ئۈرۈمچى
ئۈرۈمچى ئاھ ئۈرۈمچى، ئېتى ئوتلۇق ئۈرۈمچى،
يىتىمچىگە باغرى كەڭ نىنى تاتلىق ئۈرۈمچى .
كىلەلمىسە ئارماندا ،كىلىۋالسا دەرماندا،
ئۆز يۇرتىغا پاتمىغان پېتىپ كەتكەن ئۈرۈمچى.
كۆرەلمەسنىڭ كۆزىنى ئېچىۋەتكەن ئۈرۈمچى،
سۆزلىيەلمەس تىللارنى سازلىۋەتكەن ئۈرۈمچى.
يامان نىيەت يۇرتۋازنىڭ لاي سۇ كىرسۇن گىلىگە،
ۋاپاسىغا جاپا كۆپ ئىلىكى شور ئۈرۈمچى.
ئۈرۈمچى ئاھ ئۈرۈمچى ئەزىم دەريا ئۈرۈمچى،
جەنۇپ، شىمال، شەرىقە ئۆتەڭ بولغان ئۈرۈمچى.
قۇتۇرىشىپ كارۋانلار، قىلىپ نۇرغۇن نەسچىلىك،
دۆڭگەپ قويسا ئار ئالماي يۇتىۋەتكەن ئۈرۈمچى.
ئۈرۈمچى ئاھ ئۈرۈمچى، باغرى ئىللىق ئۈرۈمچى،
كىندىك قېنىم تۆكۈلگەن ئانا يۇرتۇم ئۈرۈمچى .
ھەقايسىڭىز ئېغىناپ ئېغىل قىلغان ئۈرۈمچى،
تۇزكورلارغا ھىچ سۆز يوق، نامى يامان ئۈرۈمچى
| 
