قىز قۇدۇقتىن سۇ ئېلىۋېتىپ بىر ئۈزۈكنى سۈزۈۋاپتۇ ، ئۇ ئادەتتىكى ئۈزۈك ئەمەس بەلكى سېھىرلىك ئۈزۈك ئىكەن.
_ مېنى قويىۋەتكىن
گۈزەل قىز ، سېنىڭ ھەر قانداق تەلىپىڭنى ئورۇنداي ،- دەپتۇ ئۈزۈك يالۋۇرۇپ.
_ مېنىڭ بىرلا تەلىپىم بار . مېنى سۆيىدىغان ، ئاق كۆڭۈل ۋە ئەقىللىق شاھزادىدىن بىرنى بەرگىن ، ئەلۋەتتە ئۇ باي بولسا تېخىمۇ ياخشى ،-دەپتۇ قىز قىلچە ئىككىلەنمەي .
_ مۇشۇنداق ئاددىيمۇ ؟ ساڭا ئاق ئاتلىق شاھزادە لازىم ئەمەسمۇ ؟ _ سوراپتۇ ئۈزۈك ھەيران بولۇپ .
_ لازىم ئەمەس ، ماڭا پەقەت پىيادە كەلگىنىلا كۇپايە ، - دەپتۇ قىز كەسكىنلىك بىلەن.
_ نىمە ئۈچۈن ؟ - ئۈزۈك قايمۇقۇپ قاپتۇ .
_ يىگىرمە يىل ئىلگىرى ئاپام مۇشۇ قۇدۇقتىن سۇ ئالغاندا بىر سېھىرلىك بىلەزۈك سۈزۈۋاپتىكەن ، _ دەپتۇ قىز ھېكايىسىنى باشلاپ ،_ئۇ بىلەزۈكمۇ ساڭا ئوخشاش ئاپامنىڭ بىر تەلىپىنى ئەمەلگە ئاشۇرۇپ بەرمەكچى بوپتۇ ، ئاپام ئاق ئاتلىق شاھزادىگە ئېرىشىشنى تەلەپ قىپتۇ.
_ ئاق ئاتلىق شاھزادىمۇ ؟_ سوراپتۇ بىلەزۈك ئاپامدىن .
_ شۇنداق ، پەقەتلا ئاق ئاتلىق شاھزادە دەپتۇ خۇشاللىقىدىن قىن-قىنىغا پاتمىغان ئاپام.
_ ئاق ئاتنىڭ ئېگەرى ئال
تۇندىن بولسۇنمۇ ؟_دەپ سوراپتۇ بىلەزۈك .
_شۇنداق ، ئالتۇندىن بولسۇن ، -دەپتۇ ئاپام .
_ ئاتنىڭ نۇختىسى كۈمۈشتىن بولسۇنمۇ ياكى گۆھەردىن كۆز قۇيۇلغىنىمۇ ؟_دەپ سوراپتۇ بىلەزۈك يەنە .
_ ئەلۋەتتە گۆھەردىن كۆز قۇيۇلغىنى بولسۇن .
_ شاھزادىنىڭ دوپپىسىغا تۆگە قۇش پېيىدىن زىننەت بېرىلسۇنمۇ ؟
_ توغرا ، تۆگە قۇش پېيىدىن زىننەتلەنگەن بولسۇن .
_ شاھزادىنىڭ كىيىملىرىگە ئۈنچە-مەرۋايىتتىن زىننەت بېرىلسۇنمۇ ؟_دەپ سوراپتۇ بىلەزۈك .
_ ھەئە !ھەئە!_ ئاپام خۇشاللىقىدىن گۈلقەقەلىرى ئېچىلىپ ، بىلەزۈكنى قويىۋېتىپتىكەن ، شۇئان ئاق ئاتلىق شاھزادىمۇ يېتىپ كەپتۇ . ئۇ ئاق ئات بەكلا چىرايلىق ئىكەن!چوڭ ، كۈچلۈك ، كۆزلىرىدىن ئوت چاقناپ تۇرىدىكەن . ئۇنىڭ ئېگەرى كۈن نۇرىدا ۋالىلدىسا ، نۇختىسىدىكى گۆھەرلەر كۆزنى قاماشتۇرىدىكەن . شاھزادىنىڭ كىيىملىرىگە قادالغان ئۈنچە-مەرۋايىتلار كۆزنى چاقىنىتىدىكەن .ئۇ شاھزادىگە نەزەر ساپتۇ ، توۋا ، ئۇ قانداقسىگە شاھزادە بولسۇن ؟!دۈمچەك بولغاننى ئاز دەپ ، ئاغزى مايماق ، كۆزى قىسماق ، ئەپتى بەئەينى دەلدۈشنىڭ ئۆزى ، گېپىنىڭ سېسىقلىغىچۇ تېخى .... ئۇزاق ئۆتمەي ئۇ پۈتۈن دۆلىتىنى ، ئېتىنى ، ھەتتا كىيىم -كېچەكلىرىنى ھاراق ئۈچۈن سېتىپ تۈگىتىپتۇ. ئۇنىڭ ئۈستىگە ئاپامنىڭ ھامىلدار بولۇپ قالغانلىقىنى ئاڭلاپلا ئاپامنى تاشلاپ باشقا ئاياللارنى تېپىۋاپتۇ .
شۇڭا ئاپامنىڭ كەچۈرمىشلىرى ماڭا بىر ھەقىقەتنى تونۇتتى : يەنى، ئۆمۈرلۈك ھەمراھ تاللىغاندا ، ھەرگىزمۇ ئاشۇ ئەھمىيەتسىز نەرسىلەرگە ئېسىلىۋالماسلىق كېرەك.
تەرمىلەر ژورنىلى
قانداق ؟ ئاق ئاتلىق شاھزادە ئەكىلىپ بىرەيمۇ ؟؟؟
