بۇ قېتىمقى روزا ھېيت تەتىلگە توغرا كەلگەچ،ئازراق كېچىكسەممۇ ھېيتنى ئۆيدىكىلەر بىللە ئۆتكۈزۈپ ماڭاي دەپ سەل كېيىنرەك يولغا چىقتىم.پويىزدا يىڭىدىن ئالىي مەكتەپكە قوبۇل قىلىنغان ئوقۇغۇچىلار خېلى كۆپ ئىدى.مەن ئوتتۇرا كارىۋاتتا زېرىكىپ تېلىفۇنىمنى ئويناپ ئولتۇرىۋېتىپ ئىككى ئانىنىڭ گىپى تۇيۇقسىز قۇلىقىمغا كىرىپ قالدى.ئۇلار دەل ئاستى كارىۋاتتىكى ئوتتۇرا ياشلىق ئاياللار بولۇپ،بىرى ئۇيغۇر،يەنە بىرى قازاق ئىدى.ھەر ئىككىسىلا بەك مودا ئاياللار بولمىسىمۇ ھەر ھالداھازىرقى زامانغا ماسلىشىشنى ئۇنتۇپ قالمىغاندەك قىلاتتى.ئۇيغۇر ئايالنىڭ چاچلىرى پۈدرە،يىڭى قىسقا كۆڭلەك بىلەن ئىشتان كىيىۋالغان،قازاق ئايال بولسا يىڭى بېشىغا يوقنىڭ ھېسابىدىكى ياغلىق ئارتىۋالغان،كىيىملىرى ھەر ھالدا پۈتۈنرەك ئىدى.ئۇ ئىككى ئايال بىر خەنزۇ قىزىنىڭ كىيىۋالغان كىيىمىگە قاراپ مۇنازىرىگە چۈشتى:
-مۇشۇ خەنزۇ خەق دىگەن خالىغانچە كىيىدۇ،قىلچىمۇ باشقىچە ھېس قىلمايدۇ،نېمانداق قىسقا بىر نەرسە كىيىۋالغاندۇ،-دېدى ئۇيغۇر ئايال.
-ھازىرقى ئالىي مەكتەپ بالىلىرى مۇشۇنداق بولۇپ كەتتى،ئالىي مەكتەپكە چىقسىلا ھەممە نېمىسى ئۆزگىرەيدىغان گەپ-،قوشۇپ قويدى قازاق ئايال.
ئۇيغۇر ئايالمۇ يېنىدىكى قىزىغا قاراپ:
-سىلەرمۇ مەكتەپكە بارساڭلار مۇشۇنداق كىيىدىغان بولۇپ كېتەسىلەر ئەمدى؟-دېدى چاقچاق ئارىلاش كۈلۈپ،قارىماققا قىزىنىڭ ئۇنداق يۈرىشىگىمۇ ھېچقانچە قارشىلىق قىلىدىغاندەك قىلمايتتى.
-بىزنىڭ بالىلار مۇنداق بولۇپ كەتمەس،بىراق مۇنداقراق كالتە ئىشتانلارنى كىيىدىغان بولۇپ كېتىدۇ-،دېدى قازاق ئايال قولى بىلەن تىزىنىڭ ئۈستىدىرەك ئورۇننى كۆرسىتىپ.(ئۇلار ئىزچىل 短裤 دەپ ئالغانىدى،مەن كالتە ئىشتان دەپ تەرجىمە قىلىپ قويدۇم،بىزنىڭ يۇرتتا شۇنداق ئىشلىتەتتۇق).
ئۇيغۇر قىز بالىمۇخىجىل بولۇپ :<< نەدە ئۇنداق بولۇپ كېتىدىغان ئىش بار>>دەپلا تۈگەتتى.
كېيىن ئۇلار مەكتەپتىكى پاراڭلارغا چۈشتى.ھېلىقى قازاق ئايال چوڭ بالىسىنى ئاپىرىپ قويغاندا ئۇيغۇر بالىلارنىڭ ئۆزلىرىنى قانچىلىك كۈتىۋالغانلىقىنى،نۇرغۇن جايلارنى كۆرسەتكەنلىكىنى،يەنىلا مۇسۇلمان مۇسۇلماننىڭ قاياشى بولىدىكەن دەپ ئاغرى-ئاغزىغا تەگمەي سۆزلەپ كەتتى.
تۇرۇپ ئويلىنىپ قالدىم.پەرزەنتلەرنىڭ يامان يولغا كىرىپ قېلىش قانداقتۇر ئۆزىدىكىلا مەسىلە ئەمەسكەن.ئاتا-ئانا بولغۇچىنىڭ رولىمۇ بەك چوڭ بولىدىكەن.ئانا بولغۇچى ياغلىقسىز قالسا،قىز بولغۇچى چاڭگا باش بولىدۇ،ئانا بولغۇچى يەنە نىمە دىيەلىسۇن،زامان مۇشۇنداق دەيدۇ شۇ.قىزلىرىمىز بۈگۈن كالتە ئىشتان بىلەن كوچىغا چىقسا ئەتە نەۋرىمىز ئىشتانسىز كوچىغا چىقىدىغان بولىدۇ.
مانا بۇ دەل شۇ جەمىيەتتىكى ئانىلارنىڭ يارامىسىز،ئاتىلارنىڭ ئىمانسىز،يىگىتلىرىمىزنىڭ مەسئۇلىيەتىسز،قىزلىرىمىزنىڭ ئەقىلسىز ئىكەنلىكىنىڭ پولاتتەك پاكىتى بولۇپ قالىدۇ.
مەنبە:ئۆزۈم~~~
