]تۇرسام................



قانداق باراي ئالدىڭغا بوۋا،چىرىغىڭنى ئۆچۈرگەن تۇرسام،
سەن قالدۇرغان ئەنئەنىنى ئائىلىدىن كۆچۈرگەن تۇرسام.
ئۆزۈم ئەمەس ھاتتا بالامنى شۇ ئىشلارغا كۆندۈرگەن تۇرسام،
خازان قىلىپ بىغىڭنى تامان مەن شۈمبۈيا ئۈندۈرگەن تۇرسام.



ئۇسۇل ئويناپ ياتلار دېپىغا تەمبۇرۇڭنى سۇندۇرغان تۇرسام،
ھاياسىزلىق يامان ئەخلاقنى مىھمان قىلىپ قوندۇرغان تۇرسام.
بوۋاڭ ئىزى قېنى دىگەننى ھەسرەت بىلەن ياندۇرغان تۇرسام،
ئەۋلادىمنى ئەجداتلىرىدىن بىلىندۇرمەي تاندۇرغان تۇرسام.



بوۋا كىيگەن چەكمەن تونوڭنى،ئوتقا تاشلاپ كۆيدۇرگەن تۇرسام،
بۇ ئىشىمدىن مودا پەرەسنى خوشال قىلىپ كۈلدۈرگەن تۇرسام.
كەيگىم كەلمەس بادام دوپپاڭنى،ئۇنى ئۆيدە قالدۇرغان تۇرسام،
پەردازخاندا چىچىمنى شۇنداق مودا شەكىل ئالدۇرغان تۇرسام.



ئەتلەس كۆينەك كەيمەس خوتونۇم،«نىيۇزەيكۇ»غا كۆندۇرگەن تۇرسام،
سۇمبۇل چىچى قېنى دىمىگىن ئۇنى ئۆزۈم كەستۇرگەن تۇرسام.
«شىيۇۋشەن»يۇردەپ خوتون قىزىمنى كونىلىقتىن تەزدۇرگەن تۇرسام،
ياغلىقىنى سورىما بوۋا ، ئەركىنلىكتە كەزدۇرگەن تۇرسام.



بۇ ئىشلارنى يامان كۆرىسەن لىكىن ئۆزۈم ئۇگەتكەن تۇرسام،
بايراقدارى بولوپ دەۋىرنىڭ ئەجدات نامى تۇگەتكەن تۇرسام.
بوۋىلارنى نادانغا جوراپ، يىڭى يوللار كۆرسەتكەن تۇرسام،
ئۇنتۇلدۇرۇپ ئانا تىلىنى ياتلار سۆزى سۆزلەتكەن تۇرسام.



قانداق باراي ئالدىڭغا بوۋا كۆپ خاتانى باشلىغان تۇرسام،
سېنى تاشلاش بىلەن ئاقىۋەت ئۆزەمنىمۇ تاشلىغان تۇرسام.
سەندىن قالغان مەندە يوقالدى،مەن مۇشۇنداق زارلىغان تۇرسام،
مىنى كىممۇ ئەزىزلىرىم دەر مەن سىلەرنى خارلىغان تۇرسام.

ئەسسالامۇ ئەلەيكۇم .  ئاللا رەھمەت قىلسۇن قېرىندىشىم.  مۇشۇنداق ياخشى شىېئىرلارنى داۋاملىق يوللاپ تۇرغايسىز.