇ «تۆمۈر تاۋاق!»… ئائىلىمىزدىكىلەرنىڭ ئولتۇرسا قوپسا دەيدىغىنىمۇ شۇ سۆز…


مېنىڭ ئۈچ يىلدىن بېرىقى 1080 كۈنۈم، 25920 سائەت ۋاقتىم، 1555200 مىنۇتۇم، 93312000 سكونت…. دەقىقە ۋاقتىم پۈتۈنلەي تۆمۈر تاۋاقنىڭ زەنجىر كىشەنلىرىگە چىرمىشىپ ئۆتكەن ئىدى. ئۇ «تۆمۈر تاۋاق» مەن ئۈچۈن ئەمدى مەۋھۇم نەرسە سۈپىتىدا خىرەلەشمەكتە ئىدى.

ئاھ… خۇدا … ئۈچ يىلدىن بېرى يوقاتقان نەرسەم نېمىدۇ؟….. ئۆز-ئۆزۈمگە نېمە ئۈچۈن دېگەن سۇئاللارنى ياغدۇرۇشقا باشلىدىم.

مانا «تۆمۈر تاۋاق!»…. «تۆمۈر تاۋاق!»…. بۇ ئاۋازىم بىلەن ئەمدىلا ئورۇنلىرىدىن تۇرۇشقان ئۆيدىكىلار ھوجرامغا يۈگۈرۈپ كىرىشتى… ئۇلار نېمە دېيىشىنى نېمە قىلارىنى بىلمەي داڭ قېتىپ قېلىشقان ئىدى. چۈنكى مەن شىرە ئۈستىدىكى ئىستاكاننى يەرگە ئېتىپ سۇندۇرغان ئىدىم. ئاپامنىڭ يىغلاپ قۇچاقلىشى بىلەن ئارىدىكى جىمجىتلىق بۇزۇلدى…
-جېنىم بالام….! -بولدى… بولدى… ئەمدى «تۆمۈر تاۋاق» ئىمتىھانىغا زورلىمايمىز….كۆڭلۈڭ خالىغان يەردە ئىشلە جېنىم بالام … بولدى… چېقىلسۇن ئىستاكان بىلەن تەڭ «تۆمۈر تاۋاق»……ئىلقۇت بىلوگىدىن ،،،،،،

بىزنىڭ بېشىمىزغىمۇ كېپ قالدى بۇ  كۈن مانا    

تۆمۈر تاۋاق بالاسى، ئاخىرى سىنىڭ تاۋۇشىڭ ئاڭلانمايدىغان جايغا كەتمىسەم بولمىدى.  

تۆمى تاۋاق    داداممۇ بەك ئامراق مۇشۇ گەپكە

ئەتىراپىمىزدا  پەرزەنتىنىڭ  بەختىنى مۇشۇ  «  تۆمۈر تاۋاق  »  مەھكەم  باغلىۋالغان  ئاتا  -  ئانىلارمۇ كۆپ .

قابىلىيەتلىكلەرنى كۆمۈپ قويغان شۇ<<تۆمۈر تاۋاق >> بالدۇرراق چېقىلسا ياخشى.

يوقالسۇن ئاتالمىش تۆمۈر تاۋاق.تۆمۈرتاۋاقنى دەپ قۇل بوپ ياشاش ئاقىلانىلىق ئەمەس قىرىنداشلار.               

تۆگىنىڭ قۇيرقى بولغۇچە ، خورازنىڭ تاجىسى بول دەپتىكەن كونىلار

ھەي ئادەمنىڭ ئىچىنى شىقىدىغان بىرگەپ دەڭلا بۇ(بولوپمۇ مىنىڭ)مىنىڭ ئائىلەمدىكىلەر گەرچە نامازلىرنى تاشلىمىسىمۇ ئەمما بەك ئامراق ئۇ نەرسىگە .يۇركۇمنى سقىدىغىنى مەنمۇ مەكتەپتە ئالدىنقى قاتاردا ئوقوپ تۇرۇپ 2قىتىم ئوتەلمىگەن ئۇ بىر نىمگە ئاخىر ئانام دادامنىڭ يىشى قۇرماي مەندەك ئاخرقى خىزمەتكە چىقالممىغان بالسىغا دۇئالارنى قىلدى.ئاللاھ پىشانەمگە نىمە پۇتتىكىن ئاران ئۆتكەندە بولسا 7.5چىقتى .مىيسەيفۇنى مەجبۇرى كىيىپ چارلاش مىنىڭ جۇمەگە چىقالماي سىقىلغان كۆڭلۇمنىڭ چىكىنى بۇزدى.شۇنىڭ بىلەن جانابى شۇجى بىلەن ئۇرشۇپ قالدىم ۋە كۆپچىلىك ئارسىدا ئولسەممۇ ئىشلىمەيمەن دىگەن گىپىمگە ئەمەل قىلىپ شۇجىنى بىر قوساق تىللىۋىلىپ (كۆپچىلىككە يىغىن ئىچۋاتقان سورۇندا)قوسارساق كۆپۇكۇمنى چىقىرىۋىلىپ بىكاچى نانقىپى بولدۇم.ۋە ئاچچىغىمدا قاتتىق پۇل تاپىمەن دەپ تىجارەت قىلدىم ۋە خىلى زىيانلارنى تارىتتىم .لىكن ئويلاپ باقسا بۇ بىر تەقدىركەن .ھازىر شۇنداق قىلغىنىمغا شۇكۇر دەيمەن.گەرچە پۇلنى ئويلىغىنىمدەك جىق تاپمىساممۇ ھەرھالدا مۇئاشچىلاردىن كۆپېرەك تاپتىم.ۋە ياخشى يوللارغا چىقىم قىلدىم.ئاتا ئانام ھازىرمۇ مىنى ئارلاپ تىللاپ قويدۇ(زىيان تارىتقىمىمنى ئاڭلسلا)لىكىن ھايات ماڭا شۇنى ئۇقتادىكى ئاللھنىڭ راززاقلىق سۇپتىنى شۇنداق بەك بەك ھىس قىلدىم.
مەنمۇ شۇ تۇمۇر تاۋاقى باردوسلارغا ۋە شۇنىڭ ئۈچۈن كۆرەش قىلۋاتقانلارغا دەيمەنكى ئايرىلىپ قىلىش ياكى ئىرشەلمەسلىك بەك موھىم ئىش ئەمەس،(بىر دوستۇم بۇنىڭ ئۇچۇن تىرشىۋاتقىلى 10يىل بولدى،ھازىرقىچە نەسھەت قىلپ ئاڭلىتالمىغان ئىدىم سىلەرگىمۇ دىسەممۇ پايدىسى يوق)
چىقىلدىغانغىمۇ ئازلا قالدى بولمىسا!