بۇ سەھنىدە ئولتۇرغانلار نىمە دىگەن ئەخمەق ھە!

ئەسسالامۇ ئەلەيكۇم !
ئاگاھ ، نۇرغۇن ئىزدىنىشلىرىڭىز دەلىل - ئىسپاتلىرى بىلەن تورداشلارنىڭ قوللىشىغا ئېرىشكەن ياخشى كىشىسىز ، بۇنداق ئالدىراقسان ھالدا بىر جۈملە  ئىنكاس بىلەنلا جاۋاب قايتۇرىدىغانلىقىڭىزنى ئويلاپ باقماپتىكەنمەن .

ئەجەبا، مايكل جېكسۇن، ئاللاھنى ئۇلۇغلايدىغان مۇسۇلمان بولسا، ئامرىكىلىقلار ئۇنى خاتا دەپنە قىلىپ قويغانمىدۇ؟ مەن، جېكسوننى يەھۇدىلاردەك دەپنە قىپتۇ  دەپ ئاڭلىغان....
مايكل جېكسوننىڭ ئاكىسى ھەقىقەتەن مۇسۇلمان بولغان!  جېكسوننىمۇ مۇسۇلمانكەن دەپمۇ ئاڭلىغان لېكىن بىلگۇچى ئاللاھ....

ئاتالمىش سەنئەت ساھەسىدە ئادەمنىڭ ئۆزىنىڭ مۇسۇلمانلىق ھالىتىنى ساقلىشى قىيىن.ئارىمىزغا نۇرغۇن غەرب مەدەنىيىتى،ئۆزگە دىن مەدەنىيىتى ئاللىبۇرۇن سەنئەت نامى بىلەن كىرىپ بولدى،بىراق بىز سەنئەتخۇمار مىللەت دىگەن نامغا گول بولۇپ،ئاتالمىش سەنئەت نامى بىلەن كىرگەن ئۆزگە مەدەنىيەتنى كۈلۈمسىرەپ كۈتىۋالدۇق.ئادەتتىكىسىنى قويۇپ تۇرايلى روسىيىنىڭ ئاققۇ ئۇسۇلى دەمدۇ بىر نېمىسى بار ،كىيىمنىڭ ھېسابىدا يوق بىر نەرسىلەرنى كىيىۋېلىپ ئوينايدىغان،يەنە تانسا،كوچا ئۇسۇلى.....قايسى بىرى مەن مۇسۇلمان دىگەن كىشى قوبۇل قىلىدىغان ئىشلار قاتارىدىن .بىز خەقنىڭ ئىچىدىكىنى بىلمەيمىز،كۆڭلىدە ئويلىغىنىنى ھەم بىلمەيمىز.بىراق كۆڭلىمىزدە بىلىمىز  دەپ ئۆزىمىزنى ئالداپ كۆنۈپ كەتكەن بىز قاچانغىچە ئويغانمايمىز.
شارۇلخان مۇسۇلمان بوپتۇ دەپ ئاڭلىدۇق،خوش بولدۇق،ئاللاھقا ھەمدۇسانالار ئېيتتۇق.بىراق كېيىنچۇ؟كېيىن ئىشلىگەن كىنولىرىغا قارىساق بىلىمىز،نى يېرىم يالىغاچ خوتۇنلار بىلەن ئۇسۇل ئويناۋاتقان كۆرۈنۈشلىرى تولا.
يۇلتۇز ئوسمانوۋمۇ ھەجگە بېرىپ كېلىپ،رومال ئارتىپ ناخشىلىرىدا ئاللاھنى كۈيلىدى،سۈرە فاتىھەنى كىرىشتۈرگەن يەرلىرىمۇ بار تېخى،بىراق كېيىن تۈركىيىگە بېرىپلا ،يەنە يېرىپ يالىڭاچ كىينگەن مۇھەببەت ناخشىلىرىنى ئېلان قىلدى.ئەجىبا مۇشۇ مۇسۇلماننىڭ ئەخلاقىمۇ؟مۇسۇلمان مۇشۇنداق بولۇشى كېرەكمۇ؟
مۇشۇنداق گەپلەر بولۇنسا بەزى تورداشلار ئالدىراپ بىزنى كۆرەلمەسلىك قىلدى ،ئۆزلىرىنىڭ قولىدىن پوق كەلمەيدۇ،نام چىقارغانلارنى كولاپ دەيدۇ.ئەمەلىيەتتە بىز تازا بەك كۆرگەچكە مۇشۇ گەپلەرنى دەيمىز،چۈنكى ئۇلار ھېچ بولمىسا نام چىقارغان كىشىلەر،مۇخبىر دىگەن دەل شۇنداق كىشىلەرنىڭ كەينىدە يۈرىدۇ.ئۇلارنىڭ ھەر بىر ئىش-ھەركىتىگە نۇرغۇن كىشى دىققەت قىلىدۇ.مۇسۇلمان بولغان بولسا،شۇ ھامان ھەممە يەرگە پۇر كېتىدۇ.شۇنىڭ بىلەن نۇرغۇن ئىسلامنى چۈشەنمىگەن كىشىلەر ئۇلارغا قاراپ ئىسلام مۇشۇنداق دىن ئوخشايدۇ.بىزنىڭ دىنلارنى بەكمۇ پەرقى يوقكەن دەپ چۈشىنىپ قالىدۇ.
بىزدەك ئارىدا قالغانلارغىغۇ مايدەكلا ياقىدۇ،كۆڭلىمىزدە بىلىمىز دەپ............

مۇشۇ كىچىككنىنە  بىر تىما بىزدىكى ئىديە جەھەتتىكى بۆلۈنىشنىڭ بىرتۈرىنى ئىسپەتلەپ تۇرۇپتۇ!!!  

ھەرقانداق مىللەت ئارىسىدا ئىدىيە جەھەتتە مۇتلەق بىرلىكلىك بولمايدۇ.جەمىيەت پەقەت مانا مۇشۇنداق زىددىيەت ئىچىدە تەرەققىي قىلىدۇ.بىرلىكنى ساقلاش كېرەك ،بىراق بۇ يەردىكى گەپ قانداق ساقلاشتا~~~

ئۇغۇ شۇ! ئەمما قاراشلىرىمىز بەكلا  توقۇنۇشلۇق يەنى سىز ئىيىتقاندەك بىرلكنى ساقلاش تازا ياخشى بولمايۋاتىدۇ،خۇددى باشقا باشقا پىلانىتلاردا ياشاۋاتقاندەك!  مۇشۇ مۇنبەردىلا شۇنداقمىكىن دىسە باشقا مۇنبەرلەردە تېخىمۇ شۇنداق!!!!ئەلۋەتتتە ھازىر تورغا چىقىپ،يەنە كىلىپ مۇشۇنداق مۇنبەرلەردە پىكىر ئالماشتۇردىغانلار  ئاساسەن خىلى تۈزۈك،بىر نەرسىلەرنى ئويلايدىغان قاتلامغا كىردىغان كىشلەر دەپ ئويلايمەن!

دېگەنلىرىڭىز ئورۇنلۇق،مۇنبىرىمىزدىكى ئەزالار ئاساسەن ئوقۇۋاتقانلار،خىزمەتكە قىلىۋاتقانلار،شۇنداقلا ئوچۇق پىكىرلىك كىشىلەر.
مۇنبىرىمىزدە ھەقنى چۈشەنگەن ۋەچۈشەندۈرۈشنى خالايدىغان كىشىلەر كۆپ بولغاچ دىنىي تېمىلار كۆپرەك يوللىنىدۇ ۋە ئالقىشلىنىدۇ،ئويۇن-تاماشا خاراكتىرىدىكى تېمىلار ھەر ۋاقىت قامچىلىنىپ تۇرىدۇ.بىراق بۇ قامچىلاش بىر قىسىم قېرىنداشلارغا ئېغىر كېلىپ قالىدۇ.ئامال يوق،ئېغىر كەلسىمۇ ئەمدى سۈكۈت قىلىپ تۇرىدىغان ۋاق قالمىدى.مۇشۇنداق تېمىلارغا ئىككى ئېغىز تەنقىدىي پىكىر بېرىپ بولغۇچە،بىزمۇ مۇسۇلمان،كۆڭلىمىزدىكىنى ئاللاھ بىلىدۇ دەيدىغانلار چىقىدۇ.توغرا،بىزمۇ دەل ئۇلارنى مۇسۇلمان بىلگەچكە،ئۆزىمىز بىلگەننى ئۇلارغا يەتكۈزۈشنى ئويلايمىز،قايسى بىر مۇسۇلمان ئۆز قېرىندىشنىڭ گۇناھ قىلىشىنى خالايدۇ،يۇقىرىقى تېمىغا ئوخشاش،ئەگەر ئۇ بالا ئىسلام دىنىغا ئېتىقاد قىلىدىغان تۈرك مىللىتى بولمىغان بولسا ئىدى،ھېچكىم ئۇنىڭغا ئېغىز ئۇپرىتىپ يۈرمىگەن بولاتتى.ئەلۋەتتە بۇ يەردىكى گەپلەرنى ئۇ بالا كۆرمەيدۇ،بىراق شۇ بالىغا ئالقىش ياڭرىتىۋاتقان مۇشۇ يەردىكى قېرىنداشلار بولسىمۇ مۇشۇ يۇقىرىقى گەپلەردىن ئازراق بولسىمۇ مەنپەئەت ئالسا،بىزمۇ گەدىنىمىزدىكى ۋەزىپىمىزنى ئادا قىلساق دىگەندىن باشقا مەقسىتىمىز يوق.
بۇ يەردە شۇنىمۇ تەكىتلەپ ئۆتىشىمىز كېرەككى،دىنىمىزغا تاقىشىدىغان ئىشلاردا ئالدى بىلەن دىننىڭ روھىنى ئاساس قىلالىساق،ھەرگىزمۇ ئۆزىمىزنىڭ نەپسى-خاھىشىمىزنى ئاساس قىلمىساق ئىختىلاپمۇ بەك كۆپ بولمايدۇ دەپ ئويلايمەن.