ئىشلىتىش
بۇ مەزمۇنfayet نىڭ 2011-10-19 15:17 يوللىغان يازمىسى موللامدا پەتىۋا تولا !!! :
ئۇنداق ئەمەس ئىسلام دۇنياسېدا ئەزەلدىن پىكىر بىرلىكى بولۇپ باقمىغان .
ئۆز--ئارا دىنى ئىختىلاپلار ، مەزھەبلەر ئوتتۇرسىدىكى جەڭگە -جىدەللەرنىڭ ھازىرغىچەھيىغى بىسىققىنى يوق .
مەن دىننى ھەر جەھەتتىن تولۇق چۇشنىمەن دەپ قارايمەن . چۈنكى مەن دىنى مەكتەپتىلا ئوقىغان . ئۇنداق قۇرۇق پەتىۋا بىلەن ئوزىمىزنى ئۆزىمىز چۈشۈپ قويماي ، ئۆزىمىزنىڭ ئىنسانى پەزىلتىگە ،ۋىجدان تارازىسىغا سىلىپ كۆرۈپ توغرا يولدا ماڭساق بولمامدۇ دەيمەن .
.......
تېما ئىگىسى ئەپەندىم، گەپ-سۆزلىرىڭىزدىن دىنى مەكتەپتىلا ئوقىغان دىگەن دەۋايىڭىزغا يارىشا ئازراقمۇ دىنى مەكتەپنىڭ توپىسى يۇققاندەك ئەمەس سىزگە، سىز دىننى تولۇق چۈشۈنۈش ئەمەس بوسوغىسىدىنمۇ خاتا ئاتلاپ قالاي دەۋىتىپسىز، مەھەللىڭىزنىڭ سىرتىغا چىقمايلا ئىسلام دۇنياسى پىكرى جەھەتتىن ئانداق بىسىقمىغان، دىن دىگەننى ۋىجدان تارازىسىغا سىلىپ تۇرۇپ توغرا ماڭساق بولىۋىرىدۇ يەي دىگەندەك سەپسەتىلەرنى مۇنبەرگە كۆتۈرۈپ چىقىپ بۇ يەردە ساتمىسىڭىزمۇ بولىدۇ.
سىزنىڭچە بولسا ئىسلام دۇنياسىدا پەقەت پىكر بىرلىكى يوقلىقى ۋە مەزھەب جىدىلى بىسىقمىغىنى ئۈچۈن ھەركىم دىننىڭ يولىدا ماڭىمەن، دىن ئەھلىدىن پەتىۋا سورايمەن دەپ ئاۋارە بولمىسىمۇ كۆڭلى نىمىنى دەپ توغرا تاپسا ماڭىۋەرسە بولىدىكەندە!
ئۆزىڭىزنى دىنى مەكتەپتىلا ئوقىغان دىگىنىڭىز بىلەن ھىلىقى «دادىسى ئۆلۈپ كەتسە نەزىر قىلماسلىق دەيدىغان پەتىۋا قايسى كىتاپتا باركەن ؟ » دەيدىغان موللامدىن پەرقىڭىز يوق بالىكەنسىز.
ئىسلام دۇنياسىدا پىكىر بىردەكلىك بارمۇ يوقمۇ ئايرىم مەسىلە، مەزھەپ جىدىلى ئۇ ئۆز ئالدىغا بىر مەسىلە، نۆۋەتتە بىر شەخسنىڭ دىنىنىڭ كۆرسەتمسىنى بىلىش ئۈچۈن دىن ئەھلىدىن پەتىۋا سورىشى بۇ بىر مەسىلە.
ھەركىم كۆڭلى توغرا تاپقاننى ماڭىۋىرىدىغان ئىش بولسا بۇ دىننىڭ نىمە كېىرىكى ئىنسانىيەتكە، قويۇپ بەرسىڭىز ماركىسنىڭمۇ ئۆز كۆڭلىدە تۇتۇپ ماڭغان يولى 100 پىرسەن توغرا.
سىز بىر ئاڭلىق دىن ئوقىغان ئادەم بولسىڭىز مەسىلىگە ئۇنداق خىيالى نۇقتىدىن قارىماي مەسىلىنى ئىلمى يول بىلەن كۈزىتىسىز.
موللامدا پەتىۋا تولا دەپ موللامنى سېىسىتىماي مەسىلىگە ئىلمى قاراشنى ئۈگۈنۈڭ! موللامنىڭ كۆپ پەتىۋا بىلگىنى موللام ئۈچۈن ئەيىپ ئەمەس، چۈنكى موللام دىن ئىلمىنى بىلگەنلىكى ئۈچۈن پەتىۋانى ئاشۇنداق جىق بىلىدۇ، موللام دىن ئىلمىنى ۋە ھۆكۈم پەتىۋا قاتارلىقلارنى كۆپ بىلگىنى ئۈچۈن ئۇ موللا، بۇ نۇقتىدىن موللامدا پەتىۋا ھەقىقەتەن تولا، ئەمما موللام ئىسمى ئاتىلىپ قالغان، ئىلمى قابىليتى سىزدىن بىر غىرىچ ئۇيان ياكى بۇيان پەرقى بار ئىمام ئاخۇنۇملار بىلەن ھەقىقى ئىسمىغا لايىق ئىلمى بار، جامائەتكە توغرا يىتەكچى بولالايدىغان ئىمام-موللىلارنى پەرق ئىتەلمەستىن «موللام دىگەننىڭ پەتىۋاسى جىق، ئۇلارغا مۇراجىئەت قىلىپ يۈرمەي ئۆزەڭ كۆڭلۈڭ توغرا دىگەننى قىل» دىسىڭىز بۇ ئىنتايىن ئۆتە نادانلىق بولىدۇ.
بىراۋ شەرىئەتنىڭ كۆرسەتمىسىنى بىلەي دەپ موللامنىڭ ئالدىغا بارسا ۋە ئۇ بارغاندىمۇ ئىتىراپلىق ئەھلى ئىلىمنىڭ ئالدىغا بارماي ئاخىردا ئالغان جاۋابىدىن گاڭگىراپ يۈرسە، سىز ئۇنى شەرىئەتنى ئۆزىڭىزدىن تېخىمۇ ياخشىراق بىلىدىغان بىر ئەھلى ئىلمىنىڭ يىنىغا باشلاپ قويۇش ئۇياقتا تۇرسۇن ئۆز ئالدىڭىزغا «كۆڭلىڭىز نىمىنى توغرا دىسە شۇنى قىلىڭ!» دەپ پەتىۋا پىچىپ ئارقىدىن ئاشۇنچىلىك ئىشلارنى ئىسلام دۇنياسى ۋە ئىسلام مەزھەپ ئېقىملىرى بىلەن باغلاپ پىتنە خاراكتىرلىك يۈشۈرۈن ئىدىيەلەرنى مۇنبەرگە چاچقىنىڭىزنى سىزچە قايسى شەرىئەتكە سالساق بولا، سىزنىڭ مۇشۇنداق ئىلىمسىز جۆيلۈشلەرنىمۇ كۆڭلىڭىز توغرا دەپ پەتىۋا پىچقاچقا دەۋاتىدۇ دەپ چۈشەنمەي نىمە دەپ چۈشىنىش مۇمكىن؟
سىز دىيشىڭىز مۇمكىن: «شۇنچىلىك ئىشنىمۇ موللامدىن سورىماي ئۆزى بىلىپ بىر ئىش قىلسا بولىدۇ ئەمەس، ئۇششاق ئىشلارنى سوراپ نىمە قىلىدۇ؟» دەپ، بىراۋنىڭ سەدىقە قىلىش ئۈچۈن ئەڭ ئەۋزەل يولنى ئىزدىشى ھەرگىزمۇ موللامدىن سورىمىسىمۇ بولىدىغان ئىش ئەمەس، ئەگەر ئۇ قايسى يول ئارقىلىق ئەڭ ئەۋزەل ۋە توغرا سەدىقە قىلىش يولىنى بىلمەي قاپتۇ، دىمەك ئۇنىڭ موللامدىن سورىشى ھەق، موللامدىن سورىماي كادىردىن سورامتى سىزچە؟ ئەمما مەسىلە ئاشۇ كىشىنىڭ بىلمىگىنىنى سوراش ئۇچۈن تاپقان ئادىمىدە، ناۋادا ئۇ مەسىلىسىنى كۆڭلى توق بولغان ھەقىقى موللامدىن سوراپ شۇنىڭ كۆرسەتمىسى بويىچە قىلسىلا مەسىلىسى پۈتەتتى، بىراق ئۇ بىردىن سوراپ قانائەت قىلماي ئالدىنقىدىن ئۆتەراق بىرىدىن ئىككىنجى قىتىم سوراپت،ۇ ئۇنىڭ جاۋابىغىمۇ بىشى قېتىپ ئۇنىڭدىنمۇ ئۆتە سىزنى تېپىپ سوراپتۇ، دىمەك مەسىلىنىڭ ئىسلام دۇنياسى ۋە ھەقىقى موللىلار بىلەن مۇناسىۋىتى يوق، بەلكى مەسىلە سورىغۇچى ۋە جاۋاب بەرگۈچىلەر ئارىسىدىكى بىر مەيدان نادانلىق تىراگىدىيسى ئىكەن، ئەمدى سىز ئۇنىڭغىمۇ بولدى قىلماي نادانلارچە كالتا چۈشەنچىلىرىڭىز بىلەن ھەرخىل ئاقماس باھالارنى مۇنبەرگە بازارغا سىلىپ ئولتۇرۇپسىز، دىننى توغرا چۈشۈنۈپ توغرا يەتكۈزۈش، توغرىنى بىلمىسە سۈكۈت قىلىپ ئۈگۈنۈشنى داۋام قىلىش دىن ئوقىغانلاردىكى مەسئۇلىيەت ۋە مەجبۇرىيەت ھېسابلىنىدۇ. يەنە كىلىپ موللامدا پەتىۋا تولا دەپ دىن ئەھلىگە قارا قويۇق تەنە قىلىدىغان دىن ئوقىغانلاردىن سادىر بولغان ئىش ئەمەس، شۇڭا سىز بىر دىن ئوقۇغان ئادەم تۇرۇپ بۇنداق تېتىقسىز تېمىدا بىر نەرسە يوللىسىڭىز بۇ بەك ئەپسۇسلىنارلىق ئىش بولىدۇ. ئاللاھ سىزنى توغرانى توغرا چۈشۈنىشىڭىزگە مۇۋەپپەق قىلسۇن!
