قۇل ئاخىرى ئاتا قىساسىنى ئالدىغان ۋاقىتنىڭ كەلگەنلىكىنى سىزىپ خوش بۇلدۇ ۋە پۇرسەت تىپىپ ئۈچ ئىلىش ئۈچۈن بۇ خىزمەتتىن رازى بۇلدۇ.



شاھزادە غەزەپلەنگەن ھالدا ئاتىسىنىڭ سەلتەنىتىنى قايتۇرۋىلىش كۇيدا بۇلدۇ. شۇ كۈندىن ئىتبارەن ئۇ تىغىمۇ باتۇر بۇلۇپ كىتىدۇ.

ئەسسالامۇ ئەلەيكۇم
      بۇ ياخشى بىر مۇنازىرە تىمىسى بوپتۇ.
مىنىڭچە بۇ يەردە ئەڭ ئاۋال ئۇ بۇ شەرت، شارائىت، تەربىيەلەرنى ئويلىنىشنىڭ ھاجىتى يوق.
شاھزادە دەررۇ زادىلا قوبۇل قىلالمايدۇ، قۇل بولسا دەل بۇنىڭ ئەكسىچە بولىدۇ، مەيلى ئانىسى ئۇنى زىندانداندا ۋىجدان ، ئادىميلىك جەھەتتە قانچىلىك تەربىلىگەن بولسۇن، بۇ ھەقىقەت . يەنى بۇ ئىنساننىڭ ماھىيەتلىك خارەكتىرلىرىنىڭ بىرى .
قەپەس ئىچىدىكى قۇش قانچىلىك كۆندۈرۈلگەن بولسۇن ، يىگىنى ، ئىچكىنى نىمە بولسۇن ئەڭ ئاۋال   قەپەسدىن ئازاد بولۇشنىلا ئويلايدۇ سىرتىغا مەڭگۈ تەلپىنىدۇ ،ئۇ يەردە  پەرۋاز قىلماقنىلا خىيال قىلىدۇ.خىيالى  ئۇنىڭدىن باشقىسىغا ئۆتمەيدۇ.
   ئىنساننىڭ بۇ ماھىيىتىنى بىلىپ يەتكەن تارىختىن بۇيان ئادالەتلىك ھۆكۈمرانلاردىن باشقا بارلىق  سىياسىئون، ھۆكۈمرانلار  دەل ئاۋۇ ۋەزىرنىڭ يولىنى تۇتۇپ كەلگەن ، بۇ خىل ھاكىميەت باشقۇرۇش يولى ھازىرمۇ قىلچە ناتونۇش ئەمەس، بەلكى ئومۇميۈزلۈكتۇر.
   ئەمدى بۇلارنىڭ  بىرنەچچە يىلدىن كىيىنكى كەيپىياتىغا ، ئەھۋالىغا كەلسەك ، بۇ تىمىدىنمۇ چوڭ ھەم ئېھتىماللىقلىرى كۆپ بولغان بىر مۇنازىرە چىقىدۇ ، شۇڭا بۇنى ئايرىم مۇنازىرە قىلسا تېخىمۇ ياخشى بولىدۇ.

سىزنىڭ شاھزادە جاناپلېرىنى تەسۋىرلىشىڭىز خۇددى  جۇڭگو كۇمۇدىيە كىنولېرىدىكى ياپۇنلارنى تەسۋىرلەشكە ئۇخشىسا يەنە بىر تەرەپتىن ئەپەندىمنىڭ لەتىپىلېرىدىكى بايلارنىڭ باللېرىنىڭ تەسۋىرىگە ئۇخشاپتۇ. شۇڭا سىزنىڭ ئۇ تەھلىلىڭىزنى  يۇمۇر دەپ؛ا چۈشەندىم.

بىر دولەتنى پاراۋان باياشات سورىغان بىر پاشا سىزچە بالىسىنى قانداق تەربىيلەيدىغاندۇ؟

بىر قۇلنىڭ بالسىنىڭ ھۈرلۇككە ئىنتىلدىغانلىققا ئىشىندىكەنسىزيۇ،بىر شاھزادىنىڭ ئاتا سەلتەنىتىنى ياۋرۇ ئاسىياغا كىڭەيتىش ئارزوسىنىڭ بارلىقىغا نىمىشقا ئىشىنەلمەيسىز.

نەسەبى پەسلەر قۇرساق ئۈچۈن ياشايدۇ.شۇڭا ئۇلارغا ئىشىنىشكە بولايدۇ.

ئىسىل نەسەپتىكىلەر بۇيۇك ئارزو ئارمانلار بىلەن ياشايدۇ.ئىش تاپشۇرماق بولساڭ ئىسىل نەسەپتىكىلەرنى تاللا.

قۇدۇقتىكى پاقا بىلەن كۆلدىكى پاقا قانداقمۇ ئوخشسۇن....قۇدۇقتىكى پاقا بىرئۈمۈر قۇدۇقتا ياشىغانلىقى تۈپەيلى .سىرتقا چىقىشقا ئىنتىلىدۇ  .سىرتقا چىققاندا بولسا جاھان ئەسلى مۇشۇشۇكەن دەپ .قانداق جان بىقىشنى ،ئۆزىنى قانداق قۇغداشنى ،ئەمدىلىكتە قانداق قىلىشنى دەماللىققا ئويلاپ ئولتۇرماي ،بىشى قايغان پۇتى تايغان يەردە يۈرۈپ  ئوزىمۇ بىلمەي يىلانغا يەم بۇلۇپ كىتىشى مۇمكىن.
لىكىن ئاۋۇ كۆلدىكى پاقا قانچا باياشات ياشىسىمۇ دوست دۈشمەننى ئايرىيالايدىغان،يىراقنى كۆرۈدىغان ، پاشىنى نەدە قانداق تۇتۇشنى يىلاندىن قانداق يۈشۇرنىشنى بىلىشىمۇمكىن ، قۇدۇققا چۈشۈپقالسىمۇ قۇدۇقتىكىلەرگە دۈشمەن بىلەن دوستنى پەرىقلەندۈرۈشنى ئۈگۈتىشى ھەم مۇشۇ قۇدۇقتىن قۇتۇلۇش ئۈچۈن ئۇلارنى  قۇدۇقتىن چىقىشقا سەپەرۋەر قىلىشى مۇمكىن.

مىنىڭ كاللام مۇشۇنىڭغا ئىشلىدى مۇشۇ مىنىوتنىڭ ئۆزىدە . ئەتە يەنە بىر ئۇقۇپ يەنەبىر تەھلل قىلىپ كۆرەي  

ئەسسالامۇ ئەلەيكۇم~~~
مەن  شۇنى ھېس قىلدىمكى زىنداندىكى بالا زىنداندىن چىققاندىن كېيىن ئۆزىنىڭ تۇرمۇشىغا بىر ئۆمۈر شۈكرى قىلىپ ئۆتۈشى مۇمكىن.چۈنكى ئۇ تۇغۇلۇپ شۇ ۋاققىچە ياتقىنى زىندان،كۆرگىنى قاراڭغۇلۇق بولدى،سىرتقى دۇنيانىڭ قانداقلىقىنى بىلمەيدۇ ۋە تەسەۋۋۇرمۇ قىلالمايدۇ.مانا مۇشۇنداق بېكىنملىك ئىچىدە قىلچە ئەركىنلىك يوق ھالەتتە ياشىغان كىشى ئۈچۈن ئۇنىڭ زىنداندىن چىقىشى ئۇنىڭ ئۈچۈن ئەڭ چوڭ بەخت،چۈنكى ئۇ ئەركىنلىككە ئېرىشتى،يەنە ئاز بولسىمۇ مائاشلىق بولدى.شۇڭا ئۇ مۇشۇ تۇرمۇشىغا بىر ئۆمۈر شۈكرى قىلىشى،ۋەزىرنى بىر ئۆمۈر ئۆزىنىڭ نىجاتكارى بىلىپ ئۇلۇغلىشى مۇمكىن.
شاھزادىگە كەلسەك بۇرۇن شۇنداق سەلتەنەت سۈرگەن ئەلنىڭ ئەتىۋالىق شاھزادىسى ئىدى،ھەممە نېمىسى تەل ئىدى،بىراق ھازىر ھەممىدىن ئايرىلىپ نەچچە مو يەرگە دېھقان بولدى.بۇ ئەلۋەتتە ئۇنىڭغا ئېغىر كېلىدۇ،چۈنكى ئەسلىدە ئۆزىگە تىگىشلىك بولغان نەرسىلەر باشقىلار تەرىپىدىن تارتىۋېلىندى ئەمەسمۇ،شۇڭا پۈتۈن كۈچى بىلەن ئۇنى قايتۇرۇۋېلىشنى ئويلايدۇ.ئۆزىنى خەلق ئارىسىدا تاۋلاپ چىقىدۇ.
ھازىرقى جەمىيىتىمىزدە دەل مۇشۇنىڭغا ئوخشاش ئىشلار ساماندەك،ئاددىي بىر مىسال.ھازىرقى بىر قىسىم ياشانغان كىشىلىرىمىز دەل زىنداندىكى بالىنىڭ ۋەكىلى.يەنە بىر قىسىم ياشلىرىمىز بولسا شاھزادىنىڭ ۋەكىلى.
چوڭلار دەيدۇ:بالام،ھازىرقى كۈنلەرگە مىڭ شۈكرى.مەدەنىيەت ئىنقىلابى ۋاقتىدا بىز ئامالسىز ئۆزىمىزنىڭ قولى بىلەن ئۆزىمىزنىڭ كىتابى قۇرئاننى كۆيدۈرگەن،بىراق ھازىر ئۇنداق ئىشلار يوق.ئۆزىمىز شەخسىي بىر تۈپ گىياھ ئۆستۈرەلمەيتتۇق،ھازىر ياخشى سىياسەتلەر كۆپ.بۇرۇن بىز كۈنىمىزگە يېرىم نانغا ئىشلەيتتۇق،ھازىر  ئۆزىمىزگە يېتىپ يەنە قولىمىزدا قالغۇدەك پۇلغىمۇ ئېرىشەلەيمىز.پارتىيىنىڭ سىياسىتى ياخشى،ئاز بولسىمۇ ھۆكۈمەتنىڭ تۆمۈر تاۋىقىنىڭ ئېشى تۈگەپ قالمايدىغان ئاش بالام.شۈكرى دەپ ئۆتەيلى............
ياشلار دەيدۇ:بىزنىڭمۇ بۇرۇن ھازىرقىدىنمۇ ئېسىل شانلىق تارىخىمىز بولغان،لېكىن كېيىن بىر مەزگىل خاراپلاشقان شۇ.بۇندىن كېيىن تېخىمۇ گۈللىنىدۇ.ھازىر دەۋر ئۆزگەردى.ئۆز ئالدىغا تەرەققىي قىلىش،ئۆزى ئىگىلىك تىكلەش،ئۆزىنى جەمىيەتتە چېنىقتۇرۇش كۈندە تۆمۈر قازاننىڭ تامىقىنى يىگەندىن ياخشى،يا ئادەم ئەركىن بولالمىغان،كۈندە بىر خىل ئىش تەكرارلىنىۋەرگەن..........

قارىغاندا ئابدۇكېرىمكامنىڭ يىڭى ئېتوتى تازا ئىلھام بولدىمۇ  نىمە  سىلىگە؟؟؟؟

قۇرۇق گەپ !

ئاۋال زىنداندىن چىققان بالىدىكى ئۆزگىرىشكە تەخمىنە قىلىپ باقايلى.
ئەڭ ئاۋال بۇ بالا يىگىرمە نەچچە يىل كۈتكەن يۇرۇقلۇقنى كۆرىدۇ. ئەتراپىدىكى ھەرخىل يىڭى شەيئى بۇ بالىغا نىسپەتەن ئەسەبى قىزغىنلىقنى كەلتۈرۈپ چىقىرىدۇ. تۈرمە ئىشىكىدىن چىققان ۋاقىتتا تۇنجى بۇلۇپ قۇياشنى كۆرىشى مومكىن. يائاللا قانداق بۇلار ؟  مېنىڭچە بۇ بالا قورقۇپ كېتىشى مۇمكىن. بۇرۇنمۇ قۇياش تۇغۇرلۇق تۈرمىداشلېرىنىڭ بايانىغا ئاساسەن ھەر خىل قىياسلارنى قىلغان بۇلىشى مۇمكىن. لىكىن قۇياشنىڭ مۇنچىلىك ھەيۋەتلىكىنى كۆرۈپ قورقۇپ كېتىشى مۇمكىن. سىرتتىكى ئادەملەرنىڭ پۇت- قۇلىدا كىشەنسىز ھالدا ئەركىن يۈرگەنلىكىنى كۆرۈپ، ئۆزىنىڭ نىمە ئۈچۈن يىگىرمە نەچچە يىل ئەركىنلىكتىن مەھرۇم ھايۋان كەبى ياشىغىنىغا ئېچىنىشى، سەۋەبى تۇغۇرسىدا ئويلىنىشى مۇمكىن. سودىگەرلەرنى، باققاللارنى، ناۋايلارنى، ئاشپەزلەرنى، ئەسكەر-نەۋكەرلەرنى، ھاراقكەش، نەشىكەش، پاھىشىلەرنى، راھىپ، مۇسۇلمان، خىرىستىئانلارنى، ھەرخىل ئىرىقتىكى، ھەرخىل تىلدىكى ئادەملەرنى كۆرۈشى ۋە بۇ كىشلەر بىلەن ئۆزىنىڭ پەرقى تۇغۈرسىدا ئويلىنىشى مۇمكىن. تۈرمە ئىچىدىكى غەمكىن دەرت-ئەلەم تۆكۈلىدىغان بىر خىل مەزمۇندىكى پاراڭلارنىڭ ئورنىغا، كىشىلىك تۇمۇشتىكى جان بېقىش ۋەجىدىن كىلىپ چىقىدىغان نۇرمال ئالاقە، ئالدامچىلىق، كاززاپلىق ئىچىدە تىڭىرقىشى مۇمكىن. ئادەملەرنىڭ نىمە ئۈچۈن يالغان سۆزلەيدىغانلىقى، نىمە ئۈچۈن بىر-بىرىگە ئورا كولايدىغانلىقى، نىمە ئۈچۈن ئۈستۈنلۈك تالىشىدىغانلىقى تۇغۇرسىدا خېلى بىر مەزگىلگىچە بىر چۈشەنچىگە كىلەلمەسلىكى مۇمكىن. بۇ خىل ھېسسىيات خۇددى يېزىدىن مەركىزى شەھەرگە كەلگەن ئادەمدىكى ياكى بولمىسا دىيارىمىزدىن چەت مەملىكەتلەرگە چىققان ئادەمدىكى ۋە ياكى بۇ دۇنياغا يېڭىدىن تۇغۇلغان بىغۇبار بۇۋاقتىكى ھەيرانلىققا، تىڭىرقاشقا، قىزىقىشقا، ياتسىراشقا ئوخشايدۇ. ۋەزىر بەرگەن خىزمەتنى قىلىش جەريانىدا باشقىلارنىڭ ئۆزىگە بولغان مۇئامىلىدە ئۆزگىرىش بولغانلىقىنى ھېس قىلىشى مۇمكىن. مۇئاشىغا بازاردىن نەرسە- كېرەك سېتىۋالغان چېغىدا سودىگەرنىڭ خۇشامەت ئارلاش قىلغان تەكەللۇپلېرىدىن مەست بۇلىشى مۇمكىن. بۇ ئىشلارنىڭ سەۋەبى تۇغۇرسىدا كۆپ ئويلىنىپ، تۈرمىدىكى ئانىسى ئېسىگە كېلىشى مۇمكىن. ئانىسىنى يۇقلىشى ئېنىق. ئانىسىغا بازاردىن ئەڭ ئېسىل نازۇ-نىمەتلەرنى ئېلىپ بېرىپ تۈرمە ئىشىكىدىن كىرەلمەي، گۇندىپايغا ئۆمرىدىكى تۇنجى ئادىمىگەرچىلىكنى قىلىشى مۇمكىن. ئىشقىلىپ بىر ئادەم نۇرمال تۇرمۇشتا ئۇچرايدىغان ھەممە مۇناسىۋەتلەرنى باشتىن ئۆتكۈزىشى مۇمكىن.
ئاخرىدا قەلبىدىكى ئاتىسىدىن مىراس قالغان ئۆكتە قۇپۇش ئىدىيىسى تىرىلىشى مۇمكىن. نىمە ئۈچۈن مۇشۇنداق بۇلىدۇ؟ نىمە ئۈچۈن تۈرمىدە ياتتىم؟ نىمە ئۈچۈن ئاتامنىڭ گۇناھىغا ئانام ئىككىمىز قېتىلىپ جازالىنىمىز؟ نىمە ئۈچۈن يەنە تۈرمىدىن يېنىپ چىقتىم؟ يەنە قايتا تۈرمىگە كىرىپ قالارمەنمۇ؟ بۇ ئىشلارغا مەن سەۋەپچىمۇ ياكى ئاتام سەۋەپچىمۇ؟ ئانام سەۋەپچىمۇ؟ پادىشاھ سەۋەپچىمۇ؟ ۋەزىر سەۋەپچىمۇ؟ نۇرغۇن خىياللارنى قىلىشى مۇمكىن.
ئەتراپتىكى ئادەملەرنىڭ ھەر تۈرلۈك كەسىپلەرنى قىلىۋاتقانلىقىنى، ئۆزىنىڭ بولسا ھاجەتخانا تازلاۋاتقانلىقىنى ئويلاپ ئىككى خىل ئەھۋال كېلىپ چىقىشى مۇمكىن. بىرىنچىسى، بۇرۇنقى تۈرمە ھاياتىنى ئويلاپ شۈكرى قىلىشى مۇمكىن. يەنە بىرى باشقىلارغا ئوخشاش باشقا كەسىپ بىلەن شۇغۇللىنىپ باققۇسى كېلىشى مۇمكىن. بىرىنچى خىل ئەھۋال بىر قەدەر بىخەتەر، تېنىچ، بۇ بالا مېنىڭچە بىرىنچى يولنى تاللايدۇ.
مېنىڭ بىرىنچى يولنى تاللايدۇ دىيىشىمدە مۇنداق ئۈچ سەۋەپ بار. بىرىنچىدىن بۇ بالا ياشلىقىنى تۈرمىدە ئۆتكۈزگەن. ھېچقانداق مائارىپ تەربىيىسى،ھۆنەر ئىگەللىمىگەن. تۈرمە ئىچىدىكىلەردىن ئۆگەنگەنلېرىنىڭ ھەق بۇلىشى، تۇرمۇشتائەسقاتىشى، سىرتقى دۇنيادىكى رىقابەتتە پۇت تىرەپ تۇرالىشى ئۈچۈن دەسمايە بۇلالىشى مۇمكىن ئەمەس.
ئىككىنچىدىن، بۇ بالىنىڭ ئىدىيىسى بۇرمىلىۋىتىلگەن. پۇتۈنلەي تاپا-تەنە، بۇيرۇق، مەسخىرە ئىىچىدە چوڭ بولغان. ھازىرقى خىزمىتىمۇ تاپا-تەنە، بۇيرۇق، مەسخىرە ئىچىدە ئۆتىدۇ. باشقا ئادەم بۇ خىزمەتكە كۆنەلمىسە بۇ بالا كۆنەلەيدۇ. ھەتتا موك خوش ياقىدۇ .
ئۈچىنچىدىن، بۇ بالا كونتىرول قىلىنغان. ئاپىسى ھېلىھەم تۈرمىدە. بۇ بالا ئاپىسىنى ئويلاپ بولسىمۇ، مۇشۇ خىزمەتنى داۋاملاشتۇرىدۇ. بۇ خىز مەتنى تاشلىۋەتسە ئاپىسىنىڭ قىينىلىپ قىلىشىدىن ئەنسىرەيدۇ.
ئەلۋەتتە ئىككىنچى خىل ئەھۋالنىمۇ مۇمكىن بولمايدۇ دىگىلى بولمايدۇ. لىكىن چۇقۇم خېلى بىر مەزگىلگىچە مۇشۇ خىزمەتنى داۋاملاشتۇرىدۇ. قانداق ئەھۋال ئاستىدا ئىككىنچى خىل ئەھۋال يۈز بېرىدۇ؟
بلا تۈرمىدىن چىققاندىن كېيىن خىزمەت جەريانىدا تاپا- تەنىگە ئۇچرىسىمۇ، تاياق -تۇقماق، قىيىن-قىستاقتىن  قۇتۇلۇپ قالىدۇ. مۇئاشىنى ئالغان ۋاقىتتا بازارلارنى ئايلىنىپ خىراجەت قىلىش جەريانىدا ئادەملەر بىلەن مۇئامىلە قىلىشىدۇ. دەسلەپتە دەككە-دۈككە ئىچىدە سودا-ئالاقە قىلغان بولسا ھازىر خېلى يۈرەك كىرىپ قالىدۇ. نەرسە- كېرەكلەرنىمۇ ئانچە-مۇنچە باھا تالىشىپ، ناچار مالنى ئالسا دىشۋارلىشىپ دىگەندەك ئىشلار بۇلىدۇ. بۇ ئىشلارنى ئانىسىغا سۆزلەپ بېرىدۇ. ئەلۋەتتە ئانىسى بالسىنىڭ بەختى ئۈچۈن خۇشال بۇلىدۇ. يىغلايدۇ. بالا ئانىسىنى تۈرمىدىن ئەپ چىقىۋىلىشنى ئويلايدۇ. قانداق قىلىش كېرەك؟ بالا ئانىسىنى قانداق قىلىپ تۈرمىدىن ئەپ چىقىۋالىدۇ؟ بۇنى كېيىن يازاي.