قانۇنسىز ئادەم ئىشلەتكەن ئورۇندا ئىش ئۈستىدە ئۆلگەن-يارىلانغانلارنىڭ تۆلەم پۇلى قانداق ھېسابلىنىدۇ؟

ئالاقىدار بەلگىلىمىلەرگە ئاساسلانغاندا، قانۇنسىز ئادەم ئىشلەتكەن ئورۇنلارنىڭ ئىشچى-خىزمەتچىلىرى ھادىسىگە ئۇچراپ ئۆلگەن-يارىلانغان ياكى كەسپىي كېسەل بولغان بولسا، يارىلانغان، مېيىپ بولغان ئىشچى-خىزمەتچىگە ياكى ئۆلۈپ كەتكەن ئىشچى-خىزمەتچىنىڭ بىۋاسىتە تۇغقانلىرىغا بېرىلىدىغان تۆلەم پۇلىنى ئادەم ئىشلەتكەن شۇ ئورۇن ئۈستىگە ئالىدۇ. قانۇنسىز ئادەم ئىشلەتكەن ئورۇندا ھادىسىگە ئۇچراپ ئۆلگەن-يارىلانغان ياكى كەسپىي كېسەل بولغان ئىشچى-خىزمەتچىلەر ئىش ئۈستىدە ئۆلۈش-يارىلىنىش سۇغۇرتىسى تەمىناتىدىن بەھرىمەن بولالمايدۇ، لېكىن ئۇلارغا بېرىلىدىغان تۆلەم ئۆلچىمى ئىش ئۈستىدە ئۆلۈش-يارىلىنىش سۇغۇرتىسى تەمىناتىدىن تۆۋەن بولمايدۇ.
قانۇنسىز ئادەم ئىشلەتكەن ئورۇن دىگەندە، تىجارەت گۇۋاھنامىسى يوق ياكى قانۇن بويىچە تىزىمغا ئالدۇرمىغان، ئەنگە ئالدۇرمىغان ئورۇن، شۇنىڭدەك تىجارەت گۇۋاھنامىسى قانۇن بويىچە بىكار قىلىنغان ياكى تىزىملاش، ئەنگە ئېلىش بىكار قىلىنغان ئورۇننى ياكى بالا ئىشچى ئىشلەتكۈچى ئورۇننى كۆرسىتىدۇ.
قانۇنسىز ئادەم ئىشلەتكەن ئورۇنلارنىڭ ئىشچى-خىزمەتچىلىرى ھادىسىگە ئۇچراپ ئۆلگەن-يارىلانغان ياكى كەسپىي كېسەل بولغان بولسا، يارىلانغان، مېيىپ بولغان ئىشچى-خىزمەتچىگە ياكى ئۆلۈپ كەتكەن ئىشچى-خىزمەتچىنىڭ بىۋاسىتە تۇغقانلىرىغا بىرلا قېتىملىق تۆلەم پۇلى بېرىلىدۇ.
بىرلا قېتىملىق تۆلەم پۇلى بېرىشتە، ئادەم ئىشلەتكۈچى ئورۇن تۇرۇشلۇق جايدىكى ئىشتا يارىلىنىش سۇغۇرتىسىنى بىر تۇتاش غەملىگەن رايوننىڭ ئالدىنقى يىللىق ئىشچى - خىزمەتچىنىڭ ئوتتۇرىچە ئىش ھەققى تۆلەم تۈپ سانى قىلىنىپ، 1 - دەرىجىلىك مېيىپقا  تۆلەم تۈپ سانىنىڭ 16 ھەسسىسى بويىچە، 2 - دەرىجىلىك مېيىپقا  تۆلەم تۈپ سانىنىڭ 14 ھەسسىسى بويىچە، 3 - دەرىجىلىك مېيىپقا  تۆلەم تۈپ سانىنىڭ 12 ھەسسىسى بويىچە، 4 - دەرىجىلىك مېيىپقا  تۆلەم تۈپ سانىنىڭ 10 ھەسسىسى بويىچە، 5 - دەرىجىلىك مېيىپقا  تۆلەم تۈپ سانىنىڭ 8 ھەسسىسى بويىچە، 6 - دەرىجىلىك مېيىپقا  تۆلەم تۈپ سانىنىڭ 6 ھەسسىسى بويىچە، 7- دەرىجىلىك مېيىپقا  تۆلەم تۈپ سانىنىڭ 4 ھەسسىسى بويىچە، 8 - دەرىجىلىك  مېيىپقا  تۆلەم تۈپ سانىنىڭ 3 ھەسسىسى بويىچە، 9 - دەرىجىلىك مېيىپقا  تۆلەم تۈپ سانىنىڭ 2 ھەسسىسى بويىچە، 10 - دەرىجىلىك مېيىپقا  تۆلەم تۈپ سانىنىڭ 1 ھەسسىسى بويىچە بېرىلىدۇ. ھادىسىگە ئۇچراپ يارىلىنىش  ياكى كەسپىي كېسەلگە گىرىپتار بولۇپ قېلىش تۈپەيلىدىن ئۆلۈپ كەتكەنلەرگە تۆلەم تۈپ سانىنىڭ 10 ھەسسىسى بويىچە بىرلا قېتىملىق تۆلەم پۇلى بېرىلىدۇ. بىرلا قېتىملىق تۆلەم سوممىسى ئۈستىدە تالاش - تارتىش يۈز بەرسە،  ئەمگەك تالاش - تارتىشلىرىنى بىر تەرەپ قىلىشقا ئائىت بەلگىلىمىلەر بويىچە بىر تەرەپ  قىلىنىدۇ.

مەنبە: تورى

http://elbehre.com/forum.php?mod=viewthread&tid=394

ئىقى قەغەز
                  قارىسى سىياھكەندە

بىلۋلىشقا تىگىشلىك ساۋات ئىكەن لىكىن بىزنىڭ قىرىنداشلىرمىز <نان تىگىدىغان >مۇشۇنداق تىمىلارغا دىققەت قىلمايدۇ،،،،!!!!!!!