ھىجابلىق قىزلار
ھەق رىزاسىن تىلەپ ھىجاپ تۇتقان قىزلار ،
خەقنىڭ ئەمەس خالىق لۇتفىن كۈتكەن قىزلار.
ھەق ئىشقىدا نازىل ئىشقا يۈرگەن قىزلار،
پاك قەلبىڭىز چىن ئىلاھىي ھېسلار تۇيسۇن ،
ئورانغان ئاي يۈزىڭىزنى ئاللاھ سۆيسۇن.
يات نەزەردىن قېچىپ ھىجاپ تۇتۇپ يۈزگە،
ئىبرەت بولۇپ بىھايا يۇ قارا يۈزگە ،
ئەمدى ھەتتا تاش ئاتسىمۇ تەگمەس سىزگە،
سىزگە زۇلۇم ئىستىگەنلەر ئۆزىن تۇيسۇن
ئورانغان ئاي يۈزىڭىزنى ئاللاھ سۆيسۇن .
بولۇپ فەيزۇ كارامەتلەر كەبى سىرلارغا باي ،
مىسلى بۇلۇت ئارىسىدىن كۈلگەندەك ئاي.
ھاياغا پۈركىنىپتۇ ئايدەك چىراي
كىيىم كەيگەن يالىڭاچلارھەسەتتە كۆيسۇن،
ئورانغان ئاي يۈزىڭىزنى ئاللاھ سۆيسۇن.
ئارىيەتلىك ئاي يۈزلەرنى توسقان پەردە،
بىر چىرايلىق تاۋلاپتۇ مىڭبىر چىرايدا،
يامان كۆزدىن ساقلىسۇن ئاللاھ ھەر جايدا،
بىتەۋفىقلەر مەيلى نېمە دېسە دېسۇن
ئورانغان ئاي يۈزىڭىزنى ئاللاھ سۆيسۇن
مۇھاپىزە قىلىپ ئۆزنى يات نەزەردىن
بەش مەھرەمنى قۇتقۇزدىڭىز ئەھلى ناردىن
ھەق لۇتفىغا سازاۋەرسىز تاڭ سەھەردىن
ئوچۇق -سوچۇق يۈرگەنلەرھەم ئېسىن يىغسۇن
ئورانغان ئاي يۈزىڭىزنى ئاللاھ سۆيسۇن.
دۇنيا سىنىق ھەق يولىدا سابىت قېلىڭ
خەتەرلەردىن ئامان ئېسەن ئۆتۈۋېلىڭ
جەننەت ئۈزرە بۇندا پاياندازلار سېلىڭ
ئاللاھ ئۆزى سىزگە بەخت ئاتا قىلسۇن،
ئورانغان ئاي يۈزىڭىزنى ئاللاھ سۆيسۇن..
-ئۆزبېكچىدىن تەرجىمە قىلىندى
