پاھ ! پاھ ! كۆزۈمنى ئېچىپ قويدۇڭلار دوسلار سىلەرگە ھەقىقەتەن قايىل بولدۇم

ئۇنداقتا سىز مۇ بۇ مۇشائىرەگە قېتىلىڭ!!!؟

بۇ مېنىڭدىن سىزلەرگە ئاددىغىنە نەسىھەت،
قۇلاق سېلىڭ، يېتىلسۇن سىزدە ياخشى پەزىلەت.
قاناتلانسۇن تەپەككۈر،يۇلتۇزلارغا باققاندا،
ئەلگە سۆزلەڭ ھېكمەتنى،كەتمىگەندە شۇ پۇرسەت.

ئەلگە سۆزلەڭ ھېكمەتنى، كەتمىگەندە شۇ پۇرسەت
پۇرسەت  ئۈتۈپ  كەتكەندە قىلىسىز  شۇ  نادامەت
ئىلىم-بىلىم تەھسىل قىل،قاپلىدى يۇرتنى جاھالەت
شۇ  چاغدىلا  كۆرىسىز  ، ئىككى  دۇنيا  سائادەت

شۇ  چاغدىلا  كۆرىسىز  ، ئىككى  دۇنيا  سائادەت
كىچىلىرى  ئۇخلىماي ،  قىلغاندىلا     ئىبادەت
رەب رىزاسى كۆزلىگەن ،قىلماس ھەرگىز مەئسىيەت
دىن يولىدا ئۆتكىزەر ھاياتىنى  ھەر   سائەت

مىنىڭغۇ شۇنداق يازغۇم بار ئەمما ئىقتىدارىم چەكلىك يازالمايمەن

دىن  يولىدا  ئۆتكۈزەر  ھاياتىنى  ھەر سائەت
مۆئمىندە بار ئاشۇنداق گۈزەل ئالى خىسلەت
ئىمانسىزلار  ياشايدۇ  بەئەينى ھايۋانلاردەك
ئۇيۇن-تاماشا،يەپ-ئىچىش مانا بۇ بىر جاھالەت

ئۇيۇن-تاماشا،يەپ-ئىچىش مانا بۇ بىر جاھالەت
ئىلىم - بىلىم  ئەسرىدە  بۇنداق  ئىشلار  زالالەت
ھاياتىڭنى  قەدىرلە!  بۇ   ئىمتاھان  دۇنياسى
ئىسىڭدىن چىقارمىغىن! بىر كۈن بۇلۇر قىيامەت

ئىسىڭدىن چىقارمىغىن! بىر كۈن بۇلۇر قىيامەت
ھەق قىيامەت بولغاندا قالماس سىزدە ھېچ تاقەت
كاپىرلارغا تەيياردۇر ئەلەملىك ئازاب دوۋزاخ
مۆئمىنلەرگە مۇكاپات باغۇ-بوستانلىق جەننەت

مۆئمىنلەرگە مۇكاپات باغۇ-بوستانلىق جەننەت،
ئېرىشكىلى بولماس ئاڭا قىلماي تۇرۇپ ئىبادەت.
گۇناھلىرىم كۆپتۇر مېنىڭ كەچۈرگىن ئۇلۇغ رەببىم،
ئاخىرەتتە ئاتا  قىلغىن بىزلەرگە بەخت-سائادەت.