روسىيە دۆلەتلىك ئىستاتىسكا باشقارمىسى مەملىكەتكە كېلىۋاتقان مۇھاجىرلارنىڭ سانى ھەققىدە مەلۇماتلار بەردى.
مەلۇماتقا قارىغاندا،روسىيەگە ياشاش ئۈچۈن كېلىۋاتقانلار ئارىسىدا ئۆزبېگىستانلىقلار ئاساسلىق ئورۇننى ئىگەنلىگەن. ئىستاتىسكا باشقارمىسىنىڭ 2011-يىلنىڭ دەسلەپكى يېرىم يىللىق مەلۇماتىدا ،يىل بېشىدىن بۇيان 159 مىڭ كىشى روسىيە پۇخرالىقى ياكى دائىملىق ياشاش ھوقۇقى بىرىش ئۈچۈن ھۆكىمەتكە ھۆججەت سۇنغان.
ئۇلارنىڭ يېرىمدىن كۆپىرەكى ئوتتۇرا ئاسىيالىق ئىكەن.رەسمى ھىساپ-كىتاپلارغا قارىغاندا ،2011-يىلنىڭ بېشىدىن 28600 ئۆزبېگىستان پۇخراسى روسىيە پۇخرالىقى ياكى دائىملىق ياشاش ھوقۇقى بىرىش ئۈچۈن روسىيەگە كەلگەن ئىكەن.
قىرغىستان ئۆزبېگىستاندىن كىيىنكى ئورۇندا بولۇپ،20 مىڭ قىرغىستانلىق روسىيە گىراژدانى بولۇش ئۈچۈن ئەرىز تاپشۇرغان.كۈزەتكۈچىلەر ئۇلارنىڭ كۆپىنچىسىنىڭ 2010 -يىلى قىرغىستان جەنۇبىدا يۈز بەرگەن مىللەتلەر ئارا تۇقۇنۇشتىن كىيىن ،كىتىشكە مەجبۇر بولغان ئۆزبېگلەر ئىكەنلىكىنى ئېيتىشماقتا.
روسىيەگە كۆچكەنلەرنىڭ سانى بويىچە ،ئەرمەنىستاندىن كۆچكەنلەر ئۈچىنجى ئورۇندا تۇرىدىكەن.تەخمىنەن 15 مىڭ ئەرمەن مەملىكىتىدىن روسىيەگە چىقىپ كەتكەن.
